Kòlòsyàns 4:17 - The New Testament in the Babanki language

¹⁷ Ghə̀ŋ gàʼ a Akibùs la ghə̀ kɨ la ghə̀ diʼ ə mwetə shyèʼ ə Bobo yì a və kù a wen la ghə̀ ne.

Kòlòsyàns 4:17 ပူးပေါင်းရင်းမြစ်များ

Matìyò 25:17

Yì a və nku mbo ko bò à wen lì shwèʼ nə̀ wenə ghə̀ ə̀ se mbo ko bò à yì a kətʉ.

Shwèʼ 1:17

Judàs tə ndiʼ wù nòyn yès byìʼàndo Bobo tə ndiʼ mu ghə̀ tsuʼ li wen la yo vəwenə ntsèntə̀ shyèʼè a muʼu.”

Shwèʼ 14:23

Andìʼ no a ntsèntə̀ viʼi vəbyɨməvə,ko Bol wenə̀ Balnabas ə tsuʼ vəchəʼ və ngə̀ŋ Nyìngòŋ, ə̀ kù à vəwenə. Vəwenə nè tsu, vəwenə jɨ̀mə̀ bè bàmə chʉ̀ mù ghʉ̀sə vəchəʼ a vyi a avu Nyìngòŋ yì a vəwenə nghʉ choʼsə vəwenə à wen.

Shwèʼ 20:28

Ghə̀ŋ ntùʼmə̀ nə̀ təwen təŋtə bè tùʼmə̀ nə̀ viʼi vi a Kəzhwì kə ŋwòʼəkə ghʉ li à ghə̀ŋ a ti. Ghə̀ŋ ndiʼ ntùʼmə̀sə ntsèntə̀ viʼi vəbyɨməvə Nyìngòŋ a ghə̀ nè à sə diʼ ntsèntə̀ viʼi wen ə chò fa pfʉ Wàyn wen.

Efisyàns 4:11

A ndiʼi wen yi a ghə̀ ə ku məku. Ghə̀ ntsuʼ viʼi vətsenvə ə ghʉ̀ a viʼi ntɨm, ə tsuʼ vətsevə ə ghʉ̀ a nshə̀ʼtə̀sə ghoʼkəsə, ghə ntsuʼ vətsevə ə ghʉ̀ la və ə nshə̀ʼtə̀ kənyʉ̀ kə Nyìngòŋ to ashi ashi ə be tsuʼ vətsevə la və ə ndiʼ nshə̀ʼtə̀sə ngə̀ŋ Nyìngòŋ ə tsuʼ vətsevə a ndìʼsə̀sə.

1 Timotì 4:14

Kə wù a lyesə kəku ki a Kəzhwì kə Ŋwòʼəkə ə ku li à wù lì ando nshə̀ʼtə̀sə ghoʼkəsə ngaʼà ənyʉ̀ byìʼì wù, to ando və vəchəʼ və ngə̀ŋ Nyìngòŋ vi ə ghʉ avu a wù a kətʉ.

1 Timotì 4:16

Wù tùʼmə̀ nə̀ wen ə wu, be tùʼmə̀ nə̀ jì yi a wù ziʼi viʼi fatsu. Wu sətsen ə ne tò alə, ə Nyìngòŋ ə bwòŋsə wù, bè bwòŋsə no viʼi vi a wù ziʼi.

1 Timotì 4:6

Wù sətsèn ə mbèsə̀ ənyʉ̀ a venə a mà gàʼa lə à viʼi və byɨməvə, wù ne ndiʼ tò no wù ə shwèʼ ə jùŋ à Yesò Klistò. Wù sətsen ghaʼ ə ndìʼsə̀ nəmwèʼè a ghèn, ghə̀ gyàmtə̀ wù ə ne la byɨmə ə wu ə to.

1 Timotì 6:20

Timotì, shɨ̀tə tùʼmə̀ no te nə̀ gho yi a Nyìngòŋ ku li à wù. Kə wù nə̀ zhʉtə ə gàʼ, a ghə̀ ko ku əghoʼsə à Nyìngòŋ. Kə wù a nsoʼtə ənyʉ̀ kə kəndzɨ̀ŋtə̀ vi a viʼi ə dzɨŋə soʼtə̀, gàʼa la à dìʼ ənyʉ̀ ətof.

2 Timotì 1:6

Byìʼì kənyʉ̀ a kenkə, ma ə mbwènsə̀ dzɨŋtə wù la kə wù a moʼtə kəku ki a Nyìngòŋ ə nku à wù ando ma ghʉ̀ avu ə ghomə a wu kətʉ lì.

2 Timotì 2:2

Wù tə ə zhʉ nyʉ̀ vyi a ma tə nziʼi ashɨ nə̀ viʼi. Wù diʼ ə lyɨ̀ əziʼi ghenə luwen ə ziʼi viʼi və jùŋvə vyi a zì vəwenə be ə ziʼi viʼi vətsenvə.

Filimùyn 1:2

Yes ə be toŋtə lèmə̀ ə vəghəŋ Afiyà a diʼ wù byɨmə, be nə̀ Akibùs a ghə̀ shə̀ʼtə̀ ntɨm ə jùŋ no nə̀ kədyoʼkə ndə̀ŋndəŋ to nə̀ vəghəŋ. Yès ə be tɨmə ətoŋtə a ənòyn ə viʼi və byɨməvə vi a və tsèntə kuʼsə Nyìngòŋ a wù a ngə̀ŋ.