Matìyò 13:22 - The New Testament in the Babanki language

²² Ngwaʼa tsen yì a ghə̀ mfəŋkə a tì ndzoŋsə lì dìʼ to nə̀ wìʼ yì a ghə̀ zhʉ kənyʉ̀ kə Nyìngòŋ, ngəʼsə kwi nse a shə̀ bè nə̀ kòŋə əkiʼi ə ghoʼ tàʼsə kənyʉ̀ akì la kə kə kumə ashɨ a wen a ntsìnə̀.

Matìyò 13:22 ပူးပေါင်းရင်းမြစ်များ

Matìyò 12:32

No ndò a ghə̀ gàʼà kənyʉ̀ kə byɨkə byìʼì Wàyn Wìʼ, mu Nyìngòŋ zì ghə̀ maʼa mbyɨ wen ayì alì mu wìʼ sətsèn gàʼ kənyʉ̀ kə byɨkə byìʼì kəzhwì kəŋwoʼəkə, kò Nyìngòŋ lù bè màʼà mbyɨ wen no tè a kəlyɨŋ kèn kò a kəlyɨŋ a kə lu vì.”

Matìyò 13:39

Wù kəbàyn yì a ghə̀ nwe kəfʉ̀ʼ kì diʼ Deblə̀, zhʉ məpfì diʼ kənsèsə̀ kə mbi, viʼi a və pfì dìʼ ntsɨ̀ŋsə ngə̀ŋ Nyìngòŋ.

Matìyò 13:40

Ando və ne zhùŋtə̀ kəfʉ̀ʼ a sɨm və nyùʼù àdìʼ tò a lì a və lu nè a viʼi avenə a kənsèsə̀ kə mbi.

Matìyò 13:7

Ashɨ à tsenghə fəŋkə a moʼsə ndzoŋsə. Ne kùʼ tsu ndzoŋsə a shìsə kuʼ wenə̀ ngwàʼsə a shìsə a muʼu ə̀ tàʼsə̀ ko sə lə̀ kwi.

Ŋwàʼlə̀ Luk 12:15

Ghə̀ bè dyʉ̀ a mbì əgàʼ à nòyn ayi la, “Ghə̀ŋ ə ntùʼmə̀ kumə kənbàŋbàŋ byiʼ ando ntsìnə̀ ko diʼ tò byìʼì fo ghoʼvə vyi a ghə̀ kiʼi, kòŋ ghə̀ nkiʼi ghoʼ no tə ale.”

Ŋwàʼlə̀ Luk 12:21

Yesò mù gàʼà myetə la, “A lè ndo kə diʼi à viʼi vyi a və ghʉ ghoʼo vəwenə à vəwenə ngə̀ŋ ali kò vəwenə lə̀ kwʉʼ ashɨ Nyìngòŋ.”

Ŋwàʼlə̀ Luk 21:34

Ghə̀ŋ tuʼmə nə̀ tə wen təŋtə, bwen alì, ghə̀ŋ a lyɨ̀ kəzhɨ nə̀ məlyʉʼʉ̀ a ndiʼ shyèʼ ghə̀ŋə. Ko nyʉ̀ mbyi venə bʉʼ ashɨ ghə̀ŋə, kətsi kèn sə vì kò ghə̀ŋ lə kɨ.

Ŋwàʼlə̀ Luk 8:14

Sətsensə shì a sə nfəŋkə a kəzòyn diʼ tò nə̀ viʼi vyi a və zhʉ kənyʉ̀ akì, sə tsitə tò alə̀, ashɨ vəwenə boʼtə, vəwenə sə kəŋ ghoʼ, nyɨŋ fa bàmə fo nse, nyʉ̀ kaynə və taʼsə la kə vəwenə tɨmə a vəwenə tyì byɨmə.

Shwèʼ 8:18

Adìʼ a zhʉ a Simon nyenə la viʼi ntɨm Yesò ghʉ li avu a tʉ viʼi vəbyɨməvə, Nyìngòŋ nku Kəzhwì kə ŋwòʼəkə à vəwenə, ghə̀ mù sə ku ko à Bità wenə̀ Joyn gàʼà la,

Lumans 12:2

Kə ghə̀ŋ ne tsi to nə̀ viʼi mbyi ashə̀. Ghə̀ŋ boŋsə ə wʉ̀sə Nyìngòŋ ku kwoʼtə ə fìghə a ghə̀ŋ ə kwitə tətyɨm tyəŋtə ndi ghə̀ŋ ə yenə kɨ kənyʉ̀ kì a Nyìngòŋ ə kəŋ, a diʼ to kənyʉ̀ ki a kə be diʼ kənyʉ̀ kətɨməkə, Nyìngòŋ ə kòŋ.

1 Kolìntyàns 1:20

Wù ə tofəvə lə ye? Ndìʼsə̀ əsoʼ ye? Nò wìʼ ə yi a ghə̀ kɨ ə kitə̀ nyʉ̀ ə mbi ghèn layn ye? A Nyìngòŋ ə ne li ətof ə viʼi mbyi ə kaʼkə ə sədiʼ to kəkoyn.

1 Kolìntyàns 2:6

Nò tèbe ando ma gàʼà nyʉ̀ a venə no tsèm lə̀, yès ə ziʼi nyʉ̀ nə̀ ətof a nə̀ viʼi vyi a və kwi li a vəwenə a byɨmə. Ətof a yi ə ko diʼ ətof ə mbi ghenə kò ətof ə viʼi vyi a və soʼo mbyi ghèn, a diʼ viʼi le dyʉ̀ nə̀ kədyòʼ kə vəwenə.

1 Kolìntyàns 2:8

Nò wù ə soʼo ə mùʼ a mbyi a shèn ə nko kɨ ətof na ghenə. A tu ndiʼ la vəwenə nkɨ li, mu vəwenə nko ə bayntə Bobo yi a ghə̀ kiʼi kùʼsə.

1 Kolìntyàns 3:18

Kə wìʼ na lobtə wen ə wen. Wìʼ sətsen ə ndiʼ a ghə̀ŋ ntìntìn kwoʼtə la ghə̀ tofə a ji yi a viʼi mbyi ashə nə̀ lyɨ fa tsù, ghə̀ boŋsə kaʼkə a kəkoyn ndiʼ ə̀ kiʼi nkàyntə̀ ətof.

2 Kolìntyàns 4:4

Viʼi a və ko byɨmə ko zhʉ̀ kɨ kənyʉ̀ byìʼì ando Satan a ghə̀ soʼo mbyi ghèn kəŋtə li tətof tə vəwenə la kə vəwenə byɨmə. Ghə̀ nè alə̀ la kə vəwenə yen əbayn yì a ntɨm ə jùŋ Klistò a ghə̀ diʼ kənfɨsə kə Nyìngòŋ ə vi nə̀ wenə ghə̀.

Gàlesìyà 1:4

Yesò ə nku li wen ə wen ə pfʉ byìʼì mbyɨsə vəghəŋ ə bwoŋsə vəghəŋ fa mbyi ghèn a mbyɨ ə ghoʼ tsu lə̀. A diʼ to kənyʉ̀ ki a Nyìngòŋ ə Tìʼ vəghəŋ ə nkəŋə.

Efisyàns 2:2

Ghə̀ŋ ə ntsi to a mbyɨsə a sensə ando ghə̀ŋ mbo dzɨ̀mtə̀ nyʉ̀ ə mbyi, zhʉ to fa fòyn yi a ghə̀ soʼo əzhwì byɨvə vyi a və chò fa kàŋ, a diʼ kəzhwì kì a kə tisə viʼi vyi a və ko zhʉtə fa Nyìngòŋ.

1 Timotì 6:17

Chòsə̀ a nə̀ soʼ à viʼi vyi a və kiʼi ghoʼo ə əfo ə mbi la kə vəwenə ə ndyanə kò ghʉ tyɨm ə vəwenə a əfo ə chò və a venə. Gaʼa la vəwenə ə bòŋsə ghʉ tətyɨm tə vəwenə tò a Nyìngòŋ yì a ghə̀ ku no əfo ə jùŋvə no tsèm vyi a vəghəŋ ə kiʼi.

2 Timotì 4:10

byìʼì ando Demàs kòŋ li əfo mbyi luwèn, ə nyɨŋ moʼtə mo ə dyʉ̀ a Tèsàlonikà. Klesèns mbe lu ə ndyʉ̀ a Gàlesìyà, Taytùs ə dyʉ̀ a Dalmatiyà.