Matìyò 12:50 - The New Testament in the Babanki language

⁵⁰ No ndò a ghə̀ nè kənyʉ̀ kì a Tìʼ ghom a kàŋ kəŋə mu ghə̀ dìʼ lèmə̀ ghom wùlɨm, diʼ lèmə̀ ghom wùwì be diʼ lì ghom.”

Matìyò 12:50 ပူးပေါင်းရင်းမြစ်များ

Matìyò 12:49

Ghə̀ bèm a lì ə sùʼ ndzɨ̀mtə̀sə bàm wen ə̀ gàʼ la, “Lì ghom bènə̀ vəlèmə̀ vwomə diʼ viʼi venə.

Matìyò 13:1

Tò a kətsi ayì Yesò fʉ̀ fa ngə̀ŋ dyʉ̀ ŋwʉʼʉ a mbyɨ̀ mo sə ziʼi viʼi.

Matìyò 17:5

Ando ghə̀ mbu gàʼà mbòʼ fəfə tsen shiʼi chìʼ vəwenə. Gɨ̀ fʉ̀ fa tsu ə̀ gàʼ la, “Ghèn dìʼ wàyn kòŋ mò. Mà saŋlə̀ byìʼì wen no a nkàyn. Ghə̀ŋ ə nzhʉ fà wen.”

Matìyò 25:40

Fòn mu gàʼ la, ‘Mà gàʼà à ghə̀ŋ nəmwèʼè la no ghò a ghə̀ŋ nè a wù muʼ a ghə̀ ndìʼi əbam a ntìntìn vəlèmə̀ vwomə venə dìʼ mu ghə̀ŋ nè à mò.’”

Matìyò 25:45

Fòn mu gàʼ à vəwenə la, Mà gàʼà à ghə̀ŋ nəmwèʼè la no ghò a ghə̀ŋ ntyenə ənè a wìʼ muʼ a ghə̀ ndiʼ a bàm fa ntìntìn vəlèmə̀ vwomə venə dìʼ mu ghə̀ŋ ntyen la ghə̀ŋ ko a nè à mò.

Matìyò 28:10

Yesò mù gàʼà vəwenə la, “Kə ghə̀ŋ be fwàyn. Ghə̀ŋ dyʉ̀ gàʼà vəlèmə̀ vwomə la vəwenə dyʉ̀ a Galìlì a vəwenə a yen mo tsu.”

Ŋwàʼlə̀ Mak 3:35

No ndò a ghə̀ ne kənyʉ̀ kì a Nyìngòŋ kəŋə dìʼ lèmə̀ ghom, wùwì nə̀ wulɨm à bè dìʼ lì ghom.”

Ŋwàʼlə̀ Luk 8:21

Yesò gàʼ à vəwenə la, “Lì ghom bènə̀ vəlèmə vwomə diʼ viʼi a və zhʉ kənyʉ̀ kə Nyìngòŋ, nè ando ghə̀ gàʼà.”

Joyn 15:14

Ghə̀ŋ nè to ando əsoʼ ə ghomə əgàʼa, ghə̀ŋ ne ndiʼ doŋ shomsə.

Joyn 20:17

Yesò ə gàʼ a wen la, “kə wù ghaʼ mo byìʼì ando mà ko təmə bwenə ə dyʉ̀ a Tìʼ. Boŋsə dyʉ̀ gàʼ a vəlemə vwomə la ma bwenə dyʉ̀ ə yen Tìʼ ghom yi à be diʼ Tìʼ vəwenə, ə Nyìngòŋ ghom yi à diʼ Nyìngòŋ ə vəwenə.”

Joyn 6:29

Yesò ə bwensə la, “əshyèʼ ə Nyìngòŋ ə diʼ la ghə̀ŋ byɨmə a wen yì a ghə̀ tɨmə a mbyi.”

Joyn 6:40

Tìʼ ə ghom ə kəŋ la no viʼi vətsèm a və yen li mo ə byɨmə a mò lu kiʼi bwoŋ yi a ghə̀ ko lu mè. Mà lu bwènsə̀ lùsə vəwenə fa pfʉ a kətsi kə bàm.”

Shwèʼ 17:30

Nyìngòŋ ghʉ li la ghə̀ zì kò ghə̀ a ku ngəʼ à wìʼ byìʼì mətsi mì a wìʼ nko ntɨmə̀ kɨ̀ kənyʉ̀ byìʼì wen lì, alì gàʼà à no tè ndò, no tè fe luwèn la ghə̀ kwitə tyɨm wen fà wen a nyʉ̀ byɨvə.

Shwèʼ 26:20

Ma tə zìtə̀ sə̀ ziʼi viʼi fa Damaskus a mbì, ə̀ ziʼi viʼi a Jelusalèm, ə̀ ziʼi viʼi a loʼ Judiyà no tsèm bè ziʼi viʼi tɨm la vəwenə kwitə tətyɨm tə vəwenə fà vəwenə nyʉ̀ byɨvə ə vì à Nyìngòŋ, la vəwenə nè nyʉ̀ vyi a və dìʼì la vəwenə kwitə li tətyɨm tə vəwenə.

Lumans 8:29

Nyìngòŋ ə ghʉ la viʼi na vi a ghə̀ nsə diʼ mu ghə̀ tsuʼtə li və fəsə Wàyn wen. Ghə̀ ghʉ̀ alə ndiʼ Wàyn wen diʼ wàyn ə mbì a ntìntìn ə vəlemə a və diʼ no kədə̀ŋ.

1 Kolìntyàns 9:5

A lə diʼ la yès ko kiʼ kədyòʼ ə lyɨ̀ wùwì ə byɨmə a wùwì, ə njèʼè nə̀ wen to ando vəlemə və Bobo nə̀ Sefàs nə̀ viʼi ntɨm vətsenvə mu?

2 Kolìntyàns 11:2

Ghə̀ŋ ə̀ kɨ la ma shɨmtə ghə̀ŋ no nànto ndə̀ŋndəŋ to ando Nyìngòŋ ə shɨmtə. Mà sə diʼ mù ma fas li ə ku ghə̀ŋ a lɨm, a diʼ Yesò, kəŋ la kə ghə̀ŋ ne nkiʼ əmbyɨ no fa mpfen azhʉ̀ a ma kù ghə̀ŋ a wen.

Gàlesìyà 5:6

Kə diʼ alə̀ byìʼì ando vəghəŋ sətsen ə ndiʼ vəghəŋ və Yesò Klistò, kò wìʼ shətə li ndyə̀ wen kò ghə̀ ko shətə, na kì kə ko kiʼi tebè kənyʉ̀ ə nè. Kənyʉ̀ kə tokə diʼ to la, wìʼ na ndiʼi əbyɨmə ə wen chò fa ji a ghə̀ ne koŋə viʼi fa tsu.

Gàlesìyà 6:15

Ko və shətə li ndyə̀ vəghəŋ kò və ko shətə, na ki ə ko kiʼi kənyʉ̀ kə tsen ə nè. Kənyʉ̀ kə tokə ə diʼ to la, Nyìngòŋ ə nè li vəghəŋ bwensə sədiʼ viʼi və fi və.

Kòlòsyàns 3:11

Ali, ə nəkwoŋ ko diʼ ko ghə̀ lu ndiʼ a wìʼ, kò à diʼ wù ə Jus kò à diʼ wù ə Glek, kò və shɨtə li wen kò və ko shɨtə, kò à diʼ wù kətɨm. Ə nəkwoŋ kodiʼ a viʼi vi a diʼi əkos nə̀ viʼi vyi a və diʼ fa ngəŋ, ali kənyʉ̀ kə tokə diʼ to Yesò. Ghə̀ diʼ a ntìntìn viʼi wen və tsèm.

1 Timotì 5:2

Wù lyɨ̀ ki və tovə tò nə̀ vəlì vyə, lyɨ̀ Ngòynsə ki tò nə̀ vəlemə vyə. Wù ə ne ənyʉ̀ a venə lə tò nə̀ kwoʼtə ə laynə ghə̀.

Hibùlù 5:9

Andiʼ ando ghə̀ nkʉʼʉ li myetə ando Nyìngòŋ ə kəŋ la ghə̀ ə ndiʼ, ghə̀ ghʉ̀ wen a Mbwòŋsə̀ ə viʼi vyi a və zhʉtə wen, la ghə̀ ne Mbwòŋsə̀ vəwenə to ghaynə ə mùʼ.

1 Bità 4:2

Ghə̀ŋ nè alə, ko ghə̀ŋ be nà tsi ando njòsə wèn ə ghə̀ŋ sə kəŋ, ghə̀ŋ ə ntsi to ando Nyìngòŋ ə kəŋ.

1 Joyn 2:17

Mbi ə chò cho ə boʼsə nə̀ fo vi a viʼi nyɨŋə fà yi bàm. Alì wìʼ yì a ghə̀ nè tò ando Nyìngòŋ ə kəŋə lu faŋ tò ghayn ə̀ mùʼ.

Kəmwetə 22:14

Njùŋ ne diʼ a viʼi vyi a və shʉ̀ ndisə vəwenə, sə laynə, vəwenə ə sə kiʼ kədyòʼ ə phiʼ ashɨ a fəkoʼ yi a ghə̀ kù bwoŋ, be kiʼ kədyòʼ ə chò fa chʉ̀ mbàyn ə kwen a ntə̀ʼ.