Matìyò 13:47 - The New Testament in the Babanki language

⁴⁷ Soʼ fòn Nyìngòŋ bè dìʼ tò nə̀ fəlàm a wìʼ mòʼò à mù ə tənkì tə shʉsə tə kwen tsu tò tətsèm,

Matìyò 13:47 ပူးပေါင်းရင်းမြစ်များ

Matìyò 13:44

Yesò gàʼ la, “Soʼ Fòyn Nyìngòŋ diʼ tò nə̀ ghoʼ tsenghə a wìʼ ndyʉ̀ kwʉ̀ʼ a sɨm a və nwè ə̀ lyòmtə̀ tsu, ə bwènə̀ pfwo, kənyʉ̀ ki sə fwomə à wen a wèn no nànto, ghə̀ dyʉ̀ ə̀ baʼlə no ghò ayì a ghə̀ nkiʼi ə̀ vì zen sɨm ayi.”

Matìyò 13:46

Zhʉ a ghə̀ yenə ashɨ fo tsenghə a ghə̀ bòŋə̀ no a nkàyn, ghə̀ bwènə̀ pfwo ə̀ baʼlə no ghò a ghə̀ nkiʼi ə̀ dyʉ̀ zen.

Matìyò 13:48

fə nè lwin, viʼi vyi a və ku shʉsə gùfə̀ shìsə̀ a bàm sə tetə̀ shʉsə jùŋəsə we a vəwenə nkyèsə, màʼà sə byɨsə.

Matìyò 4:19

Yesò gàʼ à vəwenə la,“Ghə̀ŋ vi ə dzɨ̀mtə̀ mò, mà ziʼi ghə̀ŋ, ghə̀ŋ mbòŋsə̀ kutə̀ viʼi.”

Ŋwàʼlə̀ Mak 1:17

Ghə̀ mù gàʼ à vəwenə la, “Ghə̀ŋ vi ə dzɨ̀mtə̀ mò, mà ziʼi ghə̀ŋ, ghə̀ŋ mbòŋsə̀ kutə̀ viʼi.”

Ŋwàʼlə̀ Luk 5:10

Vunə Zebedì vyì a və Simùn nshwèʼè a muʼu, a ndiʼi Jems nə̀ Joyn, bè ndìʼi nə̀ kàynə. Yesò mù gàʼ a Simùn la, “Kə wù be fàyn, əzìtə̀ fa luwen ədyʉ̀ mbì, wù ne nku viʼi.”

Joyn 15:2

chwaynə maʼ tətam titə a tə ko kumə ashɨ a mo wèn, tsùʼtə fo fa tətam a tyi a tə ko kumə ashɨ, ndiʼ tə tuʼ kumə.

Joyn 15:6

A tyen no ndò la ghə̀ ko a faŋə a mo wen, və a təmə wen ə maʼa, to nə̀ ətam yi a və nə̀ chwaynə mòʼ, ghə̀ zɨm. Və nè bwensə boŋtə tətam a tentə ə nyuʼ azhiʼ.

Shwèʼ 20:30

Zhʉ ne vì a viʼi ne fʉ̀ tò fà ghə̀ŋ a ntìntìn nzhò ndzɨ̀ŋsə, gùfə̀ viʼi vəbyɨməvə la və dzɨ̀mtə̀ vəwenə.

1 Kolìntyàns 11:19

Kəgəsə kə yi ndiʼ ndiʼ a ghə̀ŋ a ntìntìn, ndi və nshɨtə yenə kɨ nkàyntə̀ viʼi Nyìngòŋ.

2 Kolìntyàns 11:26

Mənkuŋ mə nghoʼkəmə shwe li ə lyɨ̀ mo no aghayn a ghoʼo ando ma dyʉ̀ ajèʼ, ma be shwetə əpfʉ avù və tsoŋə. Ma shwetə li əpfʉ avù ə viʼi ə lòʼ yès, nə̀ a avu ə tɨmə. Ma shwetə li əpfʉ a ntə̀ʼ sə ghoʼsə, ə shwetə ashə ə viʼi ko diʼ tsu. Ma shwetə li əpfʉ̀ a mù mə ghoʼkə mə, shwetə əpfʉ avù ə̀ viʼi a və lobtə diʼi la və byɨmə li.

Gàlesìyà 2:4

Kənyʉ̀ a kèn la və shətə ndyə̀ Taytùs ə fʉ mu à lùsə viʼi və byɨməvə kənlobtə vətsenvə tsu, a və vi nyoʼtə kwen a yès a ntìntìn ə sə mwòmsə ə yen la yes ə tsi ntsìnə̀ yi a yes ə tsi fa yes a ngəŋsə yo və Yesò Klistò a kənyʉ̀ kəmùʼ ale lo. Vəwenə ə kəŋ to ji ə bwensə nè yès ndiʼ əkòs a əsoʼ ə viʼi Jus.

Kəmwetə 3:1

Nyòʼo à ntsɨ̀ŋ ə̀ ngə̀ŋ Nyìngòŋ a ghə̀ diʼì a ntsèntə̀ viʼi və byɨməvə a Saldìs la: Wìʼ yì a ghə̀ kiʼì əzhwi ə Nyìngòŋ vi sòmbo be kiʼ mədzɨ̀ŋ mì sòmbo gàʼ la, Mà kɨ əshwèʼ ghəŋə. Viʼi ə yenə ghə̀ŋ la ghə̀ŋ dìʼ vəto, alì mu ghə̀ŋ ə pfʉkə li kəzhwì.