Matìyò 15:31 - The New Testament in the Babanki language

³¹ Viʼi vi sə diʼ nə̀ kaynə ando və nyenə la bɨbɨ̀ sə bwènsə̀ gàʼà, və ngesə̀ fwen nə̀ viʼi kənkwàʼkə̀ be bwènsə̀ jèʼè tò a nkayn, bènə̀ la nshɨ̀f nsə̀ bwènsə̀ yenə shi. Vəwenə yen a lì sə̀ ghoʼsə̀ Nyìngòŋ viʼi Islel.

Matìyò 15:31 ပူးပေါင်းရင်းမြစ်များ

Matìyò 15:30

Ngwàʼà viʼi sə vì a wen. Vəwenə mvì nə̀ viʼi və kwaʼkəvə vəwenə, və ngesə̀ fwen, mfyɨ̀f, viʼi kənkwàʼkə̀, və bɨbɨ̀ bènə̀ viʼi a və nkwaʼa nə̀ tənkì tə təkwaʼa no tətsèm. Vəwenə ə̀ mvì nə̀ vəwenə a lì ghʉ ashɨ Yesò la ghə̀ chʉʼ vəwenə.

Matìyò 18:8

Kəvu kə̀ ko kəghʉ kə̀ sətsèn nè la wù ne mbyɨ wu tin ə̀ màʼà. Kə bòŋ la wù kiʼi bwòŋ yi a ghə̀ ko lə mè kènə̀ kəvu kə mùʼ ko kəghʉ kə mùʼ əchò la wù kiʼi wen wu no tsèm və moʼ wù a zhìʼ a ghə̀ ko lə mè.

Matìyò 21:14

Viʼi kənshɨ̀f wenə̀ viʼi kənkwàʼkə̀ vì yèn wen tsu ghə̀ chʉʼ vəwenə.

Matìyò 8:10

Yesò zhʉ kənyʉ̀ kèn ə sə diʼ nə̀ kaynə ə gàʼ à viʼi vyì a və jèʼè fa wen bàm lì la, “Ma gàʼ à ghə̀ŋ nəmwèʼè la, mà ko tɨmə yen wìʼ, a ghə̀ kiʼi nkì byɨmə ghənə, a loʼo Islel.

Matìyò 9:32

Viʼi vyì a Yesò ə chʉʼʉ li ə ne sə ə lù və be vi nə̀ wìʼ a Yesò ghə̀ kiʼ kəzhwì kə byɨkə, ko ghə̀ be gàʼa.

Matìyò 9:33

Yesò dzɨ̀mə̀ shisə kəzhwì kə byɨkə a kì alì, wìʼ a yi ə gàʼa. Ənòyn ə viʼi vyi ə sə dìʼ nə̀ kàynə ə gàʼa la, “vəghəŋ ko tɨmə yen nki kənyʉ̀ alə̀ aloʼ ə Islel a shə̀.”

Matìyò 9:8

Viʼi nè yen alì sə fàyn no ŋàŋ, bè mù sə̀ kuʼsə Nyìngòŋ ando ghə̀ ku nki àdyoʼ a ghèn à viʼi.

Ŋwàʼlə̀ Mak 2:12

Tò a zhʉ ayì, ghə̀ lù tò a shɨ viʼi vətsèm ə̀ lyɨ̀ əghàm kə wen ə̀ fʉ sə dyʉ̀. Vəwenə vətsèm ndìʼ nə̀ kanə mù sə bwomsə̀ Nyìngòŋ gàʼà la, “Yès nko təmə̀ yèn nki kənyʉ̀ alə̀.”

Ŋwàʼlə̀ Mak 7:37

No ndò a ghə̀ nzhʉ kənyʉ̀ akì ndìʼ nə̀ kanə mù sə gàʼà dyʉ̀ la, “Ghə̀ nè nyʉ̀ tsèm və dyʉ̀ tò a nkàyn, nè tè mpfʉ̀sə tʉ sə zhʉ shi be nè tè və bɨbɨ̀ gàʼà.”

Ŋwàʼlə̀ Mak 9:43

Kəvu kə̀ sətsèn nè la wù ne mbyɨ wu tin ə̀ màʼà. Kə bòŋ la wù kwen a bwòŋ nə̀ kəvu kə mùʼ əchò la wù kwen a kəshi kə byɨkə a zhiʼ bolə̀ tsu kò ghə̀ lu nlɨmə nə̀ avu wù no a tsèm.

Ŋwàʼlə̀ Luk 14:13

Wù kyè kənyʉ̀ kyə̀ kə, wu bòŋsə laʼà viʼi kəfem nə̀ viʼi a və ŋàŋlə, nə̀ viʼi kənfyɨf bènə̀ və nlàʼfwen.

Ŋwàʼlə̀ Luk 14:21

Wù shyèʼ ayì bwènə̀ pfwo ə shə̀ʼtə̀ nyʉ̀ na vènə à ti shyèʼ wen, tyin wen fwi, ghə̀ gàʼ à wàyn ayì la, ‘Zaŋsə fʉ̀ ə dyʉ̀ a jisə tosə nə̀ sə tyetəsə a ntə̀ʼ ə boŋtə viʼi kəfem, nə̀ viʼi a və ŋàŋlə ŋàŋlə, nə̀ viʼi kənfyɨf bènə̀ vi ngesə̀ fwen vyi a və diʼ tsu ə vi nə̀ vəwenə.’

Ŋwàʼlə̀ Luk 18:43

No a zhʉ̀ kò, ghə̀ bwènsə̀ sə yenə shi, lu sə dzɨ̀mtə̀ dyʉ̀ nə̀ wen, kuʼsə dyʉ̀ nə̀ Nyìngòŋ. No mə ndò a ghə̀ yenə kənyʉ̀ a kə chò sə boŋ kuʼsə Nyìngòŋ.

Ŋwàʼlə̀ Luk 7:16

Fàyn ghaʼ no viʼi vətsèm tsu. Vəwenə sə kuʼsə Nyìngòŋ gàʼà la, “Nshə̀ʼtə̀ ghoʼo vì li a vəghəŋ a ntìntìn. Nyìngòŋ vì li ə lye viʼi wen!”

Joyn 9:24

Vəwenə na be nkumtə dzàŋ wen ə gàʼ a wen la, “Kàynə li zhiʼ ə Nyìngòŋ la wù gàʼa to nəmwèʼè. Yès ə kɨ la wìʼ ghèn diʼ wu nyʉ̀ ə byɨvə.”