Kòlòsyàns 3:25 - The New Testament in the Babanki language

²⁵ Ghə̀ lu bwensə loʼ no tèbe wù byɨ ə kò to nə̀ ndə̀ŋndəŋ mbyɨ yi a ghə̀ nè. Ghə̀ ko lyɨ tebè wìʼ ə tsen nəkwoŋ.

Kòlòsyàns 3:25 ပူးပေါင်းရင်းမြစ်များ

Matìyò 16:27

Mà gàʼ alə̀ byìʼàndo Wàyn Wìʼ sə̀ laʼtə bwènə̀ vì a tì baynə ghoʼ ghə̀ tìʼ wen wenə ntsɨ̀ŋsə wen ndi ku no moʼtə ndo ando ghə̀ tə nshwèʼè.

Ŋwàʼlə̀ Luk 20:21

Vəwenə gàʼ à wen la, “Yès kɨ la wù gàʼ à tò nəmwèʼè, be ziʼi tò nyʉ̀ vyi a diʼi tò nyʉ̀ nəmwèʼè, wù ko lyè la wìʼ chò wutsen, alì wù lutə̀ sù ziʼi tò təsoʼ tə Nyìngòŋ ando tə diʼì.

Shwèʼ 10:34

Bità gàʼ la, “Ma kɨ li nəmwèʼè luwèn la Nyìngòŋ ə lyɨ̀ viʼi vətsèm tò ndə̀ŋndəŋ;

Lumans 2:11

Kə diʼ li byìʼì ando Nyìngòŋ ə soʼo viʼi və tsèm to ndə̀ŋndəŋ, ko ghə̀ lu lye la ghə̀ fʉ̀ fa lòʼ ə kò lo.

2 Kolìntyàns 5:10

Kə diʼ alə̀ byìʼì ando no vəghəŋ vətsèm lu tɨmə ashɨ ə Yesò ə ghə̀ soʼ vəghəŋ. Ghə̀ lu loʼ no ndò to nyʉ̀ yi a ghə̀ tə nè a nse, kò à tə ndiʼ nyʉ̀ ə byɨvə, kò à tə ndiʼ ə jùŋə və.

Efisyàns 6:8

Ghə̀ŋ kɨli la wìʼ ə sətsen nè no tèbe jùŋ ə kò, kò ghə̀ diʼ kəkòs kò ghə̀ ko diʼ, Nyìngòŋ ə lù ku əmòʼtə wen.

Efisyàns 6:9

Vətiʼ və əshwèʼ, ghə̀ŋ mbe boŋ shɨtə ghaʼa əkòs ə vəghəŋ akàyn. Kə ghə̀ŋ ə̀ nkàyntə̀ nyʉ̀ a vəwenə. Ghə̀ŋ ə kɨ la wìʼ yi a ghə̀ diʼi tìʼ shwèʼ a ghə̀ŋ nò və tsèm diʼ akàŋ, lyɨ no ndò to ndə̀ŋndəŋ.

Kòlòsyàns 4:1

Ghə̀ŋ ghaʼa viʼi vyi a və shwèʼè a ghə̀ŋ a jisə jùŋsə a vətiʼ və əshwèʼ, be ku əfo vi a vəwenə diʼ ə kiʼ. Ghə̀ŋ kɨ la ghə̀ŋ be kiʼi tìʼ shwèʼè akàŋ.

1 Tèsàlonyà 4:6

Ma gaʼa la kə wìʼ na nè kənyʉ̀ kəbyɨkə a lèmə̀ wen no faphen. Yes sə diʼ mù yesə ngaʼa li nyʉ̀ venə a ghə̀ŋ ə sə be gàʼa luwen no nə̀ kədyòʼ kə la, Bobo lu ku ngəʼ a viʼi vyi a və tsi ntsìnə̀ ə byɨ na ghèn,

2 Tèsàlonyà 1:6

Nyìngòŋ ə lu ku ngəʼ a viʼi vyi a və tə ə ku ngəʼ a ghə̀ŋ byìʼì ando ghə̀ nè to kənyʉ̀ ki a kə diʼ kənyʉ̀ kətɨməkə.

Filimùyn 1:18

Ghə̀ sətsen ndiʼ mù ghə̀ nè li no tèbe kənyʉ̀ kə kəbyɨkə kə kò a wù, kò ghə̀ kiʼi kəfo ə lòʼ a wù, ma bwensə a wù.

Hibùlù 2:2

Vəghəŋ ə kɨ la ntɨm yì a ntsɨŋsə Nyìngòŋ sə ə nvi nə̀ wen ndiʼ nəmwèʼè. Nyìngòŋ ə ku ngəʼ yì a ghə̀ nə̀ kwʉ̀ʼ no tèbè a ndò yi a ghə̀ faŋ ke zhʉtə ntɨm na yì ə ne kənyʉ̀ a ghə̀ gaʼà.

1 Bità 1:17

A zhʉ a ghə̀ŋ ə jɨ̀mə̀ a Nyìngòŋ, ghə̀ŋ sə toŋtə wen la Tìʼ, a diʼ wen yi a ghə̀ soʼo viʼi vətsèm, soʼo ali, soʼo no ndò to ndə̀ŋndəŋ. Kə le diʼi la ghə̀ŋ diʼ ə gumlə wen no nànto ando ghə̀ŋ bo tsitə a nse ashen.

Ŋwàʼlə̀ Jud 1:16

Viʼi a venə faŋ li sə dèmkə̀ to dèmkə̀, be ghàmə̀ viʼi vətsenvə to ghàmə̀. Vəwenə ə nè to nyʉ̀ vyi a təkwòʼtə̀ tə vəwenə tə diʼ, a ghoʼtə to gaʼa ə ghaŋsə əwen a vəwenə a təchʉ̀. Vəwenə ə lobtə viʼi gaʼa gaʼa ə jùŋ ghə̀ ə kiʼi kəfo a vəwenə kəŋ.