Matìyò 17:5 - The New Testament in the Babanki language

⁵ Ando ghə̀ mbu gàʼà mbòʼ fəfə tsen shiʼi chìʼ vəwenə. Gɨ̀ fʉ̀ fa tsu ə̀ gàʼ la, “Ghèn dìʼ wàyn kòŋ mò. Mà saŋlə̀ byìʼì wen no a nkàyn. Ghə̀ŋ ə nzhʉ fà wen.”

Matìyò 17:5 ပူးပေါင်းရင်းမြစ်များ

Matìyò 12:18

“Ghèn dìʼ wìʼ yì a mà tsuʼ li la ghə̀ shyèʼ à mò. Mà kòŋ wen, ghə̀ nè mà saŋlə̀. Mà a ku kəzhwì kom à wen ə ghə̀ nshə̀ʼtə̀ à viʼi tɨm ando mà a soʼ viʼi a ji tɨmə.

Matìyò 17:6

Ndzɨ̀mtə̀sə bàm Yesò sə nè zhʉ̀ gɨ̀ a ghèn sə̀ fàynə̀ no nànto, fəŋkə a nse apfʉ̀ʼapfʉʼ.

Matìyò 3:17

Tò a zhʉ a ghèn, gɨ fʉ vì fa kàŋ ə gàʼ la,“Ghèn diʼ wàyn kòŋ mò, mà saŋlə byìʼì wen nə̀ kwoŋ.”

Ŋwàʼlə̀ Mak 1:11

Gɨ̀ tsen fʉ̀ fa kàŋ gàʼà la, “Wù dìʼ wàyn kòŋ mò. Mà saŋlə̀ byìʼì wù nəkwoŋ.”

Ŋwàʼlə̀ Mak 9:7

Mbòʼ shiʼi tò a zhʉ ayì chiʼtə vəwenə, gɨ̀ fʉ̀ fa tsu gàʼà la, “Ghèn dìʼ wàyn kòŋ mò. Ghə̀ŋ nzhʉ fà wen.”

Ŋwàʼlə̀ Luk 3:22

Kəzhwì kəŋwoʼkə shiʼi a wen kətʉ, kəʼə to nə̀ kəlàto, gɨ fʉ̀ fa kaŋ gàʼà la “Wu diʼ wàyn kòŋ mo, ma saŋlə byìʼì wu nə̀ kwoŋ.”

Joyn 3:16

Byìʼì ando Nyìngòŋ nkòŋ li viʼi mbyi no nànto, ə tɨm wàyn wen tò əmùʼ yi a ghə̀ nkiʼi, la no ndò a ghə̀ byɨmə a wen, mu ghə̀ ko lu pfʉ lè, mu ghə̀ lu kiʼi bwòŋ yi a ghə̀ faŋ to ghayn əmùʼ.

Joyn 3:35

Tìʼ ə kòŋ Wàyn wen mu ku kədyòʼ a wen la ghə̀ ə̀ soʼo no əfò ə tsèm a mbyi.

Joyn 5:37

Nò tèbe Tìʼ yì a ghə̀ tɨmə mo gàʼà li to nə̀ nchwò nsòʼ kumə mò. Ghə̀ŋ ko tɨmə zhʉ̀ gɨ wen, ghə̀ŋ ə ko tɨmə yèn to ando ghə̀ kə̀ʼə̀.

Shwèʼ 1:9

Ando ghə̀ ngaʼà nyʉ̀ a venə ə mwètə̀, Nyìngòŋ lyɨ̀ wen ə̀ kuʼsə a kàŋ vəwenə yenə ando ghə̀ kuʼu. Ghə̀ kuʼ alə̀ ə̀ lè a tì mbòʼsə.

Shwèʼ 7:37

Mosìs à aghèn dìʼ wìʼ yì a ghə̀ nlù gàʼ à viʼi Islel la, ‘Nyìngòŋ lu tsuʼ wìʼ ə ghə̀ ndiʼ nshə̀ʼtə̀ ghoʼo fà ghə̀ŋ a ntìntìn ə tɨm à ghə̀ŋ ndə̀ŋndəŋ ando ghə̀ tɨ̀m mo. A lu ndiʼ wìʼ mu və tsuʼ tò fà ghə̀ŋ a ngwaʼa ngə̀ŋ.’

Efisyàns 1:6

Kə lə diʼi la vəghəŋ diʼ ə nku kùʼsə a Nyìngòŋ byìʼì ətuʼmə ə kaynəghə yì a ghə̀ diʼi li a vəghəŋ chò fa a wàyn ə kòŋ ə wen. A kòŋ to wen ə nè alə.

Kòlòsyàns 1:13

Ghə̀ bwoŋsə li vəghəŋ fa tì kədyoʼkə kəbəŋ kəfenəkə ə lyɨ̀ vi nə̀ vəghəŋ akəshi kə əfòyn ə Wàyn əkòŋ əwen.

Hibùlù 5:9

Andiʼ ando ghə̀ nkʉʼʉ li myetə ando Nyìngòŋ ə kəŋ la ghə̀ ə ndiʼ, ghə̀ ghʉ̀ wen a Mbwòŋsə̀ ə viʼi vyi a və zhʉtə wen, la ghə̀ ne Mbwòŋsə̀ vəwenə to ghaynə ə mùʼ.

Kəmwetə 1:7

Ghə̀ŋ yen a! ghə̀ yì a ghə̀ vì a tì mbòʼsə. No viʼi vətsèm lu yen ə wen ə boʼsə nə̀ viʼi vyi a və nsù wen nə̀ ghoŋə lì. No viʼi vətsèm a kwi nse lu dì byìʼì wen. A dìʼ ə jì a kə lu ndiʼ.

Kəmwetə 14:14

Mà sə ki ə̀ kɨ̀blə̀ yèn mbòʼ ə fəfə, wìʼ ŋwʉʼ a kwi mbòʼ, ayì diʼ to nə̀ Wàyn ə̀ Wìʼ. A ndiʼ wìʼ yi a və ntsuʼli ghʉ, mu ghə̀ chiʼ ə̀sòʼ ə təfòyn à wen kətʉ mu və shɨ̀tə̀ nə̀ gul. Ghə̀ ə nkiʼ fənyì fə sɨm fə lyɨməfə à wen kəvu.