Matìyò 18:15 - The New Testament in the Babanki language

¹⁵ Yesò bè gàʼ la “Lèmə̀ wù sətsèn nè mbyɨ à wù, wu dyʉ̀ yenə wen ə̀ shə̀ʼtə̀ kənyʉ̀ akì à wen a ghə̀ byɨsə̀. Wù nè sə ngàʼà andìʼ tò wenə̀ wen və bò. A sətsèn ghə̀ zhʉtə, mu kə diʼ la wù bwensə̀ li nkiʼi wen.

Matìyò 18:15 ပူးပေါင်းရင်းမြစ်များ

Matìyò 18:14

Kə diʼ tò ndə̀ŋndəŋ ando Tìʼ ghə̀ŋ a kàŋ ko kòŋ la wàyn muʼ fa ntìntìn vunə venə le.

Matìyò 18:21

Bità mù fʉ̀tə̀ vì ə̀ bèm a Yesò la “Bobo, lèmə̀ ghom lè mù sətsèn ə nè mbyɨ à mò tò ne, mà màʼà mbyɨsə wen aghayn à shə̀ʼ? Mà màʼà nyʉ̀ byɨvə wen ədyʉ̀ zaʼa aghayn sòmbo mu?”

Matìyò 18:35

Yesò mò ngàyn ayì mwètə̀ mù gàʼ la, A lè ando Tìʼ ghom a kàŋ lu nè no tè à ndo à ghə̀ŋ a ntìntìn a zhʉ a ghə̀ fàŋ ke lyèsə̀ ə ku lèmə̀ wen fà wen a tyɨm.”

Lumans 12:21

Kə ghə̀ŋ moʼtə kədyòʼ kə mbyɨ, kə to chò ghə̀ŋ. Ghə̀ŋ boŋsə to chò mbyɨ nə̀ nyʉ̀ ə jùŋə və vyi a ghə̀ŋ nè.

1 Kolìntyàns 8:12

Ghə̀ŋ əkɨ la ghə̀ŋ ne ali, a nè ndiʼ mù ghə̀ŋ nè li mbyɨ a vəlemə vəŋə ando ghə̀ŋ byɨbsə li əkwòʼtə̀ bwaʼa ghə̀ ə vəwenə, a diʼ mbyɨ a ghə̀ŋ ne a Yesò.

2 Kolìntyàns 7:12

Ma ko tə sə nyoʼ ŋwàʼlə̀ a ghə̀ŋ, a diʼ byìʼì wìʼ yi a ghə̀ ne kənyʉ̀ kəbyɨ kì, ko byìʼì wìʼ yi a ghə̀ ne kənyʉ̀ kəbyɨkə na kì a wen. Mà nyoʼo ə ndi Nyìngòŋ lutə sù diʼi ji a ghə̀ŋ a ghə̀ŋ kòŋ yès fa tsu.

Gàlesìyà 6:1

Vəlemə vwomə a byɨmə, wìʼ fa ghə̀ŋ sətsen nè no tèbe mbyɨ ə kò, ghə̀ŋ vətsenvə vi a kəzhwì kə Ŋwoʼkə tisə ghə̀ŋ, ghə̀ŋ mwomsə ə diʼ ji tɨmə. Ghə̀ŋ sə ne alə ghə̀ŋ to no nə̀ mbwaʼmə. Ghə̀ŋ sə diʼ, ghə̀ŋ tùʼmə̀ nə̀ təwen ə təŋtə abwen ali, ghə̀ŋ be fəŋ a mwomsə.

Kòlòsyàns 3:13

Ghə̀ŋ kiʼ ətyɨm ə zhʉ̀təghə a ghə̀ŋ təwenə, ghə̀ŋ mbe lyesə ku no zhʉ̀ ko a wìʼ kiʼi ngəʼ wenə lèmə̀ wen. Ghə̀ŋ lyesə ku təwen tyəŋtə to ndə̀ŋndəŋ ando Bobo lyesə li kù ghə̀ŋ.

1 Tèsàlonyà 4:6

Ma gaʼa la kə wìʼ na nè kənyʉ̀ kəbyɨkə a lèmə̀ wen no faphen. Yes sə diʼ mù yesə ngaʼa li nyʉ̀ venə a ghə̀ŋ ə sə be gàʼa luwen no nə̀ kədyòʼ kə la, Bobo lu ku ngəʼ a viʼi vyi a və tsi ntsìnə̀ ə byɨ na ghèn,

2 Tèsàlonyà 3:15

Alì kə ghə̀ŋ na nè nyʉ̀ a wen alə̀ ando ghə̀ŋ nè a viʼi kəbàyn ghə̀ŋ, ghə̀ŋ ə boŋsə ku kətyiftə a wen to ando ghə̀ŋ kù a lèmə̀ ghə̀ŋ.

Taytùs 3:10

Wìʼ ə mvì nə̀ kəngə̀sə̀ kə, wu pfàntə̀ wen əzaʼa aghayn à bò. Wìʼ ayì faŋ ke kwitə, wù ghʉ̀sə dyʉ̀ nə̀ wen,

1 Bità 3:1

Ki, ghə̀ŋ be ngumlə̀ və lɨmə ə vəŋə. Ghə̀ŋ sətsen ə ne alə, ətsìnə̀sə jùŋsə ə ghə̀ŋ sə zizi sə nè vəlɨm ə vəŋə vi a və ko tɨmə ə byɨmə, vəwenə kwitə tətyɨm tə vəwenə ə byɨmə a Nyìngòŋ ko ndiʼ la ghə̀ŋ gàʼ li tèbe kənyʉ̀ a vəwenə,