Matìyò 16:21 - The New Testament in the Babanki language

²¹ Yesò zìtə̀ tò a zhʉ ayì sə̀ shə̀ʼtə̀ a ndzɨ̀mtə̀sə bàm wen la, “Yì diʼi dyʉ̀ a Jelusalèm ə yen ngəʼ ghoʼo fa avu vəchəʼ, tʉtʉ vəpfèm və ngə̀ŋ Nyìngòŋ bènə̀ ndìʼsə̀sə təsoʼ, və zhwi wen à nè sə ndiʼ mətsi ntaʼ, Nyìngòŋ lusə wen fa pfʉ.”

Matìyò 16:21 ပူးပေါင်းရင်းမြစ်များ

Matìyò 12:40

Ando Jonà ntsi mətsi ntaʼ a bèmə̀ shʉ̀, a dìʼi ndə̀ŋndəŋ ando Wàyn Wìʼ ne pfʉ ə tsi mətsi ntaʼ a tì nse mibu lù.

Matìyò 16:22

Bità gùftə̀ wen a bàm sə̀ ghàmə̀ wen gàʼà la, “Nyìngòŋ bʉʼsə la kə nki kənyʉ̀ alə̀ lə̀ fʉ à wù a Bobo.”

Matìyò 16:28

Mà gàʼà à ghə̀ŋ nəmwèʼè la viʼi vətsenvə diʼ a shèn luwèn a vəwenə ko lə pfʉ no a mpfen əzaʼa fa tʉʼ a vəwenə lu yen Wàyn Wìʼ ghə̀ bwènə̀ vì anə̀ fòyn.”

Matìyò 17:12

Mà gàʼà à ghə̀ŋ nəmwèʼè la Elijà nsə̀ diʼ mu ghə̀ vi li, viʼi yen wen alì kò vəwenə lù kɨ. Vəwenə mù sə kwe no ghò və ne à wen. A dìʼ tò ndə̀ŋndəŋ ando Wàyn Wìʼ lə yenə ngəʼ fà vəwenə avu.”

Matìyò 17:9

Vəwenə nè sə mbwènə̀ shiʼì fa kwi pfen yì Yesò tyɨftə vəwenə la, “Kə ghə̀ŋ à shə̀ʼtə̀ kənyʉ̀ kèn a ghə̀ŋ yenə lə̀ à wìʼ əzaʼa fa tʉʼ a Wàyn Wìʼ lə pfʉ və lusə wen fa pfʉ.”

Matìyò 20:28

Kə diʼ tò ndə̀ŋndəŋ ando Wàyn Wìʼ ko tə vì la və shwèʼ à wen. Ghə̀ tə bòŋsə̀ vì nshwèʼè à viʼi, ə ku sò kətʉ wen əzen tʉ viʼi no vəghoʼo.”

Matìyò 26:2

“Ghə̀ŋ kɨ la à fàŋ tò mətsì mbò luwèn və zìtə̀ əzhɨ kətsi kə məzaʼsə̀. A dìʼ zhʉ a və ne ghaʼ Wàyn Wìʼ ku və bantə wen a kəntò.”

Matìyò 26:47

Yesò mbu gàʼà, Judàs a ndiʼì wìʼ muʼ fa ntìntìn ndzɨ̀mtə̀sə bàm wen shì njʉ̀sə̀ səbò kuʼu vì wenə̀ nòyn ə viʼi no ghoʼo. Vəwenə nkiʼ nyisə nə̀ mbàŋsə. A ntɨ̀m tʉtʉ vəpfèm və ngə̀ŋ Nyìngòŋ bènə̀ vəchəʼ və loʼ tɨ̀m vəwenə.

Matìyò 27:12

Tʉtʉ vəpfèm və ngə̀ŋ Nyìngòŋ bènə̀ vəchəʼ və loʼ nzuʼu nyʉ̀ à wen a wèn alì ghə̀ tyen la ghə̀ ko gàʼ kənyʉ̀.

Matìyò 27:63

ə gàʼ à wen la, “Tìʼ, yès bò kwòʼtə̀ la à tə ndiʼ ando wù ndzɨ̀ŋsə ghèn mbu to ghə̀ gàʼ la, ‘Mà lu pfʉ bwènsə̀ lù a mətsi ntaʼ.’

Matìyò 28:6

Ghə̀ ko diʼ a shèn. Ghə̀ lu li fa pfʉ ando ghə̀ ngaʼa. Ghə̀ŋ vi kwen yèn kəshi a ghə̀ tə nyoŋ tsu.

Ŋwàʼlə̀ Mak 8:31

Yesò gàʼ a lì mù zìtə̀ sə dìʼsə ndzɨ̀mtə̀sə bàm wen gàʼà la, “Wàyn wìʼ ne yenə ngəʼ byɨ, ə̀ vəchəʼ nə̀ tʉtʉ vəpfèm və ngə̀ŋ Nyìngòŋ bènə̀ ndìʼsə̀sə təsoʼ ne mo wen ə zhwi wen, à nè sə ndiʼ a mətsi ntaʼ, ghə̀ bwensə lù fa pfʉ.”

Ŋwàʼlə̀ Mak 9:12

Ghə̀ gàʼ à vəwenə la, “Adìʼ nəmwèʼè la Elijà ne vì a mbì ndi shɨ̀tə̀ no nyʉ̀ tsèm alì byìʼì ghò a və nyòʼò a ŋwàʼlə̀ Nyìngòŋ la Wàyn Wìʼ ne yen ngəʼ a nyʉ̀ no ghoʼo və be nyàblə̀ nə̀ wen a?

Ŋwàʼlə̀ Luk 17:25

Ghə̀ diʼi yenə ngəʼ a jisə, no sə ghoʼo viʼi mbyì luwen bè mò wen mimbu ənyʉ̀ venə əlyɨ kəshi.

Ŋwàʼlə̀ Luk 24:46

bè mù gàʼ a vəwenə la “Nəmwèʼè, və nyoʼli la Klistò ne yen ngəʼ a sə̀ ndiʼ a bàmə mətsi ntaʼ ghə̀ be lu fa pfʉ,

Ŋwàʼlə̀ Luk 9:31

Vəwenə ndìʼ no a ntìntìn bayn ghoʼghə. Vəwenə sə gàʼà kùmə̀ pfʉ yi a Yesò ndiʼi pfʉ a Jelusalèm ə lwinsə kənyʉ̀ kì a Nyìngòŋ ghʉli.