Matìyò 18:10 - The New Testament in the Babanki language

¹⁰ Ghə̀ŋ tuʼmə la kə wìʼ lə̀ chàs wàyn muʼ fa ntìntìn vunə və tyetəvə venə. Mà gàʼà à ghə̀ŋ nəmwèʼè la ntsɨ̀ŋsə vəwenə a sə diʼ a kàŋ ə kaʼa tò fà mbyɨ̀ Tìʼ ghom.

Matìyò 18:10 ပူးပေါင်းရင်းမြစ်များ

Matìyò 1:20

Ghə̀ mbu kwòʼtə̀ əsàs lam ayi alì ntsɨ̀ŋ Nyìngòŋ vì à wen a jòm ə gàʼ la,“Josèf wyè fòyn Devìt, kə a fàyn əlyɨ̀ Mèli a nə̀ wì wù byìʼe wàyn yì a ghə̀ gùfə̀lì à nè kəzhwì kəŋwoʼkə”.

Matìyò 12:20

Ghə̀ lu nlutə̀ nə̀ viʼi a və bwaʼa kò a ndiʼ la ghə̀ lu ə nyàblə̀ nə̀ viʼi a və ko kiʼ ngyàmtə̀. Ghə̀ a ə nè tò a lì əzaʼa fa zhʉ a ghə̀ a temə ghoŋ wenə̀ mbi ə zhɨ ə mu ghʉ soʼ tɨməghə.

Matìyò 18:14

Kə diʼ tò ndə̀ŋndəŋ ando Tìʼ ghə̀ŋ a kàŋ ko kòŋ la wàyn muʼ fa ntìntìn vunə venə le.

Matìyò 18:6

No ndò a ghə̀ sətsèn nè la wàyn muʼ fa ntìntìn vunə venə a və byɨmə li à mò ne mbyɨ mu kə bòŋ la və chuŋ ti à wen a ŋwì ədyʉ̀ mòʼ wen à mù mə nghoʼomə̀ ndi ghə̀ pfʉ.

Matìyò 2:13

A ndiʼ ando viʼi və tofə və nbwenə li vì ntsɨ̀ŋ Bobo vì à Josèf a jòm ə gàʼà wen la,“Lu ə lyɨ̀ wàyn ghèn wenə lì wen fa shə̀ ə nyɨ̀ŋ dyʉ̀ a Ijìb byiʼàndo Helòd kəŋə wàyn a ghèn əzhwi. Ghə̀ŋ dyʉ̀ ghə̀ŋ fàŋ tò tsu əzaʼa fa a zhʉ a ma a gàʼ la ghə̀ŋ bwènə̀ ə vì.”

Matìyò 2:19

Helòd lù pfʉ ntsɨ̀ŋ Bobo fʉ a kə̀, Josèf a jòm a loʼ Ijìb ə gàʼ la,

Matìyò 24:31

Və lu toŋə soŋ no nəmwèʼè-mwèʼè, ghə̀ mu tɨmə ntsɨŋsə wen a təshə tə mbi ghèn tə kàʼ, vəwenə pfʉtə viʼi vi a Nyìngòŋ tsuʼ li ə bwòŋsə̀ no vətsèm.

Ŋwàʼlə̀ Luk 1:19

Ntsɨŋ Bobo yì gàʼ la “A diʼ mo Gabliyà a ghə̀ ŋwʉʼ a mbyɨ Nyìngòŋ. A təmə wen tɨm mo la ma vi shə̀ʼtə̀ ntɨm jùŋ ghèn à wù.

Ŋwàʼlə̀ Luk 10:16

Ghə̀ gàʼ alì mù gàʼ à viʼi ntɨm vyi la,“No məndò a ghə̀ tyen əzhʉ ghə̀ŋ mu ghə̀ tyenli əzhʉ mò. No məndò a ghə̀ tyen mo mu ghə̀ tyenli wìʼ a ghə̀ tɨmə mo.”

Ŋwàʼlə̀ Luk 16:22

Ghə̀ lù pfʉ, ntsɨ̀ŋsə ngə̀ŋ Nyìngòŋ sə lyɨ̀ wen ə dyʉ̀ ghʉ a mbyɨ̀ Ablaham. Wù ghoʼo ayì bè lu pfʉ, və bvɨ̀mə̀ wen.

Shwèʼ 10:3

A sə ndiʼ kətsi kətsenkə, a təzhʉ tə taʼ a mbwaʼà kəbə̀ŋ, ntsɨ̀ŋ ngə̀ŋ Nyìngòŋ fʉ̀ à wen a kə̀ʼ sə à tsi jòm tsi wen, ghə̀ yen ando ghə̀ kwenə mvi ntoŋtə wen la, “Kòneliyòs.”

Shwèʼ 12:15

Vəwenə gàʼ à wen la, “Wù ko diʼ à wù a tof!”, alì ghə̀ sɨ̀mtə̀ tò sɨ̀mtə̀ la ghə̀ gàʼà nəmwèʼè. Vəwenə be gàʼ tò la, a ko diʼ Bità, la àdìʼ ntsɨ̀ŋ ngə̀ŋ Nyìngòŋ yì a ghə̀ ntsɨ̀ŋə̀ wen lì.

Shwèʼ 12:23

Ando vəwenə mbu zɨmə̀ tò zɨ̀mə, ntsɨ̀ŋ ngə̀ŋ Bobo tsen nè Helòd sə kwaʼa. Ngòngòŋ pfiʼ wen, ghə̀ pfʉ byìʼàndo ghə̀ nè la kə viʼi nghoʼsə̀ Nyìngòŋ, la və mbòŋsə̀ ghoʼsə̀ wen.

Shwèʼ 27:23

Mà gàʼà alə̀ byìʼàndo à tə ndiʼ nəntʉʼʉ lan, ntsɨ̀ŋ ngə̀ŋ Nyìngòŋ yì a ghə̀ kiʼì mo a be diʼ wen a mà kuʼsə̀ vì à mò,

Shwèʼ 5:19

A nè sə ndiʼ tò nəntʉʼʉ ayì ntsɨ̀ŋ ngə̀ŋ Bobo vì bòʼ chʉ ngə̀ŋ mfɨŋ ayì ə̀ lyɨ̀ vəwenə ə̀ fʉ̀ nə̀ vəwenə ə̀ gàʼ à vəwenə la,

Lumans 14:10

Kə diʼ alə, ghə̀ŋ vətsenvə sə soʼo vəlemə vəŋə byìʼì ghò? Ghə̀ŋ sə ki chasə vəlemə vəŋə vətsenvə byìʼì ghò? A ghə̀ŋ kɨli la vəghəŋ vətsèm lu tɨmə a kəshi kə nsòʼ Nyìngòŋ a?

Lumans 14:21

Kə bòŋ la kə wìʼ a pfiʼ nyàm kò nyʉ məlyʉ̀ʼ kò nè no tèbe ghò azhʉ̀ a kə zizi kə nè la lèmə̀ wen fəŋ fa wen a byɨmə.

Lumans 15:1

Vəghəŋ vyi a və to a vəghəŋ a byɨmə diʼ ə gyàmtə̀ viʼi vyi a və bwaʼa a vəwenə ngəʼsə. Kə vəghəŋ ne to nyʉ̀ vyi a və bòŋ to vəghəŋ.

1 Kolìntyàns 11:22

Ghə̀ŋ ko kiʼ aloʼ nzhɨ tsu be nyʉ mu? Ghə̀ŋ diʼ alə̀, chasə ngə̀ŋ Nyìngòŋ! Ghə̀ŋ kəŋ ə ndiʼsə kətʉ kə viʼi vyi a və ko kiʼ kəfo mu? A fʉ̀ no ghò nə̀ ghə̀ŋ a? Ghə̀ŋ kəŋ la mà ə bwomsə ghə̀ŋ a nyʉ̀ a venə mu? Mà zizi ko ma lu mwòm.

1 Kolìntyàns 16:11

Kə wìʼ fa ghə̀ŋ a chasə ə wen. Ghə̀ŋ gyàmtə̀ wen, ghə̀ jeʼ to nə̀ mbwaʼmə ə bwenə vi byìʼì ando yo vəlemə vətsenvə ə kəʼtə wen.

1 Kolìntyàns 9:22

Ma dyʉ̀ a viʼi vyi a vəwenə ə̀ bwaʼa, ma sədiʼ to nə̀ wìʼ a ghə̀ bwaʼa, to ə nè la vəwenə be byɨmə. Ma kaʼkə li sədiʼ to ji sə tsèm to a viʼi vətsèm, ndiʼ mà ne, viʼi vətsenvə bwòŋ no tèbe a ji ə kò.

2 Kolìntyàns 10:1

A sensə to no mò Bol sensə ghə̀ŋ luwen a zhiʼ Yesò Klistò a ghə̀ tuʼmə be bwaʼmə. Ma kɨli la viʼi vətsenvə nə̀ gàʼa la ma zhʉ sə ə nyòʼ kənyʉ̀ nyoʼo, a ghə̀ŋ ma sə gaʼa to no nə̀ ətyɨm ə to ghə̀, ali na vì zaʼa a ghə̀ŋ ntìntìn, ma sə gaʼa to kəbwaʼ kəbwaʼ.

2 Kolìntyàns 10:10

Byìʼì viʼi vətsenvə gàʼa la ma zhʉsə nyoʼo ŋwàʼlə̀, gaʼa yì ə sə to kiʼi kədyòʼ ali ma ne sə boŋsə vi a ghə̀ŋ ashɨ ma sə bwaʼsə gaʼa diʼ sə ma ko ki ə gàʼ a ntìntìn ə viʼi.

Gàlesìyà 6:1

Vəlemə vwomə a byɨmə, wìʼ fa ghə̀ŋ sətsen nè no tèbe mbyɨ ə kò, ghə̀ŋ vətsenvə vi a kəzhwì kə Ŋwoʼkə tisə ghə̀ŋ, ghə̀ŋ mwomsə ə diʼ ji tɨmə. Ghə̀ŋ sə ne alə ghə̀ŋ to no nə̀ mbwaʼmə. Ghə̀ŋ sə diʼ, ghə̀ŋ tùʼmə̀ nə̀ təwen ə təŋtə abwen ali, ghə̀ŋ be fəŋ a mwomsə.

1 Tèsàlonyà 4:8

A sətsen a tensə no ndo tensə kənyʉ̀ ki a yes ə ziʼi, ghə̀ tensə Nyìngòŋ a ghə̀ ku kəzhwì kə Ŋwoʼkə a ghə̀ŋ.

1 Timotì 4:12

Kə a ghʉsə la wìʼ chasə wù byìʼì ando wù dìʼ wàyndyə. Wu diʼ ə ndiʼ kəchwitə à viʼi və byɨməvə, a jisə yi a wù gaʼa fatsu. Wù ntsi ntsìnə̀ ə jùŋ, kòŋ viʼi, diʼi la wù byɨmə à Klistò bè dìʼ nə̀ layn ə.

Hibùlù 1:14

Kə le diʼi la, ntsɨŋsə Nyìngòŋ sə ə diʼ to zhwi a və shyèʼ a Nyìngòŋ, Nyìngòŋ be tɨmə vəwenə la və gyamtə viʼi vi a Nyìngòŋ ə ndi ne bwòŋsə̀ vəwenə.

Hibùlù 9:24

Yesò nko ə kwen a kəshi kə ŋwoʼkə mu à bwòm viʼi. Ngə̀ŋ yì a bwomə viʼi ə ndiʼ to kədèmdèm kə ngə̀ŋ Nyìngòŋ a yì akàŋ. Yesò nkwen to no akàŋ a ben ə Nyìngòŋ, luwen sə diʼ ghə̀ sensə Nyìngòŋ a vəghəŋ akəshi.

Kəmwetə 8:2

Mà mù yèn ntsɨ̀ŋsə ngə̀ŋ Nyìngòŋ shìsə sòmbo a sə nti a shɨ Nyìngòŋ lì mu və ku li təsoŋ sòmbo à vəwenə.