Matìyò 10:3 - The New Testament in the Babanki language

³ a bè dìʼ Filib nə̀ Bàtòlòmiyà; nə̀ Tòmos nə̀ Matìyò a ghə̀ ə̀ tinə kənsè; a diʼ Jems ə wyè Alphùyùs nə̀ Tàdyes;

Matìyò 10:3 ပူးပေါင်းရင်းမြစ်များ

Matìyò 18:17

Ghə̀ŋ sətsèn dyʉ̀ tsèntə̀ gàʼ à wen, ghə̀ be tyèn tò tyenə la ghə̀ ko a zhʉtə, wu lyɨ kənyʉ̀ akì dyʉ̀ nə̀ kəwenkə a ntsèntə̀ viʼi vəbyɨməvə. Ghə̀ sətsèn bè tyen tò tyenə la ghə̀ ko a zhʉtə kənyʉ̀ a ntsèntə̀ gàʼà, wu ghʉ̀ la ghə̀ sə diʼ à wù to nə̀ wù kətɨm ko wù tinə kənsè.”

Matìyò 27:56

Viʼi vətsenvə a və ndìʼì a ntìntìn ki a vi ndìʼ Mèli andiʼì wù Magdala, Mèli lì Jems wenə Josèf bènə̀ lì vunə Zebedì.

Matìyò 9:9

Yesò lù fa tsu sə dyʉ̀ yen wìʼ, a zhiʼi wen ndìʼ Matìyò, ghə̀ ŋwʉʼ atò yì a və tinə kənsè tsu Yesò gàʼ à wen la, “Dzɨ̀mtə̀ mo.” No a zhʉ kò, ghə̀ lù sə dzɨ̀mtə̀ dyʉ̀ fa wen a bàm.

Ŋwàʼlə̀ Mak 15:40

Ki vətsenvə mbe ti no kəghaf yenə nyʉ̀ tsèm a və nchò. A ntìntìn ki avenə, à ndìʼ, Mèli wù Magdala, Mèli lì Jems tyetə wen ə Josèf bènə̀ Salomè.

Ŋwàʼlə̀ Mak 2:14

Ghə̀ nè lù sə njèʼè dyʉ̀ yèn Levì wàyn Alphùyùs a andiʼì wù tinə̀ kənsè ghə̀ ŋwʉʼ a tò yì a və ntinə kənsè tsu, ə̀ gàʼ à wen la, “Dzɨ̀mtə̀ mo” No a zhʉ̀ ko, ghə̀ lù sə dyʉ̀ fà wen a bàm.

Ŋwàʼlə̀ Mak 3:18

A mbe ndìʼ Andɨ̀lò nə̀ Filib nə̀ Bàtòlòmiyà, nə̀ Matìyò, nə̀ Tomòs, nə̀ Jems wàyn Alphùyùs, nə̀ Tadiyòs, nə̀ Simon a və ndzàŋə̀ wen nə̀ Zilyòt,

Ŋwàʼlə̀ Luk 18:10

“Viʼi vətsenvə və bò nluli kuʼ dyʉ̀ kwen a ngə̀ŋ Nyìngòŋ əjɨ̀m. Wù muʼ diʼ wù Falàsi, ghə̀ tsen diʼ wù tin kənsè.

Ŋwàʼlə̀ Luk 18:11

Wù Falàsi yì mù dyʉ̀ tɨmə wen nyɨŋ ə mù sə jɨ̀mə, gàʼà la, ‘Mà ku kəzòŋ kə̀ a Nyìngòŋ byiʼ ando ma ko diʼ a nə̀ viʼi vətsen vyi a və zàŋsə shi fo viʼi tò kədyàŋ, kò diʼ a nə̀ viʼi vyi a və kwàʼtə̀ təsoʼ, ko dzɨ̀mtə̀ kyi viʼi. Ma ko diʼ a nə̀ wù tinə̀ kənsè ghèn.

Ŋwàʼlə̀ Luk 18:13

Wìʼ yì a ghə̀ tinə kənsè lì sə jɨ̀mə ti tò kəghaf, kò ghə̀ lə kòŋ əki kuʼsə nə̀ kaŋə ali ghə̀ ghʉ kəvu kə wen a wen kədʉʼ tò a nshinsə a nshinsə jɨ̀mə̀ gàʼà la, ‘Nyìngòŋ, kusə shinsə à mò, mà diʼ wù nyʉ̀ byɨvə!’

Ŋwàʼlə̀ Luk 19:2

Wùtsen ndiʼ a ntə̀ʼ ayì, və dzàŋ wen nə̀ Zàkyòs, Ghə̀ ndiʼ kətʉ kə viʼi vyì a və tinə kənsè, be diʼ wu ghoʼo.

Ŋwàʼlə̀ Luk 5:27

A bàm nyʉ̀ venə, Yesò bè sə ndyʉ̀ ə yen wù, tinə kənsè, zhiʼ wen diʼ Levì, ghə̀ ŋwʉʼ a tò yi a və tinə kənsè tsu, gàʼ a wen la, “Dzɨ̀mtə̀ mo.”

Joyn 1:48

Nàtanyèl ə bèm a wen la, “Wù jèʼ ale mu kɨ mo a?” Yesò ə gàʼ la, “Mà yi yen wù azhʉ̀ yi a wù yi nyʉ̀ʼ a tsi ə fəkoʼ fə fig mibu Filib ə vi ə ndzàŋ wù.”

Joyn 11:16

Nò zhʉ̀ko, Tòmos yi a və mbe toŋtə wen la Didimùs ə gàʼ a ndzɨ̀mtə̀sə bàm Yesò sə tsensə la, “vəghəŋ boŋ dyʉ̀ fa bàm ndìʼsə̀, ghə̀ sə pfʉ, vəghəŋ boŋ pfʉkə dyʉ̀.”

Joyn 14:22

Ghə̀ gaʼa ali, Judàs, a nkò diʼ ghətsen yi a və toŋtə la Iskalìyòt li ə bèm la, “Wù a diʼ ji shəsə a yes ale a Bobo a viʼi mbyi be a faŋ ke yen a?”

Joyn 14:5

Tòmos ə mu bèm a wen la, “Yes zizi yes kɨ ji ale a Bobo, ko yes kɨ no tèbe kəshi kì a wù dyʉ̀ tsu a?”

Joyn 14:9

Yesò ə bwensə bèm la, “Ma tsì li vəghəŋ no fa kəghaf alə̀ a Filib, ko wù lu kɨ mo? Nò tèbe ndò yi a ghə̀ yen mo sə diʼ mù ghə̀ yen li Tìʼ, wù ə be gàʼa la mà diʼ Bobo ə kò a ghə̀ŋ a?

Joyn 21:2

Ndzɨ̀mtə̀sə bàm ə̀ Yesò sə tsèntə diʼ to kəshi kə mùʼ sòmbo, a diʼ Saymun Bità nə̀ Tòmos yi a və toŋtə la Didimùs, nə̀ Nàtanyèl ə wàyn ə wù ə ntə̀ʼ Kanà, alòʼ ə Galìlì, nə̀ vunə Zebedì, benə ndzɨ̀mtə̀sə bàm wen sə tsensə sə bò,

Shwèʼ 1:13

Vəwenə nè kwèn a Jelusalèm ə kwen ə̀ kuʼu dyʉ̀ a tì lùmə ngə̀ŋ kàŋ yì a vəwenə ntsi tsu. A ndiʼ Bità, nè Joyn nə̀ Jems nə̀ Andɨ̀lò, a diʼ Filib nə̀ Tomòs, à diʼ Bàtòlòmiyà nə̀ Matìyò nə̀ Jems wàyn Alphùyùs, nə̀ Simon ə wù kənsɨ̀mtə̀, à be diʼ Judàs wàyn Jems.

Shwèʼ 12:17

Ghə̀ chìʼ vəwenə tò nə̀ avu, ə̀ shɨ̀tə̀ shə̀ʼtə̀ à vəwenə ando Bobo yì vì nlyɨ wen mfʉ̀ nə̀ wen fà ngə̀ŋ mfɨŋ, bè gàʼ la vəwenə shə̀ʼtə̀ kənyʉ̀ a kènkə à Jems bènə̀ à viʼi vəbyɨməvə vətsenvə. Ghə̀ gàʼ a lì, ə lù dyʉ̀ a kəshi kə kədyàŋ.

Shwèʼ 15:13

Vəwenə nè gàʼ ə̀ mwètə̀, Jems lù tɨ̀mə ə̀ gàʼ la, “Vəlèmə̀ vwomə, ghə̀ŋ zhʉtə mò a!.

Shwèʼ 21:18

Tʉʼ layn, yo və Bol dyʉ̀ yèn Jems ali vəchəʼ və viʼi və byɨməvə.

Gàlesìyà 1:19

Ma ko be yen wù ə ntɨm ə tsen tsu a bwen to Jems, à ndiʼ lèmə̀ Bobo Yesò.

Gàlesìyà 2:9

A sə diʼ to ando Jems wenə Bità nə̀ Joyn a ndiʼ no nàʼ tovə ghaʼ nyʉ̀ a ntsèntə̀sə ə viʼi vəbyɨməvə yen la Nyìngòŋ ə diʼi li ətyɨm ə jùŋə ghə̀ a mò ə ne ma sə be shə̀ʼtə̀ ntɨm ə jùŋ na ghèn, vəwenə ku kəvu a yo Bànabàs, ə diʼi la yo vəwenə sə diʼ to a kənyʉ̀ kəmùʼ. Yo vəwenə mù ghʉ la, yès a nshə̀ʼtə̀ ntɨm ə jùŋ a viʼi a ko diʼ viʼi Jus vəwenə shə̀ʼtə̀ a viʼi Jus.

Jems 1:1

A nyòʼò mò ə Jems ə wù shyèʼ ə̀ Nyìngòŋ wenə̀ Bobo Yesò Klistò nyòʼò ŋwàʼlə̀ ghèn: Mà toŋtə̀ viʼi Islel vəbyɨməvə no vətsèm a və saykə li ə̀ ndyʉ̀ a tyì mbyi.

Ŋwàʼlə̀ Jud 1:1

A nyòʼò mò Jud ə lèmə̀ Jems ə nyòʼtə̀ ŋwàʼlə̀ ghèn a ghə̀ŋ. Mà diʼ wù ə shwèʼè ə Yesò Klistò. Ma nyòʼò ŋwàʼlə̀ ghèn a ghə̀ŋ a vəlemə və jùŋ və vyi a və ndzàŋ li ə shisə, ghə̀ŋ sə tsi a tyì əkòŋ Nyìngòŋ Tìʼ, Yesò Klistò ə sə lye ghə̀ŋ.