Matìyò 19:16 - The New Testament in the Babanki language

¹⁶ Wutsen nlù vì bèm à Yesò la, “Ndìʼsə̀, ma lè zì mà ne no ghò jùŋə ndi lu kiʼi bwòŋ a?”

Matìyò 19:16 ပူးပေါင်းရင်းမြစ်များ

Matìyò 19:15

Ghə̀ gàʼ a lì ghʉ̀ avu wen à vəwenə a tʉ bwaʼsə vəwenə mù lù sə̀ jèʼè dyʉ̀.

Matìyò 19:26

Yesò ki vəwenə tò fəchìʼ, mù gàʼ la, “kənyʉ̀ a kènkə to chò tò wìʼ, alì nyʉ̀ tsèm bwaʼmə à Nyìngòŋ.”

Matìyò 19:29

Adìʼ tè ndò a ghə̀ moʼtə̀ li kəbəŋ kə wen ko vəlèmə və wen lʉmə, ko vəlemə və wen ki, ko tìʼ wen ko lì wen ko vunə wen ko təsɨm tə wen byìʼì mò mu ghə̀ lu bwènsə̀ kiʼi viʼi bènə̀ fo aghayn ghɨ. Ghə̀ be lə kiʼi bwoŋ a ghə̀ lu faŋə̀ tò ghayn ə mùʼ.

Matìyò 25:46

Fòn ne gàʼ a lì mu tɨm vəwenə, vəwenə lu dyʉ̀ kwen a tì ngəʼ yì a ghə̀ ko lə mè, viʼi kənyʉ̀ kətɨməkə vi kiʼi bwòŋ yi a ghə̀ faŋə̀ tò ghayn mùʼ.

Joyn 10:28

Ma kù ntsìnə̀ yì a ghə̀ ko lu mè a byi a sensə, ko sə lu be ə pfʉkə. Wìʼ zizi ko ghə̀ lu ghaʼa ə shi səwensə fa mo kəvu.

Joyn 12:25

A kòŋ no ndo ə tsi a mbyi ashə, a ghə̀ pfʉ, a ə baynə no ndò ə ntsi a mbyi ashə, a ghə̀ lù kiʼi ə ntsìnə̀ yì a ghə̀ ko lu mè.

Joyn 3:15

ndiʼ no ndò yì a ghə̀ byɨmə a wen kiʼi bwòŋ yi a ghə̀ ko lu mè.

Joyn 4:14

Alì, mu à nyʉ̀ no ndò nyʉ mu mì a ma ku, mu ətoŋ mu ko lu be zɨmə wen. Wìʼ ə sətsen nyʉ mu na mèyn, ma dyʉ̀ kaʼkə ndiʼ a wen a wèn to nə̀ fədyàn fə, ə ne wen la ghə̀ kiʼi ntsìnə̀ yì a ghə̀ ko lu mè.”

Joyn 5:39

Ghə̀ŋ ziʼi Ŋwàʼlə̀ Nyìngòŋ byìʼàndo ghə̀ŋ kwòʼtə la ghə̀ŋ na yen ji a ghə̀ŋ ne kiʼi bwoŋ yi a ghə̀ ko lu mè. A diʼ to ŋwàʼlə̀ Nyìngòŋ na ghèn a ghə̀ gaʼa kumə mò.

Joyn 6:47

Ma gàʼà a ghə̀ŋ to no nəmwèʼè la, à byɨmə no ndò mu ghə̀ lu kiʼi bwòŋ yi a ghə̀ ko lu mè.

Joyn 6:68

Saymun Bità ə bwensə a wen la, “Ə be ə dyʉ̀ ando a Bobo? A zizi a be shə̀ʼtə̀ ndò shə̀ʼtə̀ kənyʉ̀ ki a kə ku bwòŋ yi a ghə̀ ko lu mè a yes a?

Shwèʼ 16:30

Ghə̀ mù lyɨ̀ vəwenə fʉ̀ wenə̀ vəwenə a kəbəŋ ə̀ bèm à vəwenə la, “Vətìʼ, mà lè zì mà nè ghò bu lu kiʼi bwòŋ a?”

Lumans 2:7

Nyìngòŋ ə lu ku əbwòŋ yì a ghə̀ ko lu mè a viʼi vyi a və ghaʼa tyɨm ati shwèʼè ə jùŋ ghə̀, kəŋ to la ghə̀ ku əghoʼ a vəwenə nə̀ zhiʼ ə jùŋ ghə̀. Viʼi a vyi lu kiʼi əbwòŋ a ghèn nə̀.

Lumans 5:21

Mbyɨ ə diʼi kədyòʼ kì a ghə̀ kiʼi chò fa pfʉ ali Nyìngòŋ ə diʼi la ətyɨm ə jùŋə ə wenə ə kiʼi kədyòʼ ə lyɨ̀ vəghəŋ a viʼi kənyʉ̀ kətɨməkə ə ku ntsìnə̀ yì a ghə̀ ko lu mè a vəghəŋ chò fa a Bobo vəghəŋ Yesò Klistò.

1 Timotì 1:16

Nyìngòŋ ə diʼi li kusə shinsə à mò byìʼì ando ma ə ndiʼ fòyn ənyʉ̀ ə byɨvə. Ghə̀ ne alə̀ ndi Yesò Klistò diʼi mwetə əwen ə wen ə ne ə mà ə ndiʼ a nə̀ kəchwitə à viʼi vətsenvə ndi vəwenə yen kənyʉ̀ ki a ghə̀ ne à mò ə byɨmə à wen ndìʼ lu kiʼi ntsìnə̀ yi a ghə̀ ko lə mè.

1 Timotì 6:12

Mwòmsə̀ shwèʼ no nə̀ kədyòʼ kə ə ghaʼ byɨmə ə wu to nə̀ wìʼ yi a ghə̀ nyɨŋ kənyɨŋ ə zhɨ ndi wù lu kiʼi ntsìnə̀ yi a ghə̀ ko lu mè. Wokèn ə diʼ ntsìnə̀ yi a Nyìngòŋ ə ndzàŋ wù la wù kiʼi, ando wù ə tɨmə ashɨ viʼi ə gàʼ a ndayn la wù byɨmə li à Klistò no nə̀ ətyɨm ə wu no tsèm.

1 Timotì 6:19

Vəwenə sətsen ə ne alə, mu vəwenə ə we ghʉ kəchɨ kə ngə̀ŋ vəwenə kə to, vəwenə lu kiʼi ntsìnə̀ nəmwèʼè yi a ghə̀ ko lə me.

Taytùs 1:2

Jì nəmwèʼè aghèn ə nè la vəwenə nkɨ nəmwèʼè la Nyìngòŋ lu nè vəwenə kiʼi əbwòŋ yi a ghə̀ ko lu mè. Nyìngòŋ ko nə̀ nzhò ndzɨ̀ŋ. Əbwòŋ aghenə diʼ mu à nghʉ̀ Nyìngòŋ mibu mbi sə zìtə̀.

Taytùs 3:7

Nyìngòŋ ə nè alə̀ ndi vəghəŋ ə ndiʼ viʼi kənyʉ̀ kə tɨməkə chò fà boŋə tyɨm ə wen. A ji aghèn vəghəŋ lù kiʼi ə̀bwòŋ yi a ghə̀ ko lu mè.

1 Joyn 1:2

Əbwòŋ a ghèn ə ndiʼi li wen ə wen, yès yen ə mù sə ti a nə̀ viʼi və yenəvə a wen. Yès ə gàʼà a ghə̀ŋ bìʼì əbwòŋ aghenə a ghə̀ ndiʼi wenə Tìʼ ə dìʼ li wen ə wen a yès.

1 Joyn 2:25

Əbwòŋ a ghə̀ ko lu mè dìʼ kəfo a ghə̀ nghʉ li la ghə̀ lu ku à vəghəŋ.

1 Joyn 5:20

Vəghəŋ ə̀ bè kɨ la wàyn Nyìngòŋ ə̀ mvi li ə̀ dìʼsə̀ vəghəŋ la vəghəŋ nkɨ Nyìngòŋ yì a ghə̀ diʼì nəmwèʼè. Vəghəŋ sə diʼ a kənyʉ̀ kə mùʼ vəghəŋ və wen yì a ghə̀ diʼì nəmwèʼè bènə̀ wàyn wen ə Yesò Klistò. Ghə̀ dìʼ Nyìngòŋ yì a ghə̀ diʼ nəmwèʼè be diʼ əbwòŋ a ghə̀ ko lu mè.

Ŋwàʼlə̀ Jud 1:21

Ghə̀ŋ ə ntsi ntsìnə̀ ghə̀ŋ, kɨ nəmwèʼè la Nyìngòŋ ə koŋə ghə̀ŋ to ando ghə̀ŋ kəʼtə ə kiʼi ntsìnə̀ yì a ghə̀ ko lu mè to ando Bobo vəghəŋ Yesò Klistò lu ku a ghə̀ŋ byìʼì kusə nshinsə ə wen.