Kòlòsyàns 3:16 - The New Testament in the Babanki language

¹⁶ Əgaʼa ə Yesò ndiʼ a ghə̀ŋ tətyɨm. Ghə̀ŋ lyɨ̀ ətof ə tsèm ə ziʼi be ku kətyiftə a ghə̀ŋ təwen. Ghə̀ŋ zhɨmə dzaŋsə Nyìngòŋ nə̀ dzaŋsə laynəsə shisə a kəzhwì kə Ŋwoʼkə nè la ghə̀ŋ zhɨmə. Ghə̀ŋ zhɨmə, ku kəzòŋ a Nyìngòŋ a ghə̀ŋ tətyɨm.

Kòlòsyàns 3:16 ပူးပေါင်းရင်းမြစ်များ

Matìyò 26:30

Vəwenə zhɨ mwètə̀ zhɨmə ndzàŋ mù fʉ̀ kùʼ a kwi pfèn Olìf.

Ŋwàʼlə̀ Luk 2:51

Ghə̀ lu a zhʉ a ghèn bwènə̀ shiʼi a Nazalèt wenə vəwenə mù zhʉmə vəwenə. Li wen ghʉ nyʉ̀ venə a wenə a tyɨm.

Joyn 15:7

Ghə̀ŋ sətsen faŋ a mo wen, əziʼi ə ghomə a faŋ a ghə̀ŋ kətʉ, ghə̀ŋ bèm no tèbe ghò a ghə̀ŋ kòŋ fa Tìʼ ghom, ghə̀ a ku a ghə̀ŋ.

Lumans 10:17

Kə le diʼi nəmwèʼè la wìʼ ə byɨmə to azhʉ̀ a ghə̀ zhʉ̀ ntɨmə Nyìngòŋ, wìʼ ə zhʉ̀ to azhʉ̀ a və shə̀ʼtə li ntɨm kumə Yesò a wen.

Lumans 15:14

Ma kɨ no fa mo a tyɨm a vəlemə vwomə la ghə̀ŋ shɨtə tsi to no ntsìnə̀ ə jùŋ, kɨ mwetə to no kənyʉ̀ kì a kə diʼ nəmwèʼè be kwʉ̀ʼʉ̀ ə ziʼi təwen ə təŋtə.

1 Kolìntyàns 14:15

Kə sətsèn ndiʼ alə̀, ma ne a le? Kəzhwì ə kòmkə diʼ ə njɨ̀mə̀, kwoʼtə ə ghomə be jɨ̀mə̀, kəzhwì ə kòmkə ə zhɨmə ndzàŋ, kwoʼtə ə ghomə zhɨmə.

1 Kolìntyàns 14:26

Vəghəŋ zizi və gàʼà no la gho a vəlemə vwomə? Ghə̀ŋ zizi a ghə̀ŋ gàʼà la, ghə̀ŋ zhùŋtə̀ no zhʉ̀ko, wìʼ ə sə kiʼ dzàŋ ə zhɨm, ghə tsen ə kiʼi kənyʉ̀ a ziʼi, ghətsen kiʼi kənyʉ̀ a Nyìngòŋ ə diʼ làynsə a wen, ghətsen ə kiʼ kənyʉ̀ ə gàʼ a gàʼà ə kədyàŋ, ghətsen diʼ ə shə̀ʼtə̀ nyʉ̀ vyi a və gàʼa. Ghə̀ŋ ə ne nyʉ a venə ə no tsèm to gyamtə viʼi və byɨməvə.

Efisyàns 1:17

Ma zhʉ sə jɨ̀mə̀ no zhʉ̀ko, ma sə sensə la Nyìngòŋ yi a diʼ Nyìngòŋ ə Bobo vəghəŋ Yesò Klistò. Nyìngòŋ diʼ Ti yi a ghə̀ kiʼi kədyòʼ a ghə̀ a ku kəzhwì kə wen kì a kə kù ətof be diʼi laynsə nyʉ̀ ə kaynə və wen ndiʼ kə ne ghə̀ŋ ə nshɨtə kɨ wen.

Efisyàns 5:17

Kə ghə̀ŋ ne ntsi to nə̀ nkoynə. Ali ghə̀ŋ mwomsə ə kɨ nyʉ̀ vyi a Bobo ə kəŋ la ghə̀ŋ ə nè.

Efisyàns 5:19

Ghə̀ŋ ne zhɨmə ndzàŋsə a ghə̀ŋ a ntìntìn. Ghə̀ŋ ə̀ zhɨmə dzaŋsə Nyìngòŋ nə̀ dzaŋsə shisə a sə fʉ̀ fa ŋwàʼlə̀ Nyìngòŋ nə̀ shisə a kəzhwì kə Ŋwoʼkə ə̀ ne la ghə̀ŋ ə zhɨmə, ə zhɨmə ndzàŋsə Nyìngòŋ nə̀ ndzàŋsə a sə fʉ̀ fa ŋwàʼlə̀ Nyìngòŋ ə, kuʼsə Nyìngòŋ nə̀ ətyɨm ə ghəŋə no tsèm.

Efisyàns 5:26

Ghə̀ ə mpfʉ̀ ə shʉ̀ viʼi və byɨməvə la və laynə ə ku a Nyìngòŋ, chò fa a ntɨm ə jùŋ ə wen.

Kòlòsyàns 1:28

A le kənyʉ̀ ki a yes ə shə̀ʼtə̀ ntɨm kumə wen, ku kətyiftə be ziʼi viʼi və tsèm nə̀ ətof ə tsèm ə, ndiʼ yès ne vəwenə nə̀ diʼ wenə Klistò amuʼ ə vi ashɨ Nyìngòŋ to nə̀ viʼi a və ti a kayn.

Kòlòsyàns 1:9

Kənyʉ̀ na kènkə ənè li, yès sə jɨ̀mə̀ to jɨ̀mə̀ a ghə̀ŋ fa achʉʼ a yès əzhʉ, loynə la Nyìngòŋ ə ku ətof ə be ne ghə̀ŋ nzhʉ kɨ nyʉ̀ ə tsèm vi a kəzhwì kə Ŋwoʼkə ne viʼi kɨ ndiʼ ghə̀ŋ kɨ mwetə kənyʉ̀ ki a ghə̀ kəŋ.

Kòlòsyàns 4:6

Əgàʼ ə ghəŋə ndiʼ ə nə̀ mbwaʼmə be fwomə to məzhʉ̀ ə tsèm, ndi ghə̀ŋ kɨ ə shɨtə ə bwensə no ndo.

1 Tèsàlonyà 1:8

Ghə̀ŋ nè li viʼi shɨtə zhʉ̀ ntɨmə Bobo a Màsìdonìyà nə̀ Akayà be zhʉ̀ to shì ə tsèm la ghə̀ŋ byɨmə li a Nyìngòŋ, kò yes ə be a kiʼi kənyʉ̀ ə be ə gàʼ a wìʼ.

1 Tèsàlonyà 4:18

Ghə̀ŋ shə̀ʼtə̀ nyʉ̀ na venə a yès ə nyoʼo lə ə nè la tətyɨm tə vəlemə vəŋə ə saŋlə.

2 Tèsàlonyà 3:15

Alì kə ghə̀ŋ na nè nyʉ̀ a wen alə̀ ando ghə̀ŋ nè a viʼi kəbàyn ghə̀ŋ, ghə̀ŋ ə boŋsə ku kətyiftə a wen to ando ghə̀ŋ kù a lèmə̀ ghə̀ŋ.

1 Timotì 6:17

Chòsə̀ a nə̀ soʼ à viʼi vyi a və kiʼi ghoʼo ə əfo ə mbi la kə vəwenə ə ndyanə kò ghʉ tyɨm ə vəwenə a əfo ə chò və a venə. Gaʼa la vəwenə ə bòŋsə ghʉ tətyɨm tə vəwenə tò a Nyìngòŋ yì a ghə̀ ku no əfo ə jùŋvə no tsèm vyi a vəghəŋ ə kiʼi.

2 Timotì 3:15

Wù kwòʼtə̀ to ando və nlu sə ziʼì wù nə̀ ənyʉ̀ mu və fʉ̀ fa Ŋwàʼlə̀ Nyìngòŋ tò no fa ətʉ̀ʼ a wù mbo bu wàyn. Ənyʉ̀ a venə ə diʼ ə ku ətof à wù ndi wù byɨmə à Yesò Klistò a ghə̀ bwòŋsə̀ wù.

Taytùs 3:6

Nyìngòŋ ə̀ nkuli kəzhwì kə ŋwoʼkə no kə ghoʼo à vəghəŋ əchò fà Yesò Klistò ə mbwòŋsə̀ vəghəŋ.

Jems 1:5

No te ndo a ghə̀ gho ətof fà ghə̀ŋ a ntìntìn, ghə̀ jɨm ə̀ bèm à Nyìngòŋ a ghə̀ a ku à wen. Nyìngòŋ ə ku à viʼi vətsèm nə̀ kəvu kə boʼtəkə bènə̀ boŋə tyɨm.

Jems 3:17

Tof a ghə̀ lù fà kàŋ ə chò mbì ŋwòʼə̀, kòŋə̀ mbwaʼmə̀, kòŋ əzhʉtə nyʉ̀ ə viʼi vətsenvə, kiʼ kusə nshinsə be nè nyʉ̀ juŋəvə no ghoʼo. Ghə̀ lyɨ̀ viʼi vətsèm tò ndə̀ŋndəŋ ko a ndiʼ la ghə̀ kiʼ kəmbɨ̀lə̀.

Jems 5:13

A sətsèn wìʼ ə ndiʼ à ghə̀ŋ a ntìntìn a ghə̀ yenə ngəʼ. Ghə̀ jɨ̀mə. A sətsèn wìʼ ndiʼ à ghə̀ŋ a ntìntìn a ghə̀ saŋlə̀. Ghə̀ nzhɨmə ndzàŋsə ghoʼsə Nyìngòŋ.

1 Joyn 2:14

Mà nyòʼò à ghə̀ŋ a vətìʼ byìʼàndo ghə̀ŋ ə kɨ li wen yì a ghə̀ ndiʼ fa kənzìtə. Mà nyòʼò à ghə̀ŋ ə mbvòʼò wìʼ byìʼàndo ghə̀ŋ ə to, kənyʉ̀ kə Nyìngòŋ kə be diʼ mu kə faŋ li à ghə̀ŋ ə ntsìnə̀sə. Ghə̀ŋ ə be to ə ncho Deblə̀.

1 Joyn 2:24

Ghə̀ŋ ne la kənyʉ̀ kì a ghə̀ŋ ə̀ nzhʉ fa kənzìtə faŋ à ghə̀ŋ a tətyɨm. Kənyʉ̀ kì a ghə̀ŋ ə nzhʉ fa kənzìtə sətsèn ə̀ fàŋ à ghə̀ŋ ə tətyɨm mu ghə̀ŋ a ndiʼ a kənyʉ̀ kə mùʼ vè və Wàyn wenə̀ Tìʼ.

1 Joyn 2:27

Alì Klistò dìʼ mu ghə̀ ku li kəzhwì kə wen, kə mfaŋ à ghə̀ŋ. Ghə̀ŋ ə ko bè diʼ ə nkəŋə la wìʼ ə ndìʼsə̀ ghə̀ŋ, byìʼàndo, kəzhwì kə wen kə dìʼsə̀ ghə̀ŋ no nyʉ̀ tsèm, ə be dìʼsə̀ tò nəmwèʼè, kənyʉ̀ kə ndzɨ̀ŋ kə ko diʼ tsu. No tò ando kə dìʼsə̀ li ghə̀ŋ, ghə̀ŋ faŋ à wen.

2 Joyn 1:2

byìʼàndo nəmwèʼè a ghə̀ diʼì à vəghəŋ ə ntìntìn lu faŋ tò ghayn ə̀ mùʼ.

Kəmwetə 14:3

Viʼi a vyi nkamsə ghɨ nə̀ njʉ̀sə̀ kàʼ a məwum ə̀ nkàʼ ə̀ nzɨmə̀ ndzàŋ ə fi kènla wìʼ zì ghə̀ ziʼi əzhɨm əchò tò vəwenə vi a və sə̀ diʼ mu və zen li kətʉ kə vəwenə fa mbi. Vəwenə nzhɨmə ndzàŋ ayì a shɨ kəfwoyn nə̀ ə̀fo zhwisəvə vi ə̀kàʼ bènə̀ vəchəʼ.

Kəmwetə 15:3

Vəwenə nzhɨmə ndzàŋ ə̀ Mosìs ə wù shyèʼ ə̀ Nyìngòŋ nə̀ ndzàŋ wàyn bi ənjɨ̀ a ghə̀ ə̀ ngàʼà la: “Bobo Nyìngòŋ, Tìʼ àdyoʼ ə̀ tsèm. Wù nè ənyʉ̀ ghoʼkəvə kanəvə! Wù dìʼ fòyn a təloʼ tò tətsèm. Jisə shyə̀sə diʼ jisə sə̀ tɨməsə be diʼ jisə nəmwèʼè!

Kəmwetə 19:10

Mo Joyn shiʼi a nse la ma kəŋə ghoʼsə wen alì ghə̀ gàʼ à mò la, “Kə a mwòm! mà bè dìʼ wù shyèʼ ə̀ Nyìngòŋ to nə̀ wù əboʼsə nə̀ vəlèmə̀ vyə vi a və̀ nshɨ̀tə̀ ghàʼ nəmwèʼè yì a Yesò ə̀ ndiʼì. Ghoʼsə Nyìngòŋ.” Nəmwèʼè ayì a Yesò ə̀ nlù dìʼ a ndayn dìʼ kənyʉ̀ a kə gyàmtə̀ nshə̀ʼtə̀sə sə̀ghoʼkəsə la sə̀ nshə̀ʼtə̀ kənyʉ̀ kə Nyìngòŋ.

Kəmwetə 5:9

Vəwenə sə̀ zhɨmə ndzàŋ ə fi la, “Wàyn njɨ̀, wù ə kwʉʼ li ə̀ me əshi əbʉʼ ə ŋwàʼlə̀ ghenə ə bə̀ytə mɨ̀ŋ yi ə bòʼ byìʼe və nzhwi li wù, wù pfʉ ə̀ zèn kətʉ kə viʼi ə ngwàʼsə̀ tsèm nə̀ viʼi təgàʼ tə tsèm bènə̀ viʼi təloʼ tə tsèm a mbi. Wù ə̀ nzèn kətʉ kə vəwenə ne mənlyuŋ ə̀ bwènsə̀ ku à Nyìngòŋ.