Matìyò 11:20 - The New Testament in the Babanki language

²⁰ Viʼi ntə̀ʼ shìsə a Yesò ə nè nghoʼ nyʉ̀ kaynəvə tsu tyen la vəwenə kò kaʼsə tətyɨm tə vəwenə, Yesò mù sə ghàmə̀ vəwenə gàʼà la,

Matìyò 11:20 ပူးပေါင်းရင်းမြစ်များ

Matìyò 12:41

A lu ndiʼ a kətsi kə nsoʼ, viʼi Nenivè tɨmə a kəshi kə nsoʼ Nyìngòŋ nghàmə̀ viʼi kəlyɨŋ kènkə byìʼàndo vəwenə nzhʉ li ziʼi Jonà ə̀ kaʼsə tətyɨm tə vəwenə fà vəwenə a mbyɨsə. Kəlyɨŋ kènkə sə kiʼ wù luwèn, ghə̀ chò Jonà alì kò ghə̀ŋ lù nkaʼsə̀ tətyɨm təŋtə fà ghə̀ŋ a mbyɨsə.

Ŋwàʼlə̀ Mak 16:14

Fa bàmə nyʉ̀ avenə Yesò bè fʉ̀ a kə̀ʼ ndzɨ̀mtə̀sə bàm wen shi ə njʉ̀mùʼ vəwenə zhɨ zhɨ. Ghə̀ ghàm vəwenə byìʼàndo vəwenə ndìʼ mu vəwenə tosə li tətyɨm tə vəwenə la vəwenə ko a byɨmə kənyʉ̀ a viʼi yenə sə shə̀ʼtə̀ à vəwenə.

Ŋwàʼlə̀ Mak 9:19

Yesò gàʼ à vəwenə la, “Ghenə diʼ viʼi kəlyɨŋ kə kò a və ghò byɨmə alə̀ a? Mà a ndiʼ vəghəŋ əzaʼa fa ze bu ghə̀ŋ byɨmə a? Vi nə̀ wàyn ayì à mò.”

Shwèʼ 17:20

Wù gàʼà nyʉ̀ tsenəvə kènla yès ntɨmə̀ zhʉ, yès a kòŋ la wù shə̀ʼtə̀ nyʉ̀ a vyi ə̀ laynsə à yès?”

2 Kolìntyàns 12:21

Ma fwàynə̀ la ma ne vì, ə Nyìngòŋ ə nè, a mà ə̀ diʼsə kətʉ kumə ghə̀ŋ, la ma ne vi ə yèn nghoʼ viʼi ko andiʼ la və kwitə li ntsìnə̀ byɨ yì a vəwenə tə ntsi, a yi viʼi vyi a və dzɨ̀mtə̀ ki no nànto nə̀ ki, a və jèʼtə̀ no nànto.

Jems 1:5

No te ndo a ghə̀ gho ətof fà ghə̀ŋ a ntìntìn, ghə̀ jɨm ə̀ bèm à Nyìngòŋ a ghə̀ a ku à wen. Nyìngòŋ ə ku à viʼi vətsèm nə̀ kəvu kə boʼtəkə bènə̀ boŋə tyɨm.

Kəmwetə 16:11

Vəwenə mù sə telə̀ Nyìngòŋ ə̀ kàŋ byìʼì əlɨ̀m a vəwenə nzhʉ à vəwenə tətsaʼa alì kènla vəwenə kwitə li tətyɨm tə vəwenə fà vəwenə a mbyɨsə.

Kəmwetə 16:9

Əlɨ̀m əchʉzhʉ a ghə̀ nyùʼù vəwenə mfànsə̀, vəwenə mù sə telə̀ Nyìngòŋ yì a ghə̀ ə kiʼì kədyòʼ əku ngəʼsə asènsə, kènla vəwenə kwitə li tətyɨm tə vəwenə fà vəwenə a mbyɨsə nghoʼsə̀ Nyìngòŋ.

Kəmwetə 2:21

Mà tə kù əzhʉ à wen la ghə̀ kwitə tyɨm ə wen ə̀ ghʉ̀sə mbyɨsə wensə, alì ghə̀ ko kòŋ əghʉsə ntsìnə̀ dzɨ̀mtə̀ lʉmə.