Matìyò 15:32 - The New Testament in the Babanki language

³² Yesò mù dzàŋ ndzɨ̀mtə̀sə bàm wen ə̀ gàʼ à vəwenə la, “Nshinsə ku mò à viʼi venə. Vəwenə tsi li vəghəŋ vəwenə a mətsi ntaʼ luwèn, alì kènla vəwenə təmə̀ zhɨ̀ kəfo. Ma ko kòŋ əgàʼ la vəwenə bwènə̀ mpfwo nə̀ jɨ̀ŋ. Wìʼ zì ghə̀ fʉ bwaʼ, ashɨ wen fen ghə̀ fəŋ a ji.”

Matìyò 15:32 ပူးပေါင်းရင်းမြစ်များ

Matìyò 12:40

Ando Jonà ntsi mətsi ntaʼ a bèmə̀ shʉ̀, a dìʼi ndə̀ŋndəŋ ando Wàyn Wìʼ ne pfʉ ə tsi mətsi ntaʼ a tì nse mibu lù.

Matìyò 14:13

Yesò nè zhʉ̀ kənyʉ̀ a və ne à Joyn wù ku à mù lyɨ̀ nkànuʼ wenə̀ ndzɨ̀mtə̀sə bàm wen sə lù dyʉ̀ a kəshi ko wìʼ dìʼ tsu. Viʼi nè zhʉ̀ la ghə̀ lù lì ə fʉ̀kə̀ fà vəwenə a ntə̀ʼsə no vəghoʼo sə dzɨ̀mtə̀ dyʉ̀ nə̀ wen to a kəghʉ̀.

Matìyò 15:33

Ndzɨ̀mtə̀sə bàm wen sə bèm à wen la, “Vəghəŋ lè zì vəghəŋ lyɨ fozhɨvə fa fe a shə̀, kəshi kèn kə diʼ a bàm ə və kwʉʼ ə zhis ghèn nòyn viʼi tsu a?.”

Matìyò 20:34

Yesò kusə nshinsə à vəwenə kùmsə̀ ashɨ vəwenə, vəwenə mù sə̀ yenə shi, ə̀ lù sə̀ dzɨ̀mtə̀ dyʉ̀ nə̀ wen.

Matìyò 27:63

ə gàʼ à wen la, “Tìʼ, yès bò kwòʼtə̀ la à tə ndiʼ ando wù ndzɨ̀ŋsə ghèn mbu to ghə̀ gàʼ la, ‘Mà lu pfʉ bwènsə̀ lù a mətsi ntaʼ.’

Matìyò 9:36

A mu sə diʼ to ando ghə̀ yenə ənòyn ə viʼi vyi a ghə̀ ə fʉ vi, ghə̀ kusə shɨnsə a vəwenə byìʼì ando vəwenə ə nkiʼ ngəʼsə, sə ghoʼo, ko ə gyàmtə̀ ə ndiʼ. Vəwenə ndiʼ tò nə̀ byisə njɨ̀ kenə ntsɨ̀ŋ.

Ŋwàʼlə̀ Mak 9:22

“Nghoʼo məzhʉ̀ kə lu nkəŋə əzhwi wen; mòʼò wen a zhìʼ ko à mù. A sətsèn ndiʼ mu wù zì wù ne kənyʉ̀ wu kùsə nshinsə à yès ə̀ gyàmtə̀ yès.”

Ŋwàʼlə̀ Luk 7:13

Bobo n-yen wùwì a ghèn sə kusə nshinsə à wen no ŋàŋ ə gàʼ à wen la, “Chɨmə, kə wu be dì.”

Shwèʼ 27:33

Tʉʼ nə̀ sə nlaynə vì, Bol sensə vəwenə no vətsèm gàʼà la, “Ghə̀ŋ taŋkə ə zhɨ̀ kəfo. Ghə̀ŋ tsi li təwoŋ təbò luwèn, kwòʼò tò mbi kèn la kəfo kə kwen li a chʉ̀ wìʼ fa ghə̀ŋ.

Hibùlù 4:15

Vəghəŋ ə kiʼi pfèm ngə̀ŋ Nyìngòŋ ə ŋaŋtə, ghə̀ shɨtə kɨ ji shisə a vəghəŋ ə bwaʼa fa tsù, mu mwòmsə ə mvi li a wen to a jisə a jisə, ndə̀ŋndəŋ ando ghə̀ vi a vəghəŋ, ali ghə̀ kò ghə̀ lə̀ nè mbyɨ.