Matìyò 10:5 - The New Testament in the Babanki language

⁵ Yesò ə nlu sə ə tɨm viʼi a venə njʉ̀sə̀ bò ə gàʼa a vəwenə la, “Kə ghə̀ŋ dyʉ̀ a əloʼ kətɨm; kə ghə̀ŋ dyʉ̀ a ntə̀ʼ Sàmalìyà no əmùʼ.

Matìyò 10:5 ပူးပေါင်းရင်းမြစ်များ

Matìyò 22:3

Ghə̀ nè bàʼtə myètə̀ ə̀ tɨ̀m viʼi shwèʼ wen la və dyʉ̀ dzàŋtə̀ viʼi vi a ghə̀ tə làʼà, alì viʼi a vyi tyen la vəwenə ko a vì.

Matìyò 4:15

“A ghə̀ŋ viʼi Zebulùn nə̀ ghə̀ŋ viʼi Naftalì, à ghə̀ŋ vyi a ghə̀ŋ tsi a jì shə ndzèn mu Jodàn. A ghə̀ŋ viʼi ntɨm a Galìlì, ghə̀ŋ kɨ la,

Ŋwàʼlə̀ Mak 6:7

Ghə̀ dzàŋ ndzɨ̀mtə̀sə bàm wen njʉ̀sə̀bò ə̀ tɨ̀m vəwenə tò vəbò vəbò bè kù àdyoʼ à vəwenə a kətʉ ə̀ zhwì byɨvə.

Ŋwàʼlə̀ Luk 10:1

A sə ndiʼ a bàm nyʉ̀ a venə, Bobo tsuʼ viʼi vətsenvə njʉ̀sə̀bò a məwum sòmbo ə tɨm vəwenə, və bò və bò la və dyʉ̀ a mbì a ntə̀ʼ sətsèm nə̀ a shi a nkàyntə wen ndiʼ dyʉ̀ tsu,

Ŋwàʼlə̀ Luk 10:33

Alì wù loʼ Sàmalitàn tsen sə ndyʉ̀ a jèʼ fa ji a ghèn, vì fʉ̀ à wenə a wèn sə kiʼi kusə nshinsə à wen.

Ŋwàʼlə̀ Luk 17:16

Ghə̀ dyʉ̀ ne yen Yesò ə fəŋ a wen a shɨ achəʼ achəʼ ə ku kəzòŋ a wen.

Ŋwàʼlə̀ Luk 9:1

Yesò dzàŋtə̀ viʼi ntɨm wen njʉ̀sə̀bò ə tsèntə vəwenə a kəshi kə mùʼ ə ku adyòʼ tsèm a vəwenə ndi vəwenə ndzɨ̀mə̀ zhwì byɨvə no tsèm bè chʉʼ təkwaʼa,

Ŋwàʼlə̀ Luk 9:2

tɨm vəwenə la və fʉ̀ dyʉ̀ ə shə̀ʼtə̀ nyʉ̀ kùmə̀ soʼ fòyn Nyìngòŋ bè chʉʼ viʼi və kwaʼa kə və.

Joyn 17:18

Ma tɨm li vəwenə a mbyi, ndə̀ŋndəŋ ando wù tə tɨmə mo la mà dyʉ̀ a mbyi.

Joyn 20:21

Yesò ə gaʼa li ə kwʉ̀ʼsə a ndzɨ̀mtə̀sə bàm wensə la, “Mbwaʼmə ndiʼ a ghə̀ŋ! Ma tɨm ghə̀ŋ ndə̀ŋndəŋ ando Tìʼ ghom tə tɨm mo.”

Joyn 4:20

Vətiʼi vyesə ə kuʼsə Nyìngòŋ a pfen a shèn, ali ghə̀ŋ viʼi Jus sə ghʉ̀ luwen la və diʼi ə nkuʼsə Nyìngòŋ a Jelusalèm.”

Joyn 4:5

A sə ndiʼ to ando ghə̀ chò fa Sàmalìyà, ə zàʼa a ntə̀ʼ ə tsen a və toŋtə la Sikà, ghə̀ mboʼsə a ben kəshi kə nse ki a Jàkob ə ku li a wàyn wen ə Josèf,

Joyn 4:9

Wùwì ayi ə gàʼ a Yesò la, “Wù diʼ wù ə Jus, ma diʼ wù ə Sàmalìyà? Wu jèʼ ale ə sə loynə mu fa mò a?” A ndiʼ ali, viʼi Jus wenə viʼi Sàmalìyà ə ko zhɨmə.

Joyn 7:35

Tʉtʉ viʼi Jus vətsenvə sə kayntə to fa vəwenə ngeŋsə bèmə̀ la, “Wìʼ ghèn le kəŋ ə dyʉ̀ fe a vəghəŋ zi kò və lə be yenə wen a? Ghə̀ be kəŋ ə dyʉ̀ a ntə̀ʼ sə tɨm shì a viʼi vəghəŋ tə nyɨŋkə dyʉ̀ tsu, ə nziʼi viʼi tɨm a vyi mu?

Joyn 8:48

Viʼi Jus vətsenvə ə mu gàʼ a Yesò la, “Wu a gaʼa yès ko tə ə gàʼ to nəmwèʼè la wù diʼ wù ə Sàmalìyà, be kiʼi kəzhwì kə kəbyɨkə.”

Shwèʼ 1:8

Ghə̀ŋ kɨ tò la, ghə̀ŋ na kiʼi kədyòʼ a zhʉ a kəzhwì kə ŋwoʼəkə vi li à ghə̀ŋ ə nshə̀ʼtə̀ dyʉ̀ nə̀ ntɨm jùŋ ghòm a Jelusalèm nə̀ a Judiyà no tsèm nə̀ Samalìyà bènə̀ a təshyə tə mbi tèn no tətsèm.”

Shwèʼ 10:45

Vəjew vəbyɨməvə vi a wenə̀ və Bità mvi fa Joba a muʼu lì ndìʼ nə̀ kaynə ando Nyìngòŋ nku Kəzhwì kə ŋwòʼəkə à viʼi tɨm,

Shwèʼ 8:1

Və nsə nyàblə̀ nə̀ Stifèn a lì, Saul ndiʼ tsu gàʼà tò la və zhwi wen. A bè sə ndiʼ tò a kətsi akì, viʼi vəbyɨməvə vi a və ndìʼ a Jelusalèm zɨ̀tə̀ sə yenə ngəʼ no nànto. Ando və nku ngəʼ à vəwenə a lì, vəwenə nyɨŋkə no vətsèm ə̀ dyʉ̀ a təshyə tə loʼ Judiyà bènə̀ Samalìyà, à faŋ tò viʼi ntɨm Yesò tsu.

1 Tèsàlonyà 2:16

a ji la vəwenə tə ə mwomsə ə tàʼsə la kə yès shə̀ʼtə̀ ntɨm ə jùŋ a viʼi kətɨm ndi ghə̀ nè Nyìngòŋ ə bwoŋsə vəwenə. Vəwenə nè li to mbyɨsə alə sə kuʼ nkwʉʼ. Tinə Nyìngòŋ ə fwi li, ghə̀ sə diʼi ə diʼ kənyʉ̀ a vəwenə luwen!