Matìyò 11:23 - The New Testament in the Babanki language

²³ A ghə̀ŋ viʼi Kabanùm, ghə̀ŋ ə kwòʼtə̀ la Nyìngòŋ lu kuʼsə ghə̀ŋ, ə ghə̀ŋ kuʼ zaʼa a kàŋ mu? Kə ko diʼ a lì. Ghə̀ lu mòʼ ghə̀ŋ a sem zhìʼ byɨghə. A tu ndiʼ la nyʉ̀ kaynə venə a mà nè à ghə̀ŋ lə, la mà ə nè à viʼi ntə̀ʼ Sodòm, mu vəwenə bù dìʼ əzaʼa fa layn.

Matìyò 11:23 ပူးပေါင်းရင်းမြစ်များ

Matìyò 10:15

Ma gaʼa a ghə̀ŋ nəmwèʼè la à lu ə ndiʼ a kətsi kə nsoʼ ə̀ Nyìngòŋ, ə ngəʼ ndiʼ a viʼi ntə̀ʼ a vyì chò to ando ghə̀ ndiʼ a viʼi Sodòm nə̀ viʼi Gòmolyà.

Matìyò 16:18

Mà sə gàʼà à wù a Bità la zhiʼi wu diʼ ə nguʼ, à diʼ a kwi nguʼ ayì a mà ne bwom ngə̀ŋ ntsèntə̀ ghom. Kədyòʼ kə pfʉ kə ko lə to chò ngə̀ŋ ayì.

Matìyò 17:24

Yesò wenə̀ ndzɨ̀mtə̀sə bàm wen nè jèʼ dyʉ̀ zaʼa a ntə̀ʼ Kabenùm viʼi vyi a və shi ko kənsè a ngə̀ŋ Nyìngòŋ vì bèm a Bità la, “Ndìʼsə̀ ghə̀ŋ mòʼò kənsè a ngə̀ŋ Nyìngòŋ?”

Matìyò 4:13

ə dyʉ̀ kèn la ghə̀ ŋwʉʼli fàŋ a Nazalèt. Ghə̀ boŋsə̀ dyʉ̀ sə̀ tsi a ntə̀ʼ Kàbanùm a ben mo Galìlì a shə loʼ zebulùn nə̀ Naftalì.

Matìyò 8:5

A ndiʼ ando Yesò njèʼè dyʉ̀ kwen a ntə̀ʼ Kàbanùm, kətʉ kə vəsugyèʼ və Luma kə tsen kə vì ə sènsə wen gàʼà la ghə̀ gyamtə wen.

Ŋwàʼlə̀ Luk 10:15

Ando ghə̀ŋ viʼi Kabanùm tə nkəŋ nkuʼsə təwen təŋtə a kàŋ lì, və a moʼ ghə̀ŋ a zhìʼ a ghə̀ ko lù mè.”

Ŋwàʼlə̀ Luk 14:11

No ndo a ghə̀ kuʼsə wenə wen a kàŋ, Nyìngòŋ lu shisə wen, ə no ndo a ghə̀ shiʼsə wenə wen, Nyìngòŋ ne kuʼsə wen a kàŋ.”

Ŋwàʼlə̀ Luk 16:23

Ghə̀ a loʼ nə̀ mpfʉ̀ və nse sə yenə ngəʼ byɨ tsu, ə lù sə tsoʼsə ashɨ wen sə ki ə yen Ablaham no kəghaf nə̀ Lazalùs à wen a mbyɨ̀.

Ŋwàʼlə̀ Luk 4:23

Ghə̀ gàʼa vəwenə la “Ma kɨli la ghə̀ŋ a laʼtə ə gàʼa gàʼ shəʼ ghə̀ ghenə a mò la wu chʉʼʉ viʼi, wen ə wu. Nèli nyʉ̀ vyi luwen a wù a loʼ a yes zhʉ la wù tə nè a kàbanùm.”

Shwèʼ 2:27

byìʼàndo wù ko lu kyemə kəzhwì kom la kə faŋ a loʼ viʼi və pfʉkəvə, ko à ndiʼ la wù a ghʉsə bvenə wù shwèʼ nəmwèʼè wù la ghə̀ fwe.

Shwèʼ 2:31

Ghə̀ nyen li kənyʉ̀ kì a Nyìngòŋ ndìʼ ne nè mibu zhʉ yi kuʼ ə̀ kwʉ̀ʼ mù gàʼ kùmə̀ wìʼ yì a Nyìngòŋ ntsuʼ li ə̀ ghʉ la ghə̀ lu lù fa pfʉ la, ‘Nyìngòŋ ko lu kyemə wen a loʼ viʼi vəpfʉkəvə, bvenə ə wen ko lu fwè.’

Ŋwàʼlə̀ Jud 1:7

Ghə̀ŋ be kwòʼtə̀ loʼ Sodòm nə̀ loʼ Gòmolyà nə̀ tə loʼ tə tsen titə a tə mboʼsə təloʼ a tentə. Ghə̀ŋ lyɨ̀ a kəchʉtə to ando viʼi loʼ a venə ə tsì to tsì a nyʉ̀ byɨvə ə vəwenə wenə ki, lyʉmə be tsi nə̀ lyʉmə. Nyìngòŋ mbyibsə li vəwenə nə̀ zhiʼ ndi kə ndiʼ a nə̀ kəchʉtə kə a viʼi vətsenvə və la Nyìngòŋ lu soʼ ə byɨbsə vəwenə nə̀ zhiʼi a ghə̀ ko lu mè.

Kəmwetə 1:18

be diʼ ə̀ wen yì a ghə̀ diʼi to (tsi). Mà ə mpfʉ li ə̀ bè lù fa pfʉ sə diʼ to ə zaʼa no fa ze. Mà kiʼi àdyoʼ a kətʉ ə pfʉ be a aloʼ viʼi və pfʉkəvə.

Kəmwetə 11:8

Təbven tə vəwenə tə ne faŋ tò a ji ə to a ntə̀ʼ ghoʼo yì a və̀ mbantə Bobo ə̀ vəwenə tsu a kəntò. Viʼi vətsenvə toŋtə̀ ntə̀ʼ ayì nə̀ Sodòm ko nə̀ Ijìb.

Kəmwetə 20:13

Luwen, viʼi a və npfʉkə li a mù ə fʉli ə tɨmə Nyìngòŋ be soʼo vəwenə, ndə̀ŋndəŋ ando əpfʉ nə̀ loʼ vəmpfʉvə nse mbe ku viʼi a və npfʉkə li la Nyìngòŋ soʼo vəwenə a nyʉ̀ a vəwenə ə nè.

Kəmwetə 6:8

Mà sə ki ə̀ yèn əlyəŋ tsenghə ghə̀ lyìʼlə̀ kə̀ʼə̀, əzhiʼ wìʼ a ghə̀ ə̀ ndìʼ à yi kətʉ ə̀ ndìʼ Əpfʉ. A ə̀ ndìʼ a lì, əloʼ vəmpfʉvə nse dzɨ̀mtə̀ vì fa bàm. Və ku kədyòʼ la ə̀fo avenə gətə nse məshyə̀ ə̀ nkàʼ, ə̀ lyɨ̀ əshyə̀ mùʼ zhwilə viʼi vyi a və diʼ tsu nə̀ nyì ngwələŋ, nə̀ jɨ̀ŋ ə byɨ, nə̀ təkwaʼa tə fansətə. Nyamsə tətoʼ be zhwilə̀ vətsenvə.