Matìyò 2:12 - The New Testament in the Babanki language

¹² Vəwenə nè fʉ a məpfwo, pfwo fa jì kədyàŋ ando Nyìngòŋ ntyɨftəli wen a jòm la kə vəwenə be a bwènə̀ dyʉ̀ a Helòd.

Matìyò 2:12 ပူးပေါင်းရင်းမြစ်များ

Matìyò 1:20

Ghə̀ mbu kwòʼtə̀ əsàs lam ayi alì ntsɨ̀ŋ Nyìngòŋ vì à wen a jòm ə gàʼ la,“Josèf wyè fòyn Devìt, kə a fàyn əlyɨ̀ Mèli a nə̀ wì wù byìʼe wàyn yì a ghə̀ gùfə̀lì à nè kəzhwì kəŋwoʼkə”.

Matìyò 2:13

A ndiʼ ando viʼi və tofə və nbwenə li vì ntsɨ̀ŋ Bobo vì à Josèf a jòm ə gàʼà wen la,“Lu ə lyɨ̀ wàyn ghèn wenə lì wen fa shə̀ ə nyɨ̀ŋ dyʉ̀ a Ijìb byiʼàndo Helòd kəŋə wàyn a ghèn əzhwi. Ghə̀ŋ dyʉ̀ ghə̀ŋ fàŋ tò tsu əzaʼa fa a zhʉ a ma a gàʼ la ghə̀ŋ bwènə̀ ə vì.”

Matìyò 2:19

Helòd lù pfʉ ntsɨ̀ŋ Bobo fʉ a kə̀, Josèf a jòm a loʼ Ijìb ə gàʼ la,

Matìyò 2:22

A ndiʼ ando Josèf nzhʉ la à sə soʼo Akelùs a kəshi tìʼ wen a Judiyà, ghə̀ sə̀ fàynə̀ no ŋàŋ əŋwʉʼə tsu. Ntsɨŋ Nyìngòŋ be vì ə tyɨftə wen a jòm la ghə̀ nyɨŋ ə dyʉ̀ a shə loʼ Galìlì.

Matìyò 27:19

Bilate mbù bù a ngə̀ŋ soʼo nsoʼ Yesò, wì wen tɨm ntɨm à wen gàʼà la, “Kə a we kəvu kə̀ a wèn wìʼ ghèn a və kəŋə zhwi wen tò kədyàŋ lə̀, byìʼàndo mà tə yèn ngəʼ no nànto a jòmsə nəntʉʼʉ lan byìʼì wen.”

Ŋwàʼlə̀ Luk 2:26

Mu kəzhwì kəŋwoʼkə ndiʼ li a wen la ghə̀ ko lu pfʉ kèn la ghə̀ yenli wìʼ yi a Bobo ntsuʼ li ə tɨm.

Shwèʼ 10:22

Viʼi vi gàʼ la, “Yès diʼ a shèn mù à tɨ̀m Kòneliyòs, kətʉ kə vəsugyèʼ ntɨmə yes. Ghə̀ dìʼ wù kənyʉ̀ kə tɨməkə, fànə̀ Nyìngòŋ, no Vəjew no vətsèm be gumlə̀ wen. Ntsɨ̀ŋ ngə̀ŋ Nyìngòŋ ŋwoʼo tsen tə gàʼ à wen la, ghə̀ tɨm ntɨm ə̀ dzàŋ wù wu vi à wen a ngə̀ŋ ə̀ shə̀ʼtə̀ kənyʉ̀ à wen.”

Shwèʼ 4:19

Bità wenə̀ Joyn bòŋsə̀ bwènsə̀ bèm a vəwenə la, “Ghə̀ŋ kwòʼtə̀ la à bòŋ kə kò ashɨ Nyìngòŋ a? La yès zhʉ fa Nyìngòŋ mu la yès zhʉ fa ghə̀ŋ lo?

Shwèʼ 5:29

Bità wenə̀ viʼi ntɨm ə̀ Yesò vətsenvə vi bwènsə̀ la, “Yès diʼ nzhʉ tò fà Nyìngòŋ, yès ko diʼi nzhʉ fà viʼi.

1 Kolìntyàns 3:19

Ghə̀ diʼ ne alə byìʼì ando ətof yì a viʼi mbyi venə kiʼi diʼ to nə̀ kəkoyn a Nyìngòŋ. Və nyòʼò li a Ŋwàʼlə̀ Nyìngòŋ la, “Nyìngòŋ ə lyɨ ə tof ə viʼi və tofəvə a nə̀ kətamkə bwensə ghaʼa vəwenə tsu.”

Hibùlù 11:7

Nuwà ə mbyɨmə a Nyìngòŋ ə zhʉ kətyiftə kì a ghə̀ kù kumə nyʉ̀, və mbo ndiʼ ə lu fʉ. Ghə̀ zhʉ li Nyìngòŋ ə bayntə kəbaŋ la kə bwoŋsə wen wenə ngwaʼ ə ngə̀ŋ ə wen. Ghə̀ mbyɨmə li a Nyìngòŋ, ə diʼ làynsə la viʼi mbyi vətsenvə ə̀ diʼ viʼi və byɨvə ali ghə̀ fʉ̀ a wù kənyʉ̀ kətɨməkə.

Hibùlù 8:5

Əshwèʼ yì a vəwenə ne to nə̀ vəpfèm və ngə̀ŋ Nyìngòŋ diʼ to kədèmdèm kə kənyʉ̀ ki a kə diʼi akàŋ. A lə kənyʉ̀ ki a Nyìngòŋ ə nku kətyiftə a Mosìs a tʉʼ a ghə̀ ə nkəŋ ə bwòm fəngə̀ŋ fifə a Nyìngòŋ. Ghə̀ ə ngàʼà a wen la, “Tuʼmə ə shɨtə no tèbe ghò to ndə̀ŋndəŋ a ji yi a mà tə diʼi a wù a kwi pfèn.”