Matìyò 17:12 - The New Testament in the Babanki language

¹² Mà gàʼà à ghə̀ŋ nəmwèʼè la Elijà nsə̀ diʼ mu ghə̀ vi li, viʼi yen wen alì kò vəwenə lù kɨ. Vəwenə mù sə kwe no ghò və ne à wen. A dìʼ tò ndə̀ŋndəŋ ando Wàyn Wìʼ lə yenə ngəʼ fà vəwenə avu.”

Matìyò 17:12 ပူးပေါင်းရင်းမြစ်များ

Matìyò 11:2

Andìʼ a zhʉ a Joyn wù ku à mù nzhʉ diʼ a mfɨŋ nyʉ̀ a wìʼ yì a Nyìngòŋ ntsuʼ li ə̀ ghʉ ə̀ nè, ghə̀ tɨm ndzɨ̀mtə̀sə bàm wen. Vəwenə dyʉ̀ ə bèm à wen la,

Matìyò 16:21

Yesò zìtə̀ tò a zhʉ ayì sə̀ shə̀ʼtə̀ a ndzɨ̀mtə̀sə bàm wen la, “Yì diʼi dyʉ̀ a Jelusalèm ə yen ngəʼ ghoʼo fa avu vəchəʼ, tʉtʉ vəpfèm və ngə̀ŋ Nyìngòŋ bènə̀ ndìʼsə̀sə təsoʼ, və zhwi wen à nè sə ndiʼ mətsi ntaʼ, Nyìngòŋ lusə wen fa pfʉ.”

Matìyò 17:11

Yesò gàʼ à vəwenə la “A dìʼ nəmwèʼè la Elijà a vì a mbì ə shɨ̀tə no nyʉ̀ tsèm.

Matìyò 17:13

Ghə̀ gàʼ a lì ndzɨ̀mtə̀sə bàm wen sə mù kɨ̀ la ghə̀ yì ngàʼà byìʼì Joyn wù ku à mù.

Matìyò 17:22

Yesò wenə̀ ndzɨ̀mtə̀sə bàm wen nè dyʉ̀ zaʼa a Galìlì ghə̀ bè gàʼ à ndzɨ̀mtə̀sə bàm wen la, “Və a ku Wàyn Wìʼ a avu viʼi,

Matìyò 17:9

Vəwenə nè sə mbwènə̀ shiʼì fa kwi pfen yì Yesò tyɨftə vəwenə la, “Kə ghə̀ŋ à shə̀ʼtə̀ kənyʉ̀ kèn a ghə̀ŋ yenə lə̀ à wìʼ əzaʼa fa tʉʼ a Wàyn Wìʼ lə pfʉ və lusə wen fa pfʉ.”

Matìyò 21:32

Mà gàʼà alə̀ byìʼàndo Joyn wù ku à mù mvi li sə̀ dìʼì jì ntsìnə̀ tɨmə a ghə̀ŋ la ghə̀ŋ njèʼè fa tsu a shɨ Nyìngòŋ, alì kò ghə̀ŋ lù byɨmə wen. Viʼi vi a və tinə kənsè bènə̀ njèʼtə̀sə bòŋsə̀ byɨmə wen. Ghə̀ŋ yen nyʉ̀ venə no tsèm bè tyen tò tyenə la ghə̀ŋ ko a kwitə tətyɨm təŋtə byɨmə kənyʉ̀ kì a ghə̀ ngàʼà.

Matìyò 8:20

Yesò bwènsə̀ gàʼ à wen la, “Məsòŋnə̀ kiʼi bʉ̀ʼ vəwenə, mənyin kiʼ təlòʼ tə vəwenə, alì kò Wàyn Wìʼ kiʼ kəshi ənyə̀ŋsə kətʉ kə wen tsu əzhʉ̀tə̀.”

Ŋwàʼlə̀ Luk 7:33

Joyn Ku Amù nvi li ko ghə̀ zhɨ kəfo, kò nyʉ məlyʉ̀ʼ, ghə̀ŋ ngàʼ la, ‘Ghə̀ kiʼi kəzhwì kə byɨkə.’

Joyn 1:11

Ghə̀ nvi li ə zàʼa to no a vəwenə a loʼ, viʼi wen tyen la və ko a shisə ə wen.

Shwèʼ 2:23

Və mbaʼlə̀ li Yesò aghèn ando Nyìngòŋ ə̀ nshɨ̀tə̀ li ə̀ ghʉ bè kɨ, ghə̀ŋ zhwi wen a ji la ghə̀ŋ ə̀ nku wen à viʼi ne nyʉ̀ byɨvə. Vəwenə bantə wen a kəntò,

Shwèʼ 4:10

Ghə̀ŋ nə̀ viʼi Islel no vətsèm diʼi ə kɨ la wìʼ ghèn a ghə̀ ti à ghə̀ŋ a shɨ lə̀ to tò byìʼì kədyòʼ kə zhiʼ Yesò Klistò ə wù Nazalèt. Yesò Klistò aghèn dìʼ wìʼ yì a ghə̀ŋ tə bàyntə a kəntò, ghə̀ pfʉ alì Nyìngòŋ lùsə̀ wen fa pfʉ.

Shwèʼ 7:52

Andìʼ nshə̀ʼtə̀ ghoʼo kò a vətìʼ vəŋə və mbì mfàŋ li ke tsuʼ aghʉ wen a? Vəwenə zhwilə li viʼi vi a vəwenə mvì a tʉʼ mbì əshə̀ʼtə̀ byìʼì məvì Wù kənyʉ̀ kə tɨmə kə, à ndiʼ wen yì a ghə̀ŋ mbaʼlə̀ bè zhwi.