Matìyò 11:25 - The New Testament in the Babanki language

²⁵ A zhʉ ayì Yesò lù ə̀ jɨ̀m à Tìʼ wen la, “Tìʼ ghom, Bobo a wù soʼo kaŋ nə̀ nse, mà ku kəzòŋ à wù byìʼàndo wu lyomtə li nyʉ̀ venə fa viʼi vyì a vəwenə kwòʼtə la vəwenə tofə alì ə dìʼ à viʼi a və dìʼì anə̀ vunə və bwaʼvə.

Matìyò 11:25 ပူးပေါင်းရင်းမြစ်များ

Matìyò 16:17

Yesò mù gàʼ la, “Mbwaʼmə̀ dìʼ à wù a Simon wàyn Jonà, byìʼàndo a ko shə̀ʼtə̀ Wùmə̀nsòŋ nshyə̀ʼtə̀ kənyʉ̀ kènkə la wu gàʼ a lì, à dìʼ Tìʼ ghom ə Nyìngòŋ yì a ghə̀ diʼì a kàŋ.

Matìyò 21:16

Vəwenə mù bèm à Yesò la, “Wu lə̀ zhʉ kənyʉ̀ kèn a vunə venə gàʼà lə a?” Yesò byɨmə ə̀ bwènsə̀ gàʼ à vəwenə la və nyoʼ li a ŋwàʼlə̀ Nyìngòŋ la, “Nyìngòŋ shɨ̀tə̀ li təchʉ̀ tə vunə vəbwaʼvə a və bu nyoŋə la və nghoʼsə wen. Ghə̀ŋ be ko təmə dzàŋ kəshi akì.”

Ŋwàʼlə̀ Luk 22:42

“Tìʼ, a zhʉ a wu kòŋə wu shi ndoŋ ngəʼ ghèn fa mò, alì ne tò kyikə a wu kòŋə ka ne kyikə a ma kòŋə̀.”

Ŋwàʼlə̀ Luk 23:34

Yesò laʼtə̀ ə gàʼ la “Tìʼ! maʼa lè nyʉ̀ vəwenə byiʼè vəwenə ko kɨ kənyʉ̀ a vəwenə nè.” Vəwenə laʼtə mù zìtə̀ sə̀ tem baʼ ndì yèn wìʼ a ghə̀ a ghə̀ a zhɨ ndisə Yesò.

Joyn 11:41

Ghə̀ gàʼ ali, və mu lyisə ngùʼ ayì. Ghə̀ ki kuʼsə nə̀ kaŋə ə gàʼ la, “Ma ku kəzòŋ à wu a Tìʼ byìʼàndo wù nə̀ zhʉtə mò,

Joyn 12:27

Yesò ə be mu gàʼ la, “Luwen diʼ alə̀ kwoʼtə ə ghomə ku ngəʼ a mò no nànto, ma ko kɨ la ma gaʼa la gho lo, la, ‘Tìʼ ghom, kə wù a byɨmə ngəʼ na ghèn vi a mò mu?’ Nò tèbe ali, mà tə vi a nse ə yenə ngəʼ na ghèn.

Joyn 12:28

Diʼi kədyòʼ ə kyəkə a viʼi a Tìʼ!” To alə, gɨ̀ ə fʉ̀ fa kàŋ ə gàʼ la, “Mà sə diʼ mù ma diʼi li, diʼ ə be a diʼ ə kwʉ̀ʼsə.”

Shwèʼ 17:24

Nyìngòŋ aghèn diʼi Nyìngòŋ yì a ghə̀ nshɨ̀tə̀ mbi ghèn nə̀ nyamsə bè shɨ̀tə̀ no fo tsèm a və diʼì tsu. A diʼi wen diʼ Bobo a ghə̀ soʼo kaŋ nə̀ nse, kò ghə̀ lə̀ ntsi a aloʼ mu və bwom nə̀ avu ə nghoʼsə̀ wen tsu.

1 Kolìntyàns 2:10

Alì mu Nyìngòŋ ə ne li kəzhwì kə wen kə diʼi làynsə nyʉ̀ ə lyomtəvə ə wen a vəghəŋ. Kəzhwì kə Nyìngòŋ kə nə̀ yenə to nyʉ̀ ə tsèm, yenə no tèbe ghò, no tèbe kì kə a Nyìngòŋ ə lyomtə lyomtə.

2 Kolìntyàns 3:14

Nò fa mpfen, vəwenə nyenə ko andiʼ la və kɨ kənyʉ̀, à sə diʼ tèbe layn ghə̀ŋ bo diʼ to ali. Vəwenə ndzàŋə̀ ŋwàʼlə̀ məkàyn mə mumə̀, ko və lu zhʉ kɨ. Kə ndiʼ alə̀ byìʼì ando kəfo ki bo chiʼtə ə tof ə vəwenə to chiʼtə, a diʼ to Yesò a ghə̀ zizi ghə̀ lyisə kəfo na kì.