Matìyò 13:6 - The New Testament in the Babanki language

⁶ Chwìchwì bayn nyùʼ ngwàʼsə fo a shìsə byìʼàndo aghaŋ a yi nko təmə̀ dyʉ̀ a nse. Ngwàʼ a shìsə mù zɨm.

Matìyò 13:6 ပူးပေါင်းရင်းမြစ်များ

Matìyò 13:21

Wìʼ yì a ghə̀ zhʉ kənyʉ̀ kə Nyìngòŋ, kò kə lə kiʼi aghaŋ, ghə̀ byɨmə to fəntemnə̀ fə zhʉ. Ngəʼ nè vì ko və tsuʼ aghʉ wen byìʼì gaʼa Nyìngòŋ no a zhʉ̀ kò ghə̀ fəŋ fa wen a byɨmə.

Matìyò 13:5

Ashɨ à tsenghə fəŋkə a təwu a nse nko ghoʼtə tsu ə̀ zàŋsə̀ fʉ̀.

Matìyò 13:7

Ashɨ à tsenghə fəŋkə a moʼsə ndzoŋsə. Ne kùʼ tsu ndzoŋsə a shìsə kuʼ wenə̀ ngwàʼsə a shìsə a muʼu ə̀ tàʼsə̀ ko sə lə̀ kwi.

Ŋwàʼlə̀ Mak 4:6

No a zhʉ̀ kò a chwìchwì mbanə ə̀ nyʉ̀ʼ ngwàʼ ayì ghə̀ zɨm byìʼàndo aghaŋ yi nkò kwen shìʼi a nse.

Ŋwàʼlə̀ Luk 8:13

Ayi a ghə̀ nfəŋkə a təghu diʼ tò nə̀ viʼi vyi a və zhʉ kənyʉ̀ akì, və zaŋsə byɨmə tò a fəshitə̀ fə zhʉ alə̀, mwòmsə vi, vəwenə nfɨŋ tò fa zhʉ.

Efisyàns 3:17

ndi əbyɨmə ə ghəŋə nè Klistò ə nshɨtə tsi a ghə̀ŋ tətyɨm. Ma jɨ̀mə̀ la əkòŋ ghəŋə a Nyìngòŋ ne ghə̀ŋ kòŋ təwen ə təŋtə kwi ə to tò nə̀ fəkoʼ a ghaŋ yi dyʉ̀ li a nse be diʼ to nə̀ ngə̀ŋ a kəchɨ ki ə to a nse.

Kòlòsyàns 1:23

Kə ne ndiʼ ali a zhʉ ghə̀ŋ tuʼtə ghaʼ əbyɨmə a yi la ghə̀ ntò to tò. Kə ghə̀ŋ moʼtə kənyʉ̀ kə nə̀ʼsə̀ kwoʼtə yi a ghə̀ŋ kiʼi byìʼì ntɨm ə jùŋ yi a ghə̀ŋ tə zhʉ li. Nò mò Bol diʼ wù ə shwèʼè Klistò, shə̀ʼtə̀ to ntɨm jùŋ na ghèn, a diʼ wen yì a və sə diʼ mù və nshə̀ʼtə̀ li no a viʼi və tsèm a mbi.

Kòlòsyàns 2:7

Ghə̀ŋ we aghaŋ, be bwom wenə ghə̀ŋ ghə̀ to a wen. Ghə̀ŋ bwòm ntsìnə̀ ə ghəŋə a wen a wen ando və bwomə ngə̀ŋ akwi kəchɨ kə ngə̀ŋ kə jùŋə kə, shɨtə ghaʼ byɨmə yi a və tə ziʼi a ghə̀ŋ, ghə̀ŋ a to dyʉ̀ to nə̀ mbì. Ghə̀ŋ a lwin ne ku kəzòŋ a Nyìngòŋ no nànto.

Kəmwetə 7:16

Jɨ̀ŋ ə ko be lu zaf vəwenə, kènla ətoŋ ə mù be lu zɨm vəwenə. Chwìchwì kò əshi lɨməvə ko lu be nyùʼ vəwenə,