Matìyò 16:27 - The New Testament in the Babanki language

²⁷ Mà gàʼ alə̀ byìʼàndo Wàyn Wìʼ sə̀ laʼtə bwènə̀ vì a tì baynə ghoʼ ghə̀ tìʼ wen wenə ntsɨ̀ŋsə wen ndi ku no moʼtə ndo ando ghə̀ tə nshwèʼè.

Matìyò 16:27 ပူးပေါင်းရင်းမြစ်များ

Matìyò 13:41

Wàyn Wìʼ lu tɨm ntsɨ̀ŋsə wen ə sə fʉ vì ə tsèntə̀ shìsə̀ viʼi vyi a və nè la viʼi ne mbyɨ bènə̀ viʼi vì a və nè mbyɨ fà wen Soʼ fòyn,

Matìyò 13:49

Kə lu ndiʼ tò a lì a kənsèsə̀ kə mbi. Ntsɨ̀ŋsə ngə̀ŋ Nyìngòŋ sə lu vì ə tetə̀ shìsə̀ viʼi və byɨvə fa ntìntìn viʼi kənyʉ̀ kə tɨməkə,

Matìyò 24:30

Fa yi a bàm, chwitə məvì Wàyn Wìʼ fʉ a kàŋ. Viʼi təloʼ tə mbi no tətsèm nlyuŋlyuŋ dì. A zhʉ aghèn vəwenə mu yèn Wàyn Wìʼ shiʼi vì a tì mboʼsə kiʼ kədyòʼ nə̀ baynə ghoʼoghə.

Matìyò 25:31

“A lu ndiʼ a tʉʼ a Wàyn Wìʼ vì nə̀ ghoʼo fòyn wen wenə̀ ntɨŋsə ngə̀ŋ Nyìngòŋ no sətsèm ghə̀ lu ŋwʉʼʉ à wen a kəfwoyn nə̀ adɨŋə ghoʼ ghə̀ wen.

Matìyò 26:64

Yesò gàʼ la, “Kə diʼ ando wu gaʼà. Alì mà gàʼà à ghə̀ŋ vətsèm la əlù fa luwèn ghə̀ŋ a yen Wàyn Wìʼ ghə̀ ŋwʉʼ a kwoŋ toghə Nyìngòŋ a ghə̀ kiʼi adyòʼ à tsèm be shiʼì vì a tì mbòʼsə a kàŋ.”

Matìyò 8:20

Yesò bwènsə̀ gàʼ à wen la, “Məsòŋnə̀ kiʼi bʉ̀ʼ vəwenə, mənyin kiʼ təlòʼ tə vəwenə, alì kò Wàyn Wìʼ kiʼ kəshi ənyə̀ŋsə kətʉ kə wen tsu əzhʉ̀tə̀.”

Ŋwàʼlə̀ Mak 14:62

Yesò bwènsə̀ gàʼ la, “Mà dìʼi wen. Ghə̀ŋ lu yen Wàyn Wìʼ ghə̀ ŋwʉʼ a shyə kwoŋ toghə Nyìngòŋ a kəshi kə adyòʼ à tsèm, shiʼì vì a tì mbòʼsə a kàŋ.”

Ŋwàʼlə̀ Mak 8:38

No ndò sətsèn ndìʼsə̀ kətʉ byìʼì mò nə̀ ziʼi ghomə a shɨ viʼi mbyi nyʉ̀ byɨvə ghèn a və ko fànə̀ Nyìngòŋ lə̀, Wàyn Wìʼ be lù nkiʼ kətʉ kədiʼikə byìʼì wen a zhʉ a ghə̀ bwènə̀ mvi a tì baynə ghoʼghə Tìʼ wen wenə̀ ntsɨ̀ŋsə ŋwòʼə sə wen.”

Ŋwàʼlə̀ Luk 21:27

A bàm a tsu vəwenə yen wàyn wìʼ ghə̀ shiʼi a tyì mbòʼ kiʼ kədyòʼ nə̀ bayn ghoʼ ghə̀.

Ŋwàʼlə̀ Luk 22:69

alì əlù fa luwen ədyʉ̀ nə̀ mbì, və a ŋwʉʼsə Wàyn Wìʼ a shyə kwoŋ to ghə̀ Nyìngòŋ ti a ghə̀ kiʼi adyòʼ tsèm.”

Ŋwàʼlə̀ Luk 9:26

No məndo a ghə̀ sətsen dìʼì kətʉ kədiʼikə byìʼì mò nə̀ ziʼi ghomə, ghə̀ nkɨ la Wàyn Wìʼ lu be dìʼsə kətʉ kùmə̀ wen a zhʉ a ghə̀ bwènə̀ vì a ntìntìn bayn ghoʼghə yi a ghə̀ kiʼì, nə̀ Tìʼ bènə̀ ntsɨ̀ŋsə wen a sə ŋwòʼə.

Joyn 21:22

Yesò ə bwensə gàʼ la, “Mà lə ndiʼ ə moʼtə la ghə̀ nə̀ tsi to tsì zaʼa fa kətsi mà lù bwenə vi, ngəʼ ə wù sə diʼ ghò tsu a? Wù diʼ ə dzɨ̀mtə̀ mo.”

Joyn 21:23

A le kənyʉ̀ ki a kə nè, ndzɨ̀mtə̀sə bàm Yesò sə sə gàʼa dyʉ̀ to la, na ghèn ko lu pfʉ̀. Alì, Yesò ə ko ngàʼa la ghə̀ ko a pfʉ̀. Ghə̀ ngàʼa la, “Ma le diʼ ə moʼtə la ghə̀ tsi to tsì zaʼa fa kətsi mà lù bwenə vi, ngəʼ ə wù ə sədiʼ ghò tsu a?”

Shwèʼ 1:11

ə̀ bèm à viʼi ntɨm Yesò vi la, “viʼi Galìlì, byìʼì ghò a ghə̀ŋ tɨmə̀ sə ki kuʼsə̀ nə̀ kaŋə alə̀ a? Yesò ghèn a və lyɨ̀ fà ghə̀ŋ a ntìntìn ghə̀ nkuʼ a kàŋ lə̀ lu be bwènə̀ vì tò a ji a ghə̀ŋ yì yen ghə̀ ndyʉ̀ fa tsu.”

Lumans 14:12

Kə le diʼi la no ndò a vəghəŋ a ntìntìn lu taŋ əchʉ̀ ə wen a Nyìngòŋ ə kumə ntsìnə̀ wen.

Lumans 2:6

Ghə̀ lu ku əmoʼtə əshwèʼè no ndò a wen.

1 Kolìntyàns 15:23

Nò ndò lu lù fa pfʉ to a wen azhʉ. Yesò ə ndiʼ mbì ə lù, diʼ lu be vì ə lùsə viʼi vyi à diʼ viʼi wen.

1 Kolìntyàns 3:13

A lu ndiʼ a kətsi yi a Yesò lu bwenə vì və diʼi laynsə no tèbe shyèʼ no ndò a ndayn. Və mwomsə no tèbe shyèʼ ndò nə̀ zhiʼ, ghə̀ diʼi no tèbe nki əshyèʼ ə kò yi a wìʼ tə nshyèʼ.

1 Kolìntyàns 8:8

Əfo ə zhɨvə zizi ko və lu ne la vəghəŋ və Nyìngòŋ ə diʼ a akayn. Vəghəŋ ə tyen kə zhɨ ko vəghəŋ lu le tebè kəfo, ə zhɨ tebe zhɨ ko və lu se tebè kəfo.

2 Kolìntyàns 5:10

Kə diʼ alə̀ byìʼì ando no vəghəŋ vətsèm lu tɨmə ashɨ ə Yesò ə ghə̀ soʼ vəghəŋ. Ghə̀ lu loʼ no ndò to nyʉ̀ yi a ghə̀ tə nè a nse, kò à tə ndiʼ nyʉ̀ ə byɨvə, kò à tə ndiʼ ə jùŋə və.

Efisyàns 6:8

Ghə̀ŋ kɨli la wìʼ ə sətsen nè no tèbe jùŋ ə kò, kò ghə̀ diʼ kəkòs kò ghə̀ ko diʼ, Nyìngòŋ ə lù ku əmòʼtə wen.

Kòlòsyàns 3:25

Ghə̀ lu bwensə loʼ no tèbe wù byɨ ə kò to nə̀ ndə̀ŋndəŋ mbyɨ yi a ghə̀ nè. Ghə̀ ko lyɨ tebè wìʼ ə tsen nəkwoŋ.

1 Tèsàlonyà 1:10

Vəwenə be ə shə̀ʼtə̀ ando ghə̀ŋ kəʼtə la Wàyn Nyìngòŋ lù bwenə vi fa akàŋ. Wàyn Nyìngòŋ na ghèn diʼ Yesò mu ghə̀ ə nè li ghə̀ lù fa pfʉ. Ghə̀ bwoŋsə li vəghəŋ la kə Nyìngòŋ lù kù ngəʼ a vəghəŋ a kətsi kə nsòʼ.

1 Tèsàlonyà 4:16

A lu ndiʼ a kətsi na yi, Bobo no fa wen ngeŋ shiʼi vi fa kàŋ, ə ku əsoʼ, ntsɨŋ Nyìngòŋ ə ghoʼo gàʼ, viʼi be zhʉ̀ ando və toŋ soŋ ə Nyìngòŋ, viʼi vyi a və mpfʉ choʼsə Yesò bwènsə̀ lù fa pfʉ a ambì.

Jems 5:7

Ghə̀ŋ ə nwensə̀ lì a vəlèmə̀ vwomə, ə zaʼa fa tʉʼ a Bobo lu vì. Ghə̀ŋ kwoʼtə ando wù shyèʼè sɨ̀m lu nkə̀ʼtə̀ la fo sɨm ə̀ wen ku ə̀ ndiʼ a mə̀ kəŋ. Ghə̀ lu wensə ə zaʼa fa zhʉ a mbì ghʉ̀ nə̀ kəmwètə̀ kə ghʉ̀ kə nə̀ vi əfo wen ə̀ kwi.

1 Bità 1:17

A zhʉ a ghə̀ŋ ə jɨ̀mə̀ a Nyìngòŋ, ghə̀ŋ sə toŋtə wen la Tìʼ, a diʼ wen yi a ghə̀ soʼo viʼi vətsèm, soʼo ali, soʼo no ndò to ndə̀ŋndəŋ. Kə le diʼi la ghə̀ŋ diʼ ə gumlə wen no nànto ando ghə̀ŋ bo tsitə a nse ashen.

1 Joyn 2:28

Ghə̀ŋ faŋ tò à Klistò luwèn a vunə ndi ghə̀ lù sə bvʉ̀tə fʉ̀, vəghəŋ nti a nkàyn ko a ndiʼ la vəghəŋ ə ndìʼ ne kətʉ kədìʼkə̀ a zhʉ a ghə̀ vì.

Ŋwàʼlə̀ Jud 1:14

Enòk, a ghə̀ vi a bàm ə ngwaʼ viʼi ntʉfə ə zìtə̀ fa chʉʼ Adàm. Ghə̀ ngaʼa li byìʼì, viʼi venə la “Ghə̀ŋ yen a, Bobo lu vi wenə ətsɨŋsə wen sə laynəsə, sə diʼ to kədə̀ŋ,

Kəmwetə 1:7

Ghə̀ŋ yen a! ghə̀ yì a ghə̀ vì a tì mbòʼsə. No viʼi vətsèm lu yen ə wen ə boʼsə nə̀ viʼi vyi a və nsù wen nə̀ ghoŋə lì. No viʼi vətsèm a kwi nse lu dì byìʼì wen. A dìʼ ə jì a kə lu ndiʼ.

Kəmwetə 2:23

Mà ne zhwilə viʼi vì a və dzɨ̀mtə̀ ntsìnə̀ wen ə ntsèntə̀sə viʼi və byɨməvə no sətsèm ə kɨ la mà dìʼ wìʼ yì a ghə̀ kɨ təkwòʼtə̀ tə viʼi bènə̀ ənyʉ̀ a vəwenə kòŋə̀ ənè. Mà ne lòʼ no ndò fà ghə̀ŋ ə ntìntìn to a jì a ghə̀ tə nshyèʼè fa tʉ.

Kəmwetə 20:12

A zhʉ a yi ma mu yen viʼi a və mpfʉ̀kəli, viʼi a ndiʼ ngesə̀ viʼi nə̀ vi a nko diʼ ngesə̀ viʼi ando vəwenə nti a shɨ kəfwoyn. Və nboʼli vəŋwàʼlə̀, ə be jisə boʼ ŋwàʼlə̀ tsen a ndiʼ ŋwàʼlə̀ bwòŋ. Və nsoʼli viʼi a və npfʉ̀ kə li a nyʉ a vəwenə ə ne ando və nyoʼo a ti vəŋwàʼlə̀ a vi.