Matìyò 1:20 - The New Testament in the Babanki language

²⁰ Ghə̀ mbu kwòʼtə̀ əsàs lam ayi alì ntsɨ̀ŋ Nyìngòŋ vì à wen a jòm ə gàʼ la,“Josèf wyè fòyn Devìt, kə a fàyn əlyɨ̀ Mèli a nə̀ wì wù byìʼe wàyn yì a ghə̀ gùfə̀lì à nè kəzhwì kəŋwoʼkə”.

Matìyò 1:20 ပူးပေါင်းရင်းမြစ်များ

Matìyò 1:18

Və bwi Yesò Klistò a ji ghèn. Lì wen Mèli ndìʼ mu və tisəli nyʉ̀ lam wen wenə Josèf mimbu vəwenə sə lam mu kəzhwì kəŋwoʼkə neli Mèli sə̀ gùfə̀.

Matìyò 2:12

Vəwenə nè fʉ a məpfwo, pfwo fa jì kədyàŋ ando Nyìngòŋ ntyɨftəli wen a jòm la kə vəwenə be a bwènə̀ dyʉ̀ a Helòd.

Matìyò 2:13

A ndiʼ ando viʼi və tofə və nbwenə li vì ntsɨ̀ŋ Bobo vì à Josèf a jòm ə gàʼà wen la,“Lu ə lyɨ̀ wàyn ghèn wenə lì wen fa shə̀ ə nyɨ̀ŋ dyʉ̀ a Ijìb byiʼàndo Helòd kəŋə wàyn a ghèn əzhwi. Ghə̀ŋ dyʉ̀ ghə̀ŋ fàŋ tò tsu əzaʼa fa a zhʉ a ma a gàʼ la ghə̀ŋ bwènə̀ ə vì.”

Matìyò 2:19

Helòd lù pfʉ ntsɨ̀ŋ Bobo fʉ a kə̀, Josèf a jòm a loʼ Ijìb ə gàʼ la,

Matìyò 2:22

A ndiʼ ando Josèf nzhʉ la à sə soʼo Akelùs a kəshi tìʼ wen a Judiyà, ghə̀ sə̀ fàynə̀ no ŋàŋ əŋwʉʼə tsu. Ntsɨŋ Nyìngòŋ be vì ə tyɨftə wen a jòm la ghə̀ nyɨŋ ə dyʉ̀ a shə loʼ Galìlì.

Matìyò 27:19

Bilate mbù bù a ngə̀ŋ soʼo nsoʼ Yesò, wì wen tɨm ntɨm à wen gàʼà la, “Kə a we kəvu kə̀ a wèn wìʼ ghèn a və kəŋə zhwi wen tò kədyàŋ lə̀, byìʼàndo mà tə yèn ngəʼ no nànto a jòmsə nəntʉʼʉ lan byìʼì wen.”

Matìyò 28:5

Ntsɨŋ a yì mù gàʼà ki vi la, “Kə ghə̀ŋ à fàyn mà kɨ lè la ghə̀ŋ kəŋə. Yesò yì a və tə bàntə a kəntò lì.

Ŋwàʼlə̀ Luk 1:19

Ntsɨŋ Bobo yì gàʼ la “A diʼ mo Gabliyà a ghə̀ ŋwʉʼ a mbyɨ Nyìngòŋ. A təmə wen tɨm mo la ma vi shə̀ʼtə̀ ntɨm jùŋ ghèn à wù.

Ŋwàʼlə̀ Luk 2:4

Josèf mù lù fa ntə̀ʼ Nazalèt a loʼo Galìlì dyʉ̀ a ntə̀ʼ Betə̀lèhem a loʼo Jùdiyà a ndiʼi kəshi a və bwì fòyn Devìt tsu ando ghə̀ nlu fa ngwàʼa fòyn Devìt.

Shwèʼ 5:19

A nè sə ndiʼ tò nəntʉʼʉ ayì ntsɨ̀ŋ ngə̀ŋ Bobo vì bòʼ chʉ ngə̀ŋ mfɨŋ ayì ə̀ lyɨ̀ vəwenə ə̀ fʉ̀ nə̀ vəwenə ə̀ gàʼ à vəwenə la,

Kəmwetə 19:7

Vəghəŋ ə nsaŋlə̀, kuʼsə̀ Klistò be ghoʼsə̀ wen byìʼàndo əzhʉ kwʉʼ li ə wàyn bi ənjɨ̀ lam. Wì wen a diʼ ntsèntə̀sə diʼ mu ghə̀ shɨtə̀ li ə̀wen ə wen.