Matìyò 18:9 - The New Testament in the Babanki language

⁹ A sətsèn shɨ wu ne la wù ne mbyɨ wu tòŋ shìsə̀ ə̀ màʼà. Kə bòŋ la wù kiʼi bwòŋ tò nə̀ shɨ mùʼ əchò la wù nkiʼ ashɨ wu no à tsèm və moʼ wù a zhìʼ byɨghə.

Matìyò 18:9 ပူးပေါင်းရင်းမြစ်များ

Matìyò 16:26

Wìʼ lè zì ghə̀ se no ghò a zhʉ a ghə̀ kiʼì mbi ghèn no tsèm, alì kəzhwì kə wen kə le a? Wìʼ lè zì ghə̀ zen sò kətʉ wen no nə̀ ghò?

Matìyò 18:8

Kəvu kə̀ ko kəghʉ kə̀ sətsèn nè la wù ne mbyɨ wu tin ə̀ màʼà. Kə bòŋ la wù kiʼi bwòŋ yi a ghə̀ ko lə mè kènə̀ kəvu kə mùʼ ko kəghʉ kə mùʼ əchò la wù kiʼi wen wu no tsèm və moʼ wù a zhìʼ a ghə̀ ko lə mè.

Matìyò 19:17

Yesò bèm à wen la, “Byìʼì ghò a wu bèmə̀ kənyʉ̀ kə jùŋ kə kì a wù zì wù ne à mò a? A bòŋ nkwʉʼ tò Nyìngòŋ. Wù sətsèn kòŋ əkiʼi bwòŋ wu zhʉ̀ kənyʉ̀ kì a təsoʼ tə wen tə gàʼà.”

Matìyò 5:22

Ma be sə gàʼà à ghə̀ŋ luwen la no ndò a ghə̀ fwisə̀ tyin à lèmə̀ wen və le sòʼ wen, à te no ndò tè lèmə̀ wen la, ‘Kəfo kə maʼa kènkə!’ mu və lu dyʉ̀ nə̀ wen a shɨ ntsèntə̀ viʼi nsoʼ. A be tè no mə ndò tè lèmə̀ wen la, ‘Kəndzɨ̀ŋtə̀ kə kəfo kènkə!’ mu ghə̀ zì ghə̀ pfʉ̀ a zhìʼ byɨ ghə̀.

Matìyò 5:29

Shɨ kwoŋ toghə wù sə tsen nè la wù ne mbyɨ, wu tòŋ shìsə̀ màʼà. Kə bòŋ la wù gho shə wèn wù tsen ghə̀ mùʼ əchò la və mòʼ wen wu no tsèm a zhìʼ byɨ ghə̀.

Ŋwàʼlə̀ Mak 9:47

Shɨ wu be nè la wù ne mbyɨ, wu tòŋ shìsə̀, kə bòŋ la wù kwen a soʼ fòn Nyìngòŋ nə̀ shɨ̀ mùʼ əchò la wù nkiʼ ashɨ à wu no tsèm à bò, və moʼ wù a kəshi kə zhìʼ byɨghə,

Shwèʼ 14:22

ə tomsə viʼi vəbyɨməvə la vəwenə nghaʼa tyɨmə a vəwenə a byɨmə. Vəwenə bè gàʼ la, “Vəghəŋ diʼi chò fa tì ngəʼsə no sə ghoʼo mibu kwen a kəshi kə fòyn Nyìngòŋ.”

Hibùlù 4:11

Vəghəŋ mwomsə lì no nə̀ kədyòʼ kə ə kwen akəshi kəzhʉtəkə na ghèn. Vəghəŋ sə mwomsə, vəghəŋ ntuʼmə kə wìʼ na faŋ ke nzhʉ Nyìngòŋ ando vətiʼ və vəghəŋ ə ntyen la və ko zhʉtə faŋ kò və lə kwen.

Kəmwetə 21:27

Kəfo kə ko lu kwen tebè ati ntə̀ʼ na ghèn, ko kə laynə. Wìʼ la ghə̀ nè nyʉ̀ kəməŋ kò wìʼ dzɨŋ lu kwen tebè tsu. A lu nə̀ kwen to viʼi vyi a və nyoʼo li təzhiʼ tə vəwenə a ŋwàʼlə̀ əbwòŋ nə̀ We Njɨ̀.