Matìyò 19:22 - The New Testament in the Babanki language

²² Andìʼ a zhʉ a wàyn wùlɨm a yì nzhʉ, kənyʉ̀ akì ghə̀ lù kò ghə̀ be nsaŋlə̀ byìʼàndo ghə̀ nkìʼ ghoʼ no ghoʼo.

Matìyò 19:22 ပူးပေါင်းရင်းမြစ်များ

Matìyò 13:22

Ngwaʼa tsen yì a ghə̀ mfəŋkə a tì ndzoŋsə lì dìʼ to nə̀ wìʼ yì a ghə̀ zhʉ kənyʉ̀ kə Nyìngòŋ, ngəʼsə kwi nse a shə̀ bè nə̀ kòŋə əkiʼi ə ghoʼ tàʼsə kənyʉ̀ akì la kə kə kumə ashɨ a wen a ntsìnə̀.

Matìyò 14:9

Fòn Helòd sə sheʼkə̀ no nànto alì ə̀ gàʼ la və tin kətʉ kə Joyn wù ku à mù vì nə̀ kəwenkə kù a wàyn wùwì ayì. Ghə̀ nè a lì byìʼàndo ghə̀ nsə̀ diʼ mu ghə̀ zhɨ li məkàyn a shɨ viʼi ghayn wen.

Matìyò 16:26

Wìʼ lè zì ghə̀ se no ghò a zhʉ a ghə̀ kiʼì mbi ghèn no tsèm, alì kəzhwì kə wen kə le a? Wìʼ lè zì ghə̀ zen sò kətʉ wen no nə̀ ghò?

Matìyò 19:21

Yesò bwènsə̀ à wen la, “A zhʉ a wù kəŋə kwʉ̀ʼʉ̀ mè, wu dyʉ̀ bàʼlə fo vyə no tsèm ə̀ ku ko yi à viʼi kənfem ndi lu kiʼi ghoʼ a kàŋ. Wù ne nè a lì wù vì dzɨ̀mtə̀ mò.”

Matìyò 19:23

Yesò mù gàʼ à ndzɨ̀mtə̀sə bàm wen la, “Mà gàʼà à ghə̀ŋ nəmwèʼè la kə lu nto no nànto wu ghoʼo kwen a soʼ Fòyn Nyìngòŋ.

Matìyò 6:24

“Wìʼ ə zi ko ghə̀ lə ə ndìʼ wù ə shyèʼ a viʼi və bò. Kə diʼ ali, a ghə̀ a bàynə̀ ghə̀ mùʼ kòŋ ghə̀ tsen; ali, ghə̀ nə̀ ngumlə̀ əmùʼ to fa əzhʉ. Wù zi ko wu lə shwèʼ a Nyìngòŋ bè shwèʼ a ə ko.

Ŋwàʼlə̀ Mak 10:22

Ghə̀ nè zhʉ gàʼa Yesò aghenə, kəʼə wen byɨf no tsèm, ghə̀ lù kò ghə̀ mbè saŋlə̀ byìʼàndo ghə̀ nkiʼi ghoʼ no a nkàyn.

Ŋwàʼlə̀ Mak 6:26

Kənyʉ̀ akì nè fòn sə diʼ nə̀ sheʼkə̀ no nànto alì kò ghə̀ lə̀ kòŋ əbyɨsə gàʼa a wàyn aghèn byìʼàndo ghə̀ nsə̀ diʼ mu ghə̀ gaʼà li kənyʉ̀ akì ə kàyn a shɨ viʼi və vi və wen.

Ŋwàʼlə̀ Luk 18:23

Kətʉ a kyì nè zhʉ kənyʉ̀ na kèn, kə nè, ghə̀ sə̀ diʼ tò nshinsə a nshinsə byìʼì ghə̀ ndiʼi no wù ghoʼo.

Joyn 16:20

Ma gaʼa a ghə̀ŋ to no nəmwèʼè la, ghə̀ŋ ə̀ dì no nànto, mbi saŋlə sàŋlə. Ghə̀ŋ nè sə kusə shinsə, ali ə kusə ə shinsə a yi kaʼkə a saŋlə.

Efisyàns 5:5

Ghə̀ŋ kɨ nəmwèʼè la viʼi vyi a və dzɨ̀mtə̀ ki kò viʼi a və dzɨ̀mtə̀ lʉ̀mə nə̀ viʼi a və ne nyʉ̀ ə kəfwaʼlə ə tsenəvə nə̀ viʼi a ashɨ ə vəwenə bàŋ (a diʼ ji ə tsen ə nkuʼsə nshəʼsə) ə ko lu kwen akəshi kə əfòyn ə Klistò wenə Nyìngòŋ.

Kòlòsyàns 3:5

Ghə̀ŋ maʼa nyʉ̀ ə byɨvə no ətsèm. Kə wìʼ ə tsi nə̀ wùwì a kodiʼ wi wen kò nə̀ wulɨm a kodiʼ lɨmə wen. Ghə̀ŋ maʼa ətsìnə̀sə kəfwaʼlə. Kə ghə̀ŋ kiʼi əkwoʼtə a ghə kòŋə̀ ə nè mbyɨ. Ghə̀ŋ maʼa ashɨ bòghə byìʼì ando ashɨ bòghə diʼi la ghə̀ŋ gumlə əfo ə nse, a kodiʼ Nyìngòŋ.