Matìyò 10:16 - The New Testament in the Babanki language

¹⁶ “Ghə̀ŋ ə kɨ la ma tɨmə ghə̀ŋ alə̀, ghə̀ŋ dìʼ ə dyʉ̀ ə ndiʼ to nə̀ byisə njɨ̀ a ntìntìn nyamsə kəbo. Kə diʼ la ghə̀ŋ kiʼ ə tofə to nə̀ zhusə alì bè mbwaʼmə to nə̀ làto.

Matìyò 10:16 ပူးပေါင်းရင်းမြစ်များ

Matìyò 24:25

Ghə̀ŋ tùʼù zhʉtə! mà chò li mbì nshə̀ʼtə̀ nyʉ̀ avenə a ghə̀ŋ mibu və lu sə mfʉ̀.

Matìyò 24:45

Yesò bè mù bèm la, “Wù shyèʼ yì a ghə̀ zhʉ ti shyèʼ wen be tofə li diʼ ghə̀ ko lo? A diʼi yì a ti shyèʼ wen bʉʼsə ndyʉ̀ a jèʼ ghə̀ ghʉ wen a mbì be kù kədyòʼ a wen la ghə̀ ə ntùʼmə̀ nə̀ ngə̀ŋ wen be ku fozhɨvə a viʼi shyèʼ vətsenvə vi a zhʉ a vəwenə kəŋə.

Matìyò 25:2

Vəwenə vətsenvə vətàyn ə̀ ntofə, vətàyn ə dzɨ̀ŋtə̀.

Matìyò 25:4

və tofəvə vi lyɨ̀ vəsùʼ wè mənzhiʼ tsu əbwètə.

Matìyò 25:9

Vətofəvə vi tensə ə̀ gàʼ la, Jòʼ! mənzhiʼ a mì ko a kwʉ̀ʼ à vəghəŋ və tsèm, ghə̀ŋ boŋsə dyʉ̀ a kəshi kə baʼlə̀ fo ə̀ zèn ə̀ məŋə fa tsu.

Ŋwàʼlə̀ Luk 10:3

Ghə̀ŋ dyʉ̀. Ghə̀ŋ sə ndyʉ̀, ghə̀ŋ kɨ la ma təmə ghə̀ŋ a nə̀ vunə byisə njɨ̀ a ntìntìn nyamsə bo.

Ŋwàʼlə̀ Luk 21:15

byiʼàndo mà lu ku gàʼ a tof à ghə̀ŋ a wìʼ ko lə chò kò tènsə nyʉ̀ vyi a ghə̀ŋ gàʼà.

Shwèʼ 20:29

Mà kɨ li la ma lù no a zhʉ kò viʼi vì ə̀ kwèn à ghə̀ŋ a ntìntìn to nə̀ nyamsə bo ə sàs viʼi vəbyɨməvə avenə,

1 Kolìntyàns 14:20

Kə ghə̀ŋ a nkwoʼtə to nə̀ voyndyə, a vəlemə vwomə, ghə̀ŋ ne boŋsə diʼ to voyndyə kumə mbyɨ ali kwoʼtə nyʉ̀ to nə̀ ə viʼi vətokəvə.

2 Kolìntyàns 1:12

Yès ə saŋlə no nànto, kɨ no fa yès a tətyɨm la no tèbe ghò yi a yès tə nè a mbi a shen, nə̀ ji a yès tə tsi vəghəŋ fa tsu, la yès ə nè to nə̀ tətyɨm tə laynə, ti a Nyìngòŋ ə kʉʼʉ. Yès tə ne no tèbe ghò, nè to byìʼì ətyɨm ə jùŋə ghə̀ Nyìngòŋ, a nko diʼ byìʼì ətof ə mbyi.

2 Kolìntyàns 11:14

Nò tèbè fa mpfen, kə ghə̀ŋ ne ndiʼ nə̀ əkaynə byìʼì tèbe Satan nbɨ̀lə li nè la viʼi nyenə la ghə̀ diʼ ntsɨŋ ngə̀ŋ ə Nyìngòŋ ə baynə.

2 Kolìntyàns 11:3

Ma gaʼa alə̀ fwàynə̀ la viʼi zizi və vi lobtə ghə̀ŋ ko ghə̀ŋ be a nghʉ kətʉ nzhʉ fa Yesò nə̀ tyɨm ə ghə̀ŋ no tsèm ndə̀ŋndəŋ ando Satan nvi nə̀ mənàŋ mə wen ə lobtə Ivè.

2 Kolìntyàns 8:20

Yès ə mwomsə ə shə̀tə̀ ghaʼa kəku a kènkə byìʼì ando yès ə ko kòŋ la wìʼ ə lù ghàm yès ə gàʼ la yès ko tə nshɨtə ghaʼa kəku na kì.

Filìbàyns 2:15

Sətsen ghə̀ŋ ne alə ko wìʼ lù ghàm ghə̀ŋ a kənyʉ̀. Ghə̀ŋ be ə ndiʼ viʼi kənyʉ̀ kə tɨməkə bè kwʉ̀ʼ mè a nə vunə və juŋəvə Nyìngòŋ a və tsi a tyì mbyi mbyɨsə nə̀ viʼi mbyɨsə. Ghə̀ŋ diʼi ə ndiʼ à vəwenə ntìntìn alì diʼ əbayn à vəwenə to nə mədzɨ̀ŋ.

Kòlòsyàns 1:9

Kənyʉ̀ na kènkə ənè li, yès sə jɨ̀mə̀ to jɨ̀mə̀ a ghə̀ŋ fa achʉʼ a yès əzhʉ, loynə la Nyìngòŋ ə ku ətof ə be ne ghə̀ŋ nzhʉ kɨ nyʉ̀ ə tsèm vi a kəzhwì kə Ŋwoʼkə ne viʼi kɨ ndiʼ ghə̀ŋ kɨ mwetə kənyʉ̀ ki a ghə̀ kəŋ.

Kòlòsyàns 4:5

Ghə̀ŋ nə̀ tofə a ji yi a ghə̀ŋ tsi fa tsù ghə̀ŋ və viʼi vyi a və ko təmə byɨmə, kə ghə̀ŋ byɨbsə ə zhʉ̀ yi a ghə̀ŋ kiʼi vye vəwenə.

1 Tèsàlonyà 2:10

Ghə̀ŋ diʼi nchwò nsòʼ nyʉ̀ yi a yes tə nè, no Nyìngòŋ ə kɨ. Yes tə nè nyʉ̀ a ghə̀ŋ to nə̀ viʼi və byɨməvə, və diʼ to nyʉ̀ tɨməvə ne nyʉ̀ laynə və.

1 Tèsàlonyà 5:22

ə yen nə̀ ki a kodiʼ nəmwèʼè, ghə̀ŋ tensə.