Kòlòsyàns 4:5 - The New Testament in the Babanki language

⁵ Ghə̀ŋ nə̀ tofə a ji yi a ghə̀ŋ tsi fa tsù ghə̀ŋ və viʼi vyi a və ko təmə byɨmə, kə ghə̀ŋ byɨbsə ə zhʉ̀ yi a ghə̀ŋ kiʼi vye vəwenə.

Kòlòsyàns 4:5 ပူးပေါင်းရင်းမြစ်များ

Matìyò 10:16

“Ghə̀ŋ ə kɨ la ma tɨmə ghə̀ŋ alə̀, ghə̀ŋ dìʼ ə dyʉ̀ ə ndiʼ to nə̀ byisə njɨ̀ a ntìntìn nyamsə kəbo. Kə diʼ la ghə̀ŋ kiʼ ə tofə to nə̀ zhusə alì bè mbwaʼmə to nə̀ làto.

Ŋwàʼlə̀ Mak 4:11

Ghə̀ bwènsə̀ gàʼ à vəwenə la, “Nyìngòŋ ku li tof à ghə̀ŋ la ghə̀ŋ nzhʉ kɨ nyʉ̀ lyomtəvə a və diʼì kùmə̀ soʼ fòn Nyìngòŋ, alì və diʼi dìʼsə viʼi vətsenvə tò a ngàynsə

Lumans 16:19

Nò ndò zhʉ li ji yì a ghə̀ŋ zhʉ̀ ntɨm ə jùŋ fa tsù, no ma sə saŋlə no nànto kumə ghə̀ŋ. Ma kəŋ la ghə̀ŋ ntofə a nyʉ̀ vyi a və bòŋ, kə ghə̀ŋ a kiʼi kənyʉ̀ ə ne nə̀ mbyɨ.

Kòlòsyàns 3:16

Əgaʼa ə Yesò ndiʼ a ghə̀ŋ tətyɨm. Ghə̀ŋ lyɨ̀ ətof ə tsèm ə ziʼi be ku kətyiftə a ghə̀ŋ təwen. Ghə̀ŋ zhɨmə dzaŋsə Nyìngòŋ nə̀ dzaŋsə laynəsə shisə a kəzhwì kə Ŋwoʼkə nè la ghə̀ŋ zhɨmə. Ghə̀ŋ zhɨmə, ku kəzòŋ a Nyìngòŋ a ghə̀ŋ tətyɨm.

1 Tèsàlonyà 4:12

Ghə̀ŋ sətsen ə nè alə viʼi vi à ko diʼ viʼi və byɨməvə nə̀ gumlə ghə̀ŋ, ghə̀ŋ nə̀ zhɨ̀ to byìʼì kəzhʉʼsə ə kəŋkə̀, ko wu a nki tebè wìʼ.

1 Timotì 3:7

A diʼ ə ndi wìʼ, a no viʼi vətsenvə ə bwomsə ə wen, ndi kə ghə̀ ne diʼisə kətʉ ə fəŋ a kətam ə Deblə̀.

Jems 1:5

No te ndo a ghə̀ gho ətof fà ghə̀ŋ a ntìntìn, ghə̀ jɨm ə̀ bèm à Nyìngòŋ a ghə̀ a ku à wen. Nyìngòŋ ə ku à viʼi vətsèm nə̀ kəvu kə boʼtəkə bènə̀ boŋə tyɨm.

Jems 3:13

A dìʼ ndo à ghə̀ŋ a ntìntìn a ghə̀ tofə be zhɨ kɨ nyʉ̀ a? A zhʉ a ghə̀ diʼì, ghə̀ diʼi dìʼ ənyʉ̀ a ghə̀ nè nə̀ gumlə̀ byìʼì tof.

Jems 3:17

Tof a ghə̀ lù fà kàŋ ə chò mbì ŋwòʼə̀, kòŋə̀ mbwaʼmə̀, kòŋ əzhʉtə nyʉ̀ ə viʼi vətsenvə, kiʼ kusə nshinsə be nè nyʉ̀ juŋəvə no ghoʼo. Ghə̀ lyɨ̀ viʼi vətsèm tò ndə̀ŋndəŋ ko a ndiʼ la ghə̀ kiʼ kəmbɨ̀lə̀.

1 Bità 3:1

Ki, ghə̀ŋ be ngumlə̀ və lɨmə ə vəŋə. Ghə̀ŋ sətsen ə ne alə, ətsìnə̀sə jùŋsə ə ghə̀ŋ sə zizi sə nè vəlɨm ə vəŋə vi a və ko tɨmə ə byɨmə, vəwenə kwitə tətyɨm tə vəwenə ə byɨmə a Nyìngòŋ ko ndiʼ la ghə̀ŋ gàʼ li tèbe kənyʉ̀ a vəwenə,