Matìyò 16:16 - The New Testament in the Babanki language

¹⁶ Simon Bità bwènsə̀ la, “Adìʼ ə wìʼ yì a Nyìngòŋ ntsuʼ li ə̀ ghʉ, wàyn Nyìngòŋ yì a ghə̀ faŋə̀ tò ghan mùʼ lì.”

Matìyò 16:16 ပူးပေါင်းရင်းမြစ်များ

Matìyò 1:16

Jàkob ndìʼ tìʼì Josèf a ghə̀ lu lyɨ̀ Mèli a nə̀ wì wen. Mèli lu bwi Yesò yi a və dzàŋ nə̀ Klistò.

Matìyò 14:33

Ndzɨ̀mtə̀sə bàm wen shìsə a sə ndiʼ a nkanuʼ mù sə gumlə wen gàʼà la,“Nəmwèʼè, wù diʼ wàyn Nyìngòŋ.”

Matìyò 16:15

Yesò bèm à vəwenə la, “Nkàntə̀ ghə̀ŋ gàʼà la ma dìʼ ndo?”

Matìyò 26:63

Yesò chiʼ tò la a kùʼ, kətʉ akì mù gàʼ à wen la, “Mà gaʼà à wù la wù gàʼ tò nəmwèʼè a zhiʼ Nyìngòŋ a ghə̀ faŋə̀ tò ghàyn mùʼ. Shə̀ʼtə à yès la wù dìʼ Wìʼ yì a Nyìngòŋ ntsuʼ li ə̀ ghʉ ə wàyn Nyìngòŋ yì mu lo?”

Matìyò 27:54

Kətʉ kə vəsugyèʼ kì a kə ntsɨ̀ŋə̀ Yesò lì wenə̀ vəsugyèʼ və tsenəvə nè yèn ando shi ntsɨ̀ŋtə̀ bènə̀ nyʉ̀ kanəvə tsenəvə vi a və mfʉ̀ faynə ə ghaʼ vəwenə, vəwenə mù gàʼ la, “Nəmwèʼè wìʼ ghèn tə ndiʼ wàyn Nyìngòŋ.”

Matìyò 4:3

Deblə̀ mù vì ə gàʼ a wen la,“A zhʉ a wu diʼi wàyn Nyìngòŋ, gàʼ li nguʼ sensə kaʼkə a kəfo kəzhɨkə, wù zhɨ.”

Ŋwàʼlə̀ Mak 14:61

Yesò chɨmə la kùʼ. Kətʉ kə tʉtʉ vəpfèm və ngə̀ŋ Nyìngòŋ kì bèm à wen la, “Wù bè dìʼ Klistò yì adiʼ wàyn Nyìngòŋ yì a yès ə kuʼsə̀ lì?”

Ŋwàʼlə̀ Luk 2:11

Və bwili mbwòŋsə̀ lan a ghə̀ŋ a loʼo fòyn Devìt a diʼi Klistò a ghə̀ diʼi Bobo.

Joyn 1:49

Nàtanyèl ə mu gàʼ la, “ndìʼsə̀ wu diʼ wàyn Nyìngòŋ, wù diʼ Fòyn a viʼi Islel!”

Joyn 11:27

Matà byɨmə ə gàʼ la, “Ma byɨmə a Bobo la wù diʼ wìʼ yì a və tsuʼli ghʉ, à diʼ wù Wàyn Nyìngòŋ yi a ghə̀ ndiʼ lə vi a mbyi.”

Joyn 20:31

Və nyoʼ kènkə alə ndiʼ ghə̀ŋ zhʉ̀, ə byɨmə la Yesò diʼ to no Klistò, ə Wàyn Nyìngòŋ, əbyɨmə ə na ghenə nè, ghə̀ŋ kiʼi ntsìnə̀ yì a ghə̀ ko lu mè a wen a əzhiʼ.

Joyn 6:57

A zhɨ no ndo zhɨ əwenə ghomə, ghə̀ nə̀ tsi byìʼì mò, to ndə̀ŋndəŋ ando ma tsi byìʼì Tìʼ a ghə̀ tɨmə mo.

Joyn 6:68

Saymun Bità ə bwensə a wen la, “Ə be ə dyʉ̀ ando a Bobo? A zizi a be shə̀ʼtə̀ ndò shə̀ʼtə̀ kənyʉ̀ ki a kə ku bwòŋ yi a ghə̀ ko lu mè a yes a?

Joyn 6:69

Luwen yes ə byɨmə, be kɨ la, wù diʼ Wù Laynə Nyìngòŋ a wu vi fa kaŋ.”

Shwèʼ 14:15

“Viʼi ndoŋsə yès, ghə̀ŋ ə nè ghò lə̀? Yès dìʼ viʼi tò nə̀ ghə̀ŋ. Yès ə vì nə̀ ntɨm ə jùŋ à ghə̀ŋ ənè la ghə̀ŋ ghʉsə vənyìngòŋ və ndzɨ̀ŋsə venə ə̀ bwènə̀ vì à Nyìngòŋ a ghə̀ faŋə̀ to ghan ə̀ mùʼ, àdìʼ Nyìngòŋ ghèn a ghə̀ bwomə kàŋ wenə̀ nse, nə̀ mu mə nghoʼo mə̀, bènə̀ no ghò a ghə̀ diʼì a shi avenə.

Shwèʼ 8:36

Vəwenə sə jèʼè dyʉ̀ ə dyʉ̀ zaʼa a kəshi kətsenkə, ə̀ yèn mu, wù shwèʼ yì gàʼ à Filib la, “Yen mu a shèn a, ale zì à taʼsə no gho luwèn la kə mà shi mu a?”

Shwèʼ 8:37

Filib bwènsə̀ à wen la, “Və zì və ku mu à wù a zhʉ a wù byɨmə nə̀ tyɨmə wu no tsèm.” Wù shyèʼ ayì byɨmə ə̀ gàʼ la, “Mà byɨmə la Yesò Klistò dìʼ wè Nyìngòŋ.”

Shwèʼ 9:20

mù zìtə̀ lù fa tsu dyʉ̀ a aloʼ ntsèntə̀sə ə̀ shə̀ʼtə̀ ntɨm jùŋ byìʼì Yesò gàʼà la, “Ghə̀ dìʼ Wàyn Nyìngòŋ.”

Lumans 1:4

Nyìngòŋ ə nlùsə Bobo vəghəŋ Yesò Klistò a ghèn fa pfʉ ə diʼ adyòʼ la ghə̀ diʼ to no Wàyn Nyìngòŋ, kiʼi Kəzhwì kə Nyìngòŋ.

2 Kolìntyàns 1:19

Ghə̀ŋ kɨli la Wàyn Nyìngòŋ, ə Yesò Klistò yi a yo və Timotì nə̀ Silàs tə nshə̀ʼtə̀ kənyʉ̀ kə wen a ghə̀ŋ ə ko nə̀ gaʼa təgàʼ tə bò. Ghə̀ ngaʼa to kənyʉ̀ ki a kə diʼi nəmwèʼè a nə̀ Wàyn Nyìngòŋ.

2 Kolìntyàns 3:3

Ghə̀ŋ diʼ ŋwàʼlə̀ a Yesò nyoʼo to fa wen a ngəŋ, ghə̀ nchò fa yès a kəvu. Ghə̀ ko nyoʼ ŋwàʼlə̀ na ghèn nə̀ ntu ə ŋwàʼlə̀, ghə̀ boŋsə nyoʼ nə̀ Kəzhwì kə Nyìngòŋ yi a ghə̀ tsi. Ghə̀ ko nyoʼo a kwi ngùʼ, ghə̀ nyoʼo a tətyɨm ə viʼi.

2 Kolìntyàns 6:16

Ngə̀ŋ Nyìngòŋ ə ko kiʼi kənyʉ̀ ə nè wenə nshəʼsə. Ghə̀ŋ kɨli la vəghəŋ diʼ tò nə̀ ngə̀ŋ Nyìngòŋ yi a ghə̀ tsi, to ndə̀ŋndəŋ ando ghə̀ ngàʼa li la: “Mà ne ntsi a vəwenə a ntìntìn, diʼ yo vəwenə; Mà na diʼ Nyìngòŋ ə vəwenə, vəwenə diʼ viʼi vwomə.”

1 Tèsàlonyà 1:9

Yes ə kɨ la viʼi na venə ə zhʉ li byìʼì ando vəwenə ə gaʼa kumə ando ghə̀ŋ nshisə yes no a ji ə jùŋ ando yes nvi ə gyàmtə̀ ghə̀ŋ, be shə̀ʼtə̀ ando ghə̀ŋ əwʉ̀sə li nshəʼsə ə sə shyèʼ to a Nyìngòŋ yi a ghə̀ tsi be diʼ nəmwèʼè.

1 Timotì 3:15

mu kənyʉ̀ kə sətsen ə nè la mà laʼtə, wù a kɨ jì shiʼsə a viʼi diʼ ə nə̀ tsi fatsu a ngə̀ŋ ə Nyìngòŋ, a diʼ nòyn ə viʼi və byɨməvə ə Nyìngòŋ yì a ghə̀ tsi. Ənòyn a ghenə tomsə kənyʉ̀ ki a kə diʼi nəmwèʼè. Tomsə əziʼi nəmwèʼè tò ando kətaʼa nə̀ kəchɨ kə ngə̀ŋ kə ə ne kə sə to, bè ghaʼa ngə̀ŋ la ghə̀ tɨmə nto.

1 Timotì 4:10

Vəghəŋ ə soynə bè shwèʼè nə̀ kədyòʼ ə kiʼi ntsìnə̀ a ghenə byìʼì ando vəghəŋ ə ghʉ kwòʼtə à Nyìngòŋ yi a ghə̀ tsi. A dìʼ wen a ghə̀ mbwòŋsə̀ viʼi və tsèm, bè bwòŋsə viʼi vyi a və byɨmə a wen.

Hibùlù 10:31

Kə fwàynsə no nànto a wìʼ azhʉ̀ a Nyìngòŋ yi a ghə̀ tsi diʼ əsoʼ ə byɨbsə wen.

Hibùlù 12:22

Ghə̀ŋ kɨ li la ghə̀ŋ boŋsə li ə nvi ntɨmə a ben phèn ə Zayòn, a ntə̀ʼ Nyìngòŋ yi a ghə̀ tsi. Ntə̀ʼ na ghèn ndiʼ ntə̀ʼ Jelusalèm yì a ghə̀ diʼ akàŋ, ətsɨŋsə Nyìngòŋ sə diʼ tsu, və taŋ le.

Hibùlù 3:12

Vəlemə vwomə a byɨmə, ghə̀ŋ tuʼmə ə yen la kə wìʼ fa ghə̀ŋ a ntìntìn a ki ətyɨm ə byɨghə ə faŋ ke byɨmə ə nyɨŋ moʼtə̀ Nyìngòŋ yi a ghə̀ tsi diʼ.

Hibùlù 9:14

Mənlyuŋ mə nyàm ə sətsen ndiʼ nè la wìʼ ndiʼ nə̀ laynə to ando kə ndiʼ, mənlyuŋ mə Yesò ne mɨŋsə kiʼi kədyòʼ ə ne ə wìʼ ndiʼ nə̀ laynə ale? Ghə̀ ə nkuli wenə wen a Nyìngòŋ a kəku, ko ghə̀ kiʼ əmbyɨ, mu gyàmtə̀ Kəzhwì ki a kə diʼ to məzhʉ̀ ə tsèm. Ghə̀ nè alə ə shʉ̀ ə laynsə tətyɨm tə vəghəŋ fa nyʉ̀ yì a və vi nə̀ pfʉ ndi vəghəŋ ə̀ kuʼsə Nyìngòŋ yi a ghə̀ tsi.

1 Joyn 4:15

A byɨmə tè ndò ə̀ be nshə̀ʼtə̀ la Yesò dìʼ Wàyn Nyìngòŋ mu ghə̀ dìʼ wenə̀ Nyìngòŋ a kənyʉ̀ kə mùʼ.

1 Joyn 5:20

Vəghəŋ ə̀ bè kɨ la wàyn Nyìngòŋ ə̀ mvi li ə̀ dìʼsə̀ vəghəŋ la vəghəŋ nkɨ Nyìngòŋ yì a ghə̀ diʼì nəmwèʼè. Vəghəŋ sə diʼ a kənyʉ̀ kə mùʼ vəghəŋ və wen yì a ghə̀ diʼì nəmwèʼè bènə̀ wàyn wen ə Yesò Klistò. Ghə̀ dìʼ Nyìngòŋ yì a ghə̀ diʼ nəmwèʼè be diʼ əbwòŋ a ghə̀ ko lu mè.

1 Joyn 5:5

A zì a zhɨ ndo ə̀ zhɨ mbi əchò wìʼ a ghə̀ byɨmə la Yesò dìʼ wàyn Nyìngòŋ a?

Kəmwetə 7:2

Mà bè yèn ntsɨ̀ŋ ngə̀ŋ ə̀ Nyìngòŋ ə tsen, ghə̀ kuʼ ə̀ vì fa shyə a chʉzhʉ ə saʼa fa tsu, kiʼ kəfo a Nyìngòŋ a ghə̀ ko lu pfʉ ə chwìtə̀ viʼi tsu. Ntɨ̀ŋ ayì zɨmə̀ dzàŋ ntsɨ̀ŋsə ngə̀ŋ ə̀ Nyìngòŋ shì sə̀ kàʼ a Nyìngòŋ ə̀ nku li àdyoʼ à vəwenə la vəwenə byɨsə nse bènə̀ mu no a gɨ to