Matìyò 14:19 - The New Testament in the Babanki language

¹⁹ Ghə̀ mù gàʼ à nòyn viʼi vi la vəwenə ŋwʉʼtə dyʉ̀ a agəŋ. Ghə̀ bè mù shì təghɨf tə kəbayn kə məka tì tə tàyn bènə̀ shʉsə shì sə bò ə̀ ki kùʼsə nə̀ kaŋ kù kəzòŋ a Nyìngòŋ, byə̀ʼ kəbàyn akì tsèntə̀ kù a ndzɨ̀mtə̀sə bàm wen la sə gətə à viʼi a vyi.

Matìyò 14:19 ပူးပေါင်းရင်းမြစ်များ

Matìyò 14:18

Yesò gàʼ la “Ghə̀ŋ vi nə̀ wen və à mò.”

Ŋwàʼlə̀ Mak 6:39

Yesò gàʼ à ndzɨ̀mtə̀sə bàm wen la vəwenə ne viʼi vi ŋwʉʼtə a nsè a kwi agəŋ a tənòyn a tənòyn.

Ŋwàʼlə̀ Mak 6:41

Ghə̀ mù shì təghɨf tə kəbayn tìtə tətàyn nə̀ shʉ shìsə səbò ə̀ ki kùʼsə nə̀ kàŋə, ə̀ kʉ̀ kəzòŋ à Nyìngòŋ, mù byəʼlə kəbayn akì ə̀ kù la ndzɨ̀mtə̀sə bàm wen sə tomtə a shɨ viʼi vi. Ghə̀ be lyɨ̀ shʉ shìsə səbò ə̀ gə̀tə̀ à viʼi no vətsèm.

Ŋwàʼlə̀ Mak 7:34

mù ki kùʼsə nə̀ kaŋə ə̀ dèm bè mù gàʼ à wen la, “Ephatha” àdìʼ mu ghə̀ gàʼ la, “Bòʼmə!”

Ŋwàʼlə̀ Luk 22:17

Ghə̀ bè mù lyɨ̀ ndoŋ ku kəzòŋ a Nyìngòŋ ə gàʼ la “Ghə̀ŋ ghaʼ ə nyʉ fa tsu no ghə̀ŋ vətsèm;

Ŋwàʼlə̀ Luk 22:19

Ghə̀ bè lyɨ̀ kə̀bayn ə ku kəzòŋ a Nyìngòŋ ə byəʼlə ə gə̀tə̀ a vəwenə gaʼà la “kènkə diʼi wenə ghomə a və ku byìʼì ghə̀ŋ, ghə̀ŋ ne nè kènkə kwòʼtə̀ mò.”

Ŋwàʼlə̀ Luk 24:30

Ando ghə̀ ŋwʉʼmə wenə vəwenə a kəchiʼ əzhɨ, ghə̀ lyɨ̀ kə̀bayn ə bwaʼsə̀, ə byəʼlə bè mù ku a vəwenə

Ŋwàʼlə̀ Luk 9:14

Viʼi ndiʼ a nòyn a ghèn, zaʼa nkam sətàyn. Yesò gàʼ à ndzɨ̀mtə̀sə bàm wen shì la “Ghə̀ŋ ne, vəwenə ŋwʉʼtə a shi a shi, a no nòyn kò a nkiʼi viʼi məwum ntàyn.”

Ŋwàʼlə̀ Luk 9:16

Yesò shi təghɨf tə kəbayn a tìtə nə̀ shʉ shi səbò ə ki kuʼsə nə̀ kaŋ ə ku kəzòŋ a Nyìngòŋ ə byèʼ ku a ndzɨ̀mtə̀sə bàm wen la sə gə̀tə̀ a viʼi a vyì.

Joyn 11:41

Ghə̀ gàʼ ali, və mu lyisə ngùʼ ayì. Ghə̀ ki kuʼsə nə̀ kaŋə ə gàʼ la, “Ma ku kəzòŋ à wu a Tìʼ byìʼàndo wù nə̀ zhʉtə mò,

Joyn 6:23

Məbaŋ mə tsenə mə lù fa Tàybelìyàs ə vì tɨmə a ben kəshi yi a Yesò ə bwaʼsə fozhɨvə vyi ə ku a viʼi tsu li la vəwenə zhɨ.

Shwèʼ 27:35

Bol ngàʼ a lì ə̀ lyɨ̀ kəbayn ə̀ kù kəzòŋ à Nyìngòŋ tò à vəwenə a shɨ mù byəʼ ə̀ zìtə̀ sə zhɨ.

Lumans 14:6

Wìʼ yi a ghə̀ yenə la kətsi kətsenkə ə kuʼmə chò kə tsenkə ə ne alə̀ ə kuʼsə Nyìngòŋ tsu. Wìʼ a ghə̀ zhɨ to fo ə tsèm ə ku kùʼsə a Nyìngòŋ byìʼì ando ghə̀ zhʉ sə nzhɨ, ghə̀ ku kəzòŋ a Nyìngòŋ. Wìʼ a ghə̀ ko bamə fo ə tsevə ə ne alə̀ be ə ku kùʼsə a Nyìngòŋ byìʼì ando ghə̀ zhʉ sə nè ali, ghə̀ ku kəzòŋ a Nyìngòŋ.

1 Kolìntyàns 10:16

Vəghəŋ nə̀ nyʉ̀ʼ lyɨ ntaʼ ə kwòʼtə pfʉ ə Yesò, və jɨm a kwi ndoŋ məlyʉ̀ʼ ə nyʉ̀, kə diʼi la məmluŋ mə Yesò ne li vəghəŋ ntsentə vəghəŋ vəwen to kəfo kə mùʼ. Vəghəŋ nə̀ gə̀tə̀ əfo ə zhɨvə azhʉ̀ na ghèn ə zhɨ̀, kə nə̀ diʼi la ə wèn ə Yesò ə ne li vəghəŋ vəwenə ntsentə to kəfo kə mùʼ.

1 Kolìntyàns 10:31

Kə lə diʼ la, ghə̀ŋ sə nzhɨ̀ no tèbe ghò, kò ghə̀ŋ nyʉ nyʉ, kò ghə̀ŋ nè no tèbe ghò, ghə̀ŋ ne to ə ku kuʼsə a Nyìngòŋ.

1 Kolìntyàns 11:24

a sə diʼ ando ghə̀ ku kəzòŋ a Nyìngòŋ, ghə̀ byəʼlə ə gàʼ la, “Ghenə diʼ əwèn ghomə a ma kù byìʼì ghə̀ŋ. Ghə̀ŋ ne ə nè alə̀ kwoʼtə mò.”

Kòlòsyàns 3:17

Ghə̀ŋ nè no tèbe ghò, kò ghə̀ŋ gaʼa gaʼa, ghə̀ŋ gàʼa to a azhiʼ Bobo Yesò, ku kəzòŋ a Nyìngòŋ, ə Tìʼ chò fa wen.