Matìyò 16:20 - The New Testament in the Babanki language

²⁰ Yesò gàʼ a lì mù tyɨftə ndzɨ̀mtə̀sə bàm wen la kə vəwenə lə shə̀ʼtə̀ à wìʼ la yì dìʼ Wìʼ yì a Nyìngòŋ ntsuʼ li ə̀ ghʉ.

Matìyò 16:20 ပူးပေါင်းရင်းမြစ်များ

Matìyò 1:16

Jàkob ndìʼ tìʼì Josèf a ghə̀ lu lyɨ̀ Mèli a nə̀ wì wen. Mèli lu bwi Yesò yi a və dzàŋ nə̀ Klistò.

Matìyò 16:16

Simon Bità bwènsə̀ la, “Adìʼ ə wìʼ yì a Nyìngòŋ ntsuʼ li ə̀ ghʉ, wàyn Nyìngòŋ yì a ghə̀ faŋə̀ tò ghan mùʼ lì.”

Matìyò 17:9

Vəwenə nè sə mbwènə̀ shiʼì fa kwi pfen yì Yesò tyɨftə vəwenə la, “Kə ghə̀ŋ à shə̀ʼtə̀ kənyʉ̀ kèn a ghə̀ŋ yenə lə̀ à wìʼ əzaʼa fa tʉʼ a Wàyn Wìʼ lə pfʉ və lusə wen fa pfʉ.”

Matìyò 8:4

Yesò mù gàʼ à wen la, “Kə wù a mwòm əshə̀ʼtə̀ kənyʉ̀ a kə cho à wìʼ. Alì dyʉ̀ ə dìʼ wen wu à pfem ngə̀ŋ Nyìngòŋ be ku kəku kì a soʼ Mosìs ngàʼa la wìʼ to fa kənsòtə̀, ghə̀ ku kəku ndi viʼi kɨ la wù to li.”

Ŋwàʼlə̀ Mak 8:30

Yesò mù kàyn à vəwenə la kə vəwenə à shə̀ʼtə̀ wìʼ a yi diʼi wen à wìʼ.

Ŋwàʼlə̀ Mak 9:9

Vəwenə nè bwènə̀ sə nshiʼi fa pfen ayì, Yesò kàyn la kə vəwenə à shə̀ʼtə̀ kənyʉ̀ akì à wìʼ əzaʼa fa tʉʼ a Wàyn Wìʼ lu lù fa pfʉ.

Ŋwàʼlə̀ Luk 2:11

Və bwili mbwòŋsə̀ lan a ghə̀ŋ a loʼo fòyn Devìt a diʼi Klistò a ghə̀ diʼi Bobo.

Ŋwàʼlə̀ Luk 9:21

Yesò mù ku soʼ la kə vəwenə à shə̀ʼtə̀ kənyʉ̀ kènkə à wìʼ,

Ŋwàʼlə̀ Luk 9:36

Ando gɨ̀ ayì ngaʼà myètə, vəwenə yen Yesò ghə̀ dìʼ tò wen nyɨŋ. Vəwenə ghʉ nyʉ̀ a venə kò vəwenə lə shə̀ʼtə̀ no wutsen kənyʉ̀ a vəwenə yenə a məntsi ayì.

Joyn 1:41

To a zhʉ a yi ghə̀ kəŋ li dyʉ̀ to nə̀ lèmə̀ wen ə Simon ə gàʼ a wen la, “yès ə yen li wìʼ yi a və tsuʼ li a diʼ ‘Klistò.’”

Joyn 1:45

Filib ə kəŋ dyʉ̀ nə̀ Nàtanyèl ə gàʼ a wen la, “Yes yen li wìʼ yi a Mosìs ə nyoʼo kumə wen a ŋwàʼlə̀ Əsoʼ li, nshə̀ʼtə̀ sə ghoʼsə ə be boŋ nyòʼ. Ghə̀ diʼ Yesò ə wu Nazalèt, ə wàyn Josèf”.

Joyn 11:27

Matà byɨmə ə gàʼ la, “Ma byɨmə a Bobo la wù diʼ wìʼ yì a və tsuʼli ghʉ, à diʼ wù Wàyn Nyìngòŋ yi a ghə̀ ndiʼ lə vi a mbyi.”

Joyn 20:31

Və nyoʼ kènkə alə ndiʼ ghə̀ŋ zhʉ̀, ə byɨmə la Yesò diʼ to no Klistò, ə Wàyn Nyìngòŋ, əbyɨmə ə na ghenə nè, ghə̀ŋ kiʼi ntsìnə̀ yì a ghə̀ ko lu mè a wen a əzhiʼ.

Shwèʼ 2:36

“Viʼi Islel no vətsèm diʼi əkɨ nəmwèʼè la Nyìngòŋ ə ne li Yesò ghèn a ghə̀ŋ tə̀ bayntə a kəntò lə̀ sə diʼ Bobo bè diʼ Klistò.”

1 Joyn 2:22

Wù ndzɨ̀ŋ ə lè dìʼ ndo, ə cho wìʼ yì a ghə̀ tensə̀ la Yesò ko diʼ Klistò a? Wìʼ aghèn dìʼ wù kəbàyn ə Klistò. Ghə̀ mo Tìʼ be tyenə Wàyn wen.

1 Joyn 5:1

No ndò a ghə̀ byɨmə la Yesò dìʼ Klistò mu wìʼ ayì dìʼ wàyn Nyìngòŋ. No ndò a ghə̀ kòŋə̀ tìʼ ə bè kòŋə wàyn a tìʼ ayì ə kiʼi.