Matìyò 17:20 - The New Testament in the Babanki language

²⁰ Yesò bwènsə̀ à vəwenə la, “A dìʼ byìʼàndo byɨmə ghə̀ŋ ə bwaʼa. Mà gàʼà à ghə̀ŋ nəmwèʼè la ghə̀ŋ sətsèn nkiʼ byɨmə ghə̀ tyetə to nə̀ shɨ ngwàʼ mostàd mu ghə̀ŋ zì ghə̀ŋ gàʼ à pfèn ghèn la ghə̀ lu fa kəshi ghèn dyʉ̀ no kəghaf, ghə̀ à dyʉ̀ tò a lì. Ghə̀ŋ tu nkiʼ byɨmə mu kənyʉ̀ kə ko to chò ghə̀ŋ. [

Matìyò 17:20 ပူးပေါင်းရင်းမြစ်များ

Matìyò 13:31

Yesò bè mò ngàyn tsen à vəwenə la, “Soʼo Fòyn Nyìngòŋ diʼ tò nə̀ shɨ fəkòʼ fə mostàd, a wìʼ nwe à wen a sɨm fə sə kwi.

Matìyò 14:29

Yesò gàʼ la, “vi” Bità fʉ fa tì nkanuʼ yì sə̀ jèʼè dyʉ̀ a mbyɨ̀ Yesò tò a kwi à mù.

Matìyò 17:17

Yesò bwènsə̀ la, “Venə diʼ viʼi nki kəlyɨŋ kə kò a və chiʼi kətʉ ken la vəwenə ghʉ tətyɨm tə vəwenə à Nyìngòŋ a? Mà a ndiʼ vəghəŋ əzaʼa fa ze? Mà ghaʼa tyɨm ə ghom əzaʼa fa ze?” Ghə̀ gàʼ a lì mù gàʼ à wìʼ ayì la,“Vi nə̀ wàyn ayì a shèn à mò.”

Matìyò 17:19

Ndzɨ̀mtə̀sə bàm Yesò sə mù nyòʼtə vì bèm à wen la, “Byìʼì ghò a kə nto ghoʼo yès ə yès shisə kəzhwì kə byɨkə a kèn kə a?”

Matìyò 17:9

Vəwenə nè sə mbwènə̀ shiʼì fa kwi pfen yì Yesò tyɨftə vəwenə la, “Kə ghə̀ŋ à shə̀ʼtə̀ kənyʉ̀ kèn a ghə̀ŋ yenə lə̀ à wìʼ əzaʼa fa tʉʼ a Wàyn Wìʼ lə pfʉ və lusə wen fa pfʉ.”

Matìyò 21:21

Yesò bwènsə̀ gàʼ à vəwenə la, “Mà gàʼà à ghə̀ŋ nəmwèʼè la, ghə̀ŋ sətsèn nkiʼ byɨmə, kye momə̀ mwòmsə mu ghə̀ŋ zì ghə̀ŋ ne kənyʉ̀ kèn a ma ə ne à fəkòʼ fènfə lə̀, bè gàʼ no tè à pfèn ghoʼo ghèn la, Tsuʼmə dyʉ̀ tsòʼ à mù mə nghoʼomə̀, ghə̀ be à nè tò a lì.

Matìyò 8:26

Ghə̀ lù ə bèm à vəwenə la, “Ghə̀ŋ fwaynə no ghò alə̀ a? Byɨmə ghə̀ŋə tyetə no ŋàŋ.” Ando ghə̀ ngàʼ alì mù kàyntə̀ nyʉ̀ a fwof yi bènə̀ mu, myì shi chiʼ la kùʼ.

Ŋwàʼlə̀ Mak 11:22

Yesò bwènsə̀ gàʼ à vəwenə la, “Ghə̀ŋ sətsèn nchoʼsə̀ tò à Nyìngòŋ

Ŋwàʼlə̀ Mak 11:23

mu mà gàʼà à ghə̀ŋ nəmwèʼè la, à gàʼ tè ndò fà ghə̀ŋ a ntìntìn à pfèn ghoʼo ghèn la tuʼmə ə̀ dyʉ̀ tsòʼ à mù mə nghoʼomə̀. Sə ngàʼà a lì kò ghə̀ lu nkwòʼtə̀ kwoʼtə alì kiʼ byɨmə la kənyʉ̀ akì a ghə̀ gàʼà lì a lyɨ kəshi mu və a ne ə kə lyɨ kəshi ando ghə̀ gaʼà.

Ŋwàʼlə̀ Mak 4:31

Ghə̀ diʼ to nə̀ shɨ ngwàʼ fəkòʼ fətsenfə a və dzàŋə̀ nə̀ mostàd. A dìʼ a zhʉ a və mòʼò, fə zhisə̀ chò ashɨ nkòʼ no ntsèm a tì mbi,

Ŋwàʼlə̀ Mak 9:23

Yesò bwènsə̀ gàʼ à wen la, “Byìʼì ghò a wu gàʼà à mò la a zhʉ a mà zì mà ne kənyʉ̀ a? No ndò a ghə̀ byɨmə mu və zi və ne no mə ghò à wen.”

Ŋwàʼlə̀ Luk 1:37

Kə lè diʼi la kənyʉ̀ kò kə lə̀ chò Nyìngòŋ.”

Ŋwàʼlə̀ Luk 17:6

Bobo bwènsə̀ gaʼa vəwenə la, “A tuʼù kiʼi la ghə̀ŋ kiʼi byɨmə a ghə̀ diʼi to nə̀ əshɨ ngwaʼa mostàd, mu ghə̀ŋ zì ghə̀ŋ gaʼà fəkoʼ fe sykamayn fen fə la tsuʼmə kwen zhɨtə wenə wen a chì a mù fə be nè to lì.

Ŋwàʼlə̀ Luk 18:27

Ghə̀ gàʼ a vəwenə la, “Kənyʉ̀ a wìʼ zì kò ghə̀ lə̀ nè kə bwaʼmə à Nyìngòŋ ghə̀ nè.”

Joyn 11:40

Yesò ə gàʼ a wen la, “A ma ə gàʼ a li a wù la wù byɨmə, a wù yen kədyòʼ kə Nyìngòŋ?”

1 Kolìntyàns 12:9

Kəzhwì na kènkə kəmùʼ kə ne dyʉ̀ a wutsen, kə nè la əbyɨmə ə wenə ntotə̀, kə sə dyʉ̀ a wutsen, kə ku kədyòʼ la ghə̀ nchʉʼʉ təkwaʼa tə viʼi.

1 Kolìntyàns 13:2

Mà sətsen ə nkiʼ kəku ə nshɨtə kɨ ə shə̀ʼtə̀ kənyʉ̀ kə Nyìngòŋ, zhʉ kɨ nyʉ̀ ə lyomtəvə, no ə tsèm, kiʼi ətof kumə əfo ə tsèm be kiʼi əbyɨmə a ghə̀ zì ghə ne la mà ə məʼtə phènsə alì ko ndiʼ la ma kiʼi əkòŋ, ko mà na kwʉ̀ʼʉ̀ no kəfo no fa mpfen.

Hibùlù 3:19

Kə le diʼi la vəwenə nfaŋ li ko və lu kwen akəshi na yi byìʼì ando vəwenə ko byɨmə a Nyìngòŋ.