Matìyò 11:21 - The New Testament in the Babanki language

²¹ “Ngəʼ ghoʼo lu ndiʼ à ghə̀ŋ, viʼi Kòlazìn bènə̀ ghə̀ŋ viʼi Bèsaydà! A tu ndiʼ la nyʉ̀ kaynəvə a və nè a ghə̀ŋ lə̀ la və nè a viʼi Tayle nə̀ viʼi Sidòn, mu tʉʼʉ bwen a vəwenə pfʉʼʉ̀ kəbʉ kəchɨ à vəwenə təwen ə̀ mòʼ fənchì ə̀ kaʼsə tətyɨm tə vəwenə fa vəwenə a mbyɨsə.

Matìyò 11:21 ပူးပေါင်းရင်းမြစ်များ

Matìyò 11:22

Mà gàʼà à ghə̀ŋ la à lu ndiʼ a kətsi kə nsoʼ Nyìngòŋ, ngəʼ ndiʼ à ghə̀ŋ chò ando ghə̀ lu ndiʼ a viʼi Tayle bènə̀ Sidòn.

Matìyò 15:21

Yesò gàʼ a lì ə̀ lù fa tsu ə dyʉ̀ a shə loʼ yì a ntə̀ʼ Tilè nə̀ Sidòn ndìʼ tsu.

Matìyò 18:7

Ngəʼ ghoʼo diʼ a mbi byìʼì nyʉ̀ vyi a və nè la viʼi ə nè mbyɨ. Nyʉ̀ avenə diʼ ne nlyɨ̀ kəshi alì ngəʼ ghoʼo diʼ à wìʼ yì a ghə̀ nè la nyʉ̀ avenə nlyɨ̀ kəshi.

Matìyò 26:24

Wàyn wìʼ ne pfʉ ando və ə̀ nyòʼò li a ŋwàʼlə̀ Nyìngòŋ. Alì ngəʼ ghoʼo ne ndiʼ à wìʼ yì a ghə̀ baʼlə wen! kə mbòŋsə̀ ə̀ nzì kə mbòŋtə̀ a zhʉ a və nko bwì wìʼ ayì no nə̀ mpfen.”

Ŋwàʼlə̀ Mak 3:8

Vətsenvə nlu fa Jelusalèm, fa Idumiya, vətsenvə tɨm ə̀ vì fa ndzèn mo Jodàn, bènə̀ fa shyə Tayà nə̀ Sidòn, ando vəwenə nzhʉ nyʉ̀ vyi a Yesò ə̀ nè.

Ŋwàʼlə̀ Mak 6:45

Viʼi vi nè zhɨ mwètə̀ no a zhʉ kò, Yesò gàʼ à ndzɨ̀mtə̀sə bàm wen la sə kwen a nkànuʼ ə̀ tɨm ə̀ dyʉ̀ a ndzèn a Betsadà a mbì, yì faŋ a bàm ə̀ gàʼ viʼi vi mpfwo.

Ŋwàʼlə̀ Mak 7:24

Yesò mù lù fa Galìlì ə̀ dyʉ̀ a shyə loʼ yì a Tayà wenə̀ Sidòn ə̀ ndìʼ tsu. Ghə̀ dyʉ̀ kwèn a ngə̀ŋ tsen kò ghə̀ lù kòŋ la wìʼ kɨ la ghə̀ dìʼ tsu, alì viʼi bè kɨ̀ tò kɨ.

Ŋwàʼlə̀ Mak 7:31

Yesò lù fa shyə Tayà dyʉ̀ chò fa Sidòn bè chò jì fa shyə̀ Ntə̀ʼsə Wum ə̀ dyʉ̀ a mo Galìlì.

Ŋwàʼlə̀ Mak 8:22

Yesò wenə̀ ndzɨ̀mtə̀sə bàm wen nè vì a Betsadà, viʼi vətsenvə vì nə̀ wìʼ à wen mu ghə̀ shɨfə̀li li sə sensə̀ la ghə̀ kum ə wen.

Ŋwàʼlə̀ Luk 4:26

Nyìngòŋ tɨm Elijà tò wùwì mpfʉ̀ mùʼ a ntə̀ʼ zalafàt a loʼ Sidòn, ali kyi mpfʉ̀ nghoʼo a loʼ Islel.

Ŋwàʼlə̀ Luk 6:17

Yesò bwènə̀ shiʼi fa pfen ayì wenə vəwenə tɨmə a kəshi kə mbwaʼ boʼsə nə̀ nòyn ghoʼo ghə̀ ndzɨ̀mtə̀sə bàm wen bènə̀ tənòyn tə viʼi a tə nlu fa tə shə tə Judiyà tə tsèm, nə̀ fa Jelusalèm. Viʼi vətsevə ndiʼ tsu mu və vi fa Tayà nə̀ Sidòn, ə shiʼi boʼsə a mbyɨ amù mə ghoʼo mə.

Ŋwàʼlə̀ Luk 9:10

A ndiʼ ando viʼi ntɨm Yesò mbwènə̀ pfwo vì a wen ə shə̀ʼtə̀ no ghò a vəwenə nèli, ghə̀ lyɨ̀ vəwenə, wenə vəwenə ghʉsə viʼi ə dyʉ̀ jì fa ntə̀ʼ tsen a və dzàŋ la Betsadà.

Joyn 1:44

A ndiʼ ali, mu Filib fʉ vi to fa ntə̀ʼ Bèsaydà tanə Andɨ̀lò wenə Bità.

Joyn 12:21

vəwenə dyʉ̀ yen Filib, a diʼ wù ə ntə̀ʼ ə tsen a Galìlì və toŋtə la Bèsaydà, ə sensə wen ə gàʼ la, “Tikəbəŋ, yès əkòŋ ə yen Yesò.”

Shwèʼ 12:20

Tin Helòd mfwi no nànto a wèn viʼi Tayà bènə̀ Sidòn. Və tsuʼ viʼi fa ntə̀ʼsə asènsə la vəwenə dyʉ̀ ə̀ sènsə Helòd la mbwaʼmə̀ ndiʼ byìʼàndo fozhɨvə vəwenə no tsèm mfʉ̀ tò fa loʼ Helòd. Vəwenə ncho mbì ə̀ dyʉ̀ yèn Blastus a ghə̀ ndiʼì kətʉ kə viʼi shwèʼ a ntuʼ fòyn Helòd, la ghə̀ shɨtə̀ kənyʉ̀ akì à vəwenə.

Shwèʼ 27:3

Tʉʼ lan yès dyʉ̀ zaʼa a Sidòn, Juliyòs nkìʼ tyɨm jùŋghə à Bol ə̀ ghʉ̀sə wen la ghə̀ dyʉ̀ yen viʼi ndoŋsə wen ə̀ kiʼi fo a ghə̀ nkəŋə.

Ŋwàʼlə̀ Jud 1:11

Ngəʼ ə ghoʼo ə diʼ a vəwenə a kətʉ! Vəwenə ə tsi tò ntsìnə̀ yì a Keyn ə ntsi ə zhwi lèmə̀ wen. Vəwenə ə nyɨŋə to fa bàm əko ando Balàm ə nyɨŋə. Vəwenə nto kətʉ ə tyen ə zhʉ Nyìngòŋ to nə̀ Kolà, ghə̀ sə diʼ ə byɨbsə vəwenə to ando ghə̀ ə mbyibsə Kolà.

Kəmwetə 11:3

Mà ne tɨm viʼi və yenəvə mò vəbò ə vəwenə moʼ ndisə fənchì ə̀ nshə̀ʼtə̀ ntɨm ə̀ nəmwèʼè ghom a mətsi nkam nə̀ təghɨ tə bò nə̀ məwum ntʉfə.

Kəmwetə 6:12

A ə̀ ndìʼ ando ghə̀ ə̀ mbə̀ytə̀ mɨ̀ŋ ə tsen ə və ndiʼ ə̀ ntʉfə, mà sə ki ə̀ yèn ando pfèn ə fànsə shenə ə̀ bè yèn ando chʉzhʉ ə kaʼkə̀ sə fenə to nə̀ fənchì fə di əpfʉ, sàŋ bè kaʼkə sə bàŋə̀ to nə̀ mənlyuŋ,