Kòlòsyàns 4:1 - The New Testament in the Babanki language

¹ Ghə̀ŋ ghaʼa viʼi vyi a və shwèʼè a ghə̀ŋ a jisə jùŋsə a vətiʼ və əshwèʼ, be ku əfo vi a vəwenə diʼ ə kiʼ. Ghə̀ŋ kɨ la ghə̀ŋ be kiʼi tìʼ shwèʼè akàŋ.

Kòlòsyàns 4:1 ပူးပေါင်းရင်းမြစ်များ

Matìyò 20:4

Ghə̀ gàʼ à vəwenə la, Ghə̀ŋ fʉ dyʉ̀ nshwèʼè à mò a sɨm ndi ne sə mpfwo mà lòʼ ghə̀ŋ no nə̀ ghò yì a ghə̀ kwʉʼʉ̀.

Ŋwàʼlə̀ Luk 19:15

“Ghə̀ dyʉ̀ və ku adyòʼ a wen la ghə̀ vì ə soʼ viʼi wen, ghə̀ mù bwènə̀ vì ə dzàŋtə viʼi shwèʼ wen vyì a ghə̀ nku ko à vəwenə li, əzhʉ la vəwenə tə zhʉsə ə baʼlə, ə se gho lo.

Jems 2:13

Nyìngòŋ ko lu nkiʼ kusə nshinsə a zhʉ a ghə̀ soʼo no tè ndò a ghə̀ ko dìʼì kusə nshinsə à viʼi, alì wìʼ yì a ghə̀ dìʼì kusə nshinsə ko diʼ ə mfànə̀ nsoʼ.

Jems 5:4

Ghə̀ŋ zhʉtə a! Viʼi a və shwèʼè təsɨm təŋtə ghə̀ŋ zhɨ təko tə vəwenə dì no a gɨ to, di vəwenə aghenə diʼ mu ghə̀ zaʼa li a tiʼitiʼi Bobo yì a ghə̀ ŋaŋtə li nkwʉʼ.

Kəmwetə 17:14

Vəwenə ne tsèntə̀ ə sə̀ʼ əsoyn a əwen wàyn bi ənjɨ̀ yì alì wàyn bi ənjɨ̀ soyn ə̀ zhɨ̀ vəwenə byìʼàndo ghə̀ dìʼ Bobo ə̀ vəbobo, be diʼ fòyn ə̀ təfòyn tətsèm, kiʼ viʼi wen a ghə̀ ə̀ ndzàŋə̀ li ə̀ bè tsuʼ vəwenə la və nzhʉmə̀ wen.”

Kəmwetə 19:16

Ndisə shìsə a ghə̀ ə̀ moʼò lì ə̀ ndìʼ mu və nyòʼò li əzhiʼ tsenghə tsu ə̀ bè shiʼi ə̀ nyòʼ à wen əkəbì la, “Fòyn ə̀ təfòyn, nə̀ Bobo ə̀ vəbobo.”