Matìyò 19:9 - The New Testament in the Babanki language

⁹ Mà gàʼà à ghə̀ŋ la no ndò a ghə̀ sətsèn dzɨ̀m wì wen à bwen tò la wùwì ayì tsi li wenə wùlɨm tsen, bè dyʉ̀ lam wùwì tsen, mu ghə̀ lì kwaʼà li soʼ lam.”

Matìyò 19:9 ပူးပေါင်းရင်းမြစ်များ

Matìyò 19:10

Ndzɨ̀mtə̀sə bàm wen mù gàʼ à wen la,“Ghèn sətsèn ndiʼ ntsìnə̀ a wùlɨm diʼ ntsi wenə wì wen mu kə bòŋ la kə wìʼ à làm nə̀ mpfen.”

Matìyò 19:8

Yesò gàʼà vəwenə la, “Mosìs nlù byɨmə la ghə̀ŋ zì ghə̀ŋ dzɨ̀mə̀ ki vəŋə byìʼàndo tʉ vəŋə nchiʼi ə ghə̀ŋ ziʼi ə̀ kɨ̀ kənyʉ̀. A bwen a lì a Nyìngòŋ nghʉ byìʼì lam fa kənzìtə̀.

Matìyò 5:32

Ma be sə gàʼà à ghə̀ŋ luwen la no ndò a ghə̀ sə tsèn dzɨ̀m wì wen à bwen tò la wùwì a yì jèʼtə̀, wùwì ayì be dyʉ̀ làm kədyàŋ mu wùlɨm mbì yì ne li la wùwì ayì kwàʼ soʼ lam, bè nè la wìʼ a ghə̀ lamə wùwì ayì tsili nə̀ wì wìʼ.

Ŋwàʼlə̀ Luk 16:18

“No məndo a ghə̀ dzɨ̀mə̀ wì wen ə làm ghə̀ kədyàŋ, ghə̀ kwaʼali soʼ làm. No wulɨm ko a ghə̀ lamə wùwì a ghə̀ fʉ̀ lam, mu ghə̀ be kwaʼa soʼ lam.”

1 Kolìntyàns 5:1

Ma zhʉ li to ando və gàʼà, kə diʼ to no nəmwèʼè la ghə̀ŋ vətsenvə ə tsi ətsìnə̀sə kəfwaʼlə. Ji yi a ghə̀ŋ tsi fa tsù ə fwàʼlə̀ chò ando viʼi vyi a və ko kɨ Nyìngòŋ ə tsi. Ma zhʉ li la wìʼ diʼ a ghə̀ŋ a ntìntìn, tsi nə̀ wi tìʼ wen.

1 Kolìntyàns 7:39

Wùwì ə lamə ko be diʼ ə lam ə zàʼa to ando lɨmə wen bo tsi, mu lɨmə wen sətsen pfʉ, ghə̀ lam no ndò yi a ghə̀ kòŋ, ali a diʼ ə̀ ndi wìʼ a ghə dzɨ̀mtə̀ Bobo.

1 Kolìntyàns 7:4

Kə diʼ alə̀ byìʼì ando wùwì ə ko kiʼi kədyòʼ a wen a kətʉ kə wèn, ali a kiʼi lɨmə ə wen, to ndə̀ŋndəŋ ando wulɨm ə ko kiʼi kədyòʼ a kətʉ kə wèn ə wen, ali a kiʼi wi wen.