Kòlòsyàns 2:7 - The New Testament in the Babanki language

⁷ Ghə̀ŋ we aghaŋ, be bwom wenə ghə̀ŋ ghə̀ to a wen. Ghə̀ŋ bwòm ntsìnə̀ ə ghəŋə a wen a wen ando və bwomə ngə̀ŋ akwi kəchɨ kə ngə̀ŋ kə jùŋə kə, shɨtə ghaʼ byɨmə yi a və tə ziʼi a ghə̀ŋ, ghə̀ŋ a to dyʉ̀ to nə̀ mbì. Ghə̀ŋ a lwin ne ku kəzòŋ a Nyìngòŋ no nànto.

Kòlòsyàns 2:7 ပူးပေါင်းရင်းမြစ်များ

Ŋwàʼlə̀ Luk 6:48

Ghə̀ diʼ tò nə̀ wìʼ yì a ghə̀ sə mbwomə ngə̀ŋ wen nshɨ̀tə̀ tuŋ kəchɨ ki no nkàyn ə tem nə̀ ngùʼsə, a kəkuŋ kə lu vì pfen ngə̀ŋ ayì, ko ghə̀ lə nə̀ʼkə̀ byiʼàndo ghə̀ ndiʼ mu və shɨ̀təli mbwom.

Lumans 16:25

Əkuʼsə ə dyʉ̀ a Nyìngòŋ. Ghə̀ kiʼi kədyòʼ ə ne la ghə̀ŋ ə tò a ghə̀ŋ əbyɨmə to ndə̀ŋndəŋ ando ntɨm ə jùŋ yì a ma shə̀ʼtə̀ kumə Yesò Klistò ə ngàʼa. Ghə̀ nè li vəghəŋ kiʼi ntɨm ə jùŋ na ghèn, mu ghə̀ ə nlyomtə li fa viʼi vətsenvə no fa kəgaf,

1 Kolìntyàns 1:8

Ghə̀ a ne la ghə̀ŋ ə nkiʼi kədyòʼ ə zàʼa fa kəmwètə ndi kə wìʼ lù ghàm ghə̀ŋ a kətsi yi a Bobo vəghəŋ Yesò Klistò lu bwenə vì.

1 Kolìntyàns 15:58

Ma sə gàʼà a ghə̀ŋ a vəlemə vwomə və juŋəvə la, ghə̀ŋ shɨtə ghaʼ əbyɨmə ə ghəŋə, kə ghə̀ a nə̀ʼkə̀. Ghə̀ŋ ə nghablə, shyèʼ a Bobo to məzhʉ̀ ə tsèm byìʼì ando ghə̀ŋ kɨli la shwèʼè ghəŋə a wen zizi ko ghə̀ lu ə lè to kədyàŋ.

2 Kolìntyàns 1:21

A ne Nyìngòŋ la vəghəŋ və tsèm ndiʼ ti to a kənyʉ̀ kə muʼ vəghəŋ və Yesò Klistò. A diʼ Nyìngòŋ a ghə̀ tsuʼ yès.

Efisyàns 3:17

ndi əbyɨmə ə ghəŋə nè Klistò ə nshɨtə tsi a ghə̀ŋ tətyɨm. Ma jɨ̀mə̀ la əkòŋ ghəŋə a Nyìngòŋ ne ghə̀ŋ kòŋ təwen ə təŋtə kwi ə to tò nə̀ fəkoʼ a ghaŋ yi dyʉ̀ li a nse be diʼ to nə̀ ngə̀ŋ a kəchɨ ki ə to a nse.

Efisyàns 4:21

Kə diʼ to no nəmwèʼè la ghə̀ŋ ə nzhʉ li nyʉ̀ kumə Klistò, və be ziʼi ghə̀ŋ nə̀ nyʉ̀ vyi a və diʼi nəmwèʼè kumə Klistò.

Efisyàns 5:20

Ghə̀ŋ ə̀ ku kəzòŋ a Nyìngòŋ ə Tìʼ no mənzhʉ̀ ntsèm kùmə̀ no tèbe ghò a ghə̀ fʉ̀. Ghə̀ŋ nku kəzòŋ a wen a zhiʼ Bobo vəghəŋ ə Yesò Klistò.

Kòlòsyàns 1:23

Kə ne ndiʼ ali a zhʉ ghə̀ŋ tuʼtə ghaʼ əbyɨmə a yi la ghə̀ ntò to tò. Kə ghə̀ŋ moʼtə kənyʉ̀ kə nə̀ʼsə̀ kwoʼtə yi a ghə̀ŋ kiʼi byìʼì ntɨm ə jùŋ yi a ghə̀ŋ tə zhʉ li. Nò mò Bol diʼ wù ə shwèʼè Klistò, shə̀ʼtə̀ to ntɨm jùŋ na ghèn, a diʼ wen yì a və sə diʼ mù və nshə̀ʼtə̀ li no a viʼi və tsèm a mbi.

Kòlòsyàns 3:17

Ghə̀ŋ nè no tèbe ghò, kò ghə̀ŋ gaʼa gaʼa, ghə̀ŋ gàʼa to a azhiʼ Bobo Yesò, ku kəzòŋ a Nyìngòŋ, ə Tìʼ chò fa wen.

1 Tèsàlonyà 5:18

A nə̀ fʉ̀ no tèbe ghò, ghə̀ŋ ə ku to kəzòŋ a Nyìngòŋ. A le nyʉ̀ vyi a Nyìngòŋ ə kəŋ la ghə̀ŋ ə nè byìʼì ando ghə̀ŋ və Yesò Klistò diʼ to muʼ.

2 Tèsàlonyà 2:17

Ghə̀ a nè ghə̀ŋ kiʼi ətyɨm ə zhʉ̀təghə nə̀ kədyoʼkə ə nè nyʉ̀ ə jùŋə və be gaʼa to nyʉ̀ ə jùŋə to məzhʉ̀ ə tsèm.

Hibùlù 13:15

Vəghəŋ nku li kəku, kə kə kuʼsə a Nyìngòŋ to məzhʉ̀ ə tsèm chò fa Yesò, gàʼà fa vəghəŋ a chʉ la Nyìngòŋ diʼ Nyìngòŋ vəghəŋ.

Hibùlù 13:9

Kə ghə̀ŋ a moʼtə və lobtə ghə̀ŋ no tèbe nə nki əziʼi ə kò. Kə bòŋ la a ne ətyɨm ə jùŋə Nyìngòŋ ə nè tətyɨm ə təŋtə tə totə, kə a ndiʼ byìʼì təsoʼ tyitə a ghə̀ŋ ghʉ̀ kumə nyʉ̀ ə fozhɨvə. Təsoʼ na tentə ko gyàmtə̀ tebè viʼi vi və ghʉ̀ təwen tə no fa mphen.

1 Bità 5:10

Ghə̀ŋ a nyenə ngəʼ to fəshyinə fə zhʉ̀ alə̀, ə Nyìngòŋ ə tisə ghə̀ŋ, ə ku kədyòʼ a ghə̀ŋ, a kə nè la ghə̀ŋ ə to no nànto. Ghə̀ diʼ Nyìngòŋ, kusə shinsə no nànto. A ndzàŋ wen ə dzàŋ ghə̀ŋ la ghə̀ŋ vi kwen a wen a tyi əbayn ə ghoʼoghə chò fa Yesò, a diʼ əbayn, ko andiʼ la ghə̀ lu mè.

Ŋwàʼlə̀ Jud 1:12

Ghə̀ŋ ŋwʉ̀ʼmə ə zhɨ̀ fozhɨvə ntsentə ə ghə̀ŋ, viʼi a venə ə sə diʼ to nə̀ kəməŋkə a ghə̀ŋ a ntìntìn, kò tʉ vəwenə lu ndiʼì. Vəwenə diʼ to nə̀ ntsɨŋsə byisə a vəwenə tuʼmə to nə̀ təwen tə vəwenə. Vəwenə ə diʼ to nə̀ mboʼsə a təfwof tə nə̀ tenə, ə chò ali ko sə lu vi tebè nə̀ ghʉ. Vəwenə dì to nə̀ nkòʼ mə ashɨ a zhʉ kwʉʼʉ, ko mə lu kumə ashɨ. Vəwenə ə diʼ to nə̀ nkòʼ a və tsuʼtə li aghaŋ ayi fa nse, mə pfʉkə.

Ŋwàʼlə̀ Jud 1:20

Alì, a diʼ fa ghə̀ŋ a ndoŋ shomsə jùŋ sə, ghə̀ŋ diʼ ngyàmtə̀ təwen ə təŋtə, kwi a ghə̀ŋ a əbyɨmə, a diʼ əbyɨmə a ghə̀ laynə kwʉ̀ʼ. Ghə̀ŋ ne sə njɨ̀mə̀, ghə̀ŋ njɨ̀mə̀ a kədyòʼ kə kəzhwì kə Ŋwoʼkə.

Ŋwàʼlə̀ Jud 1:24

Vəghəŋ ə nkuʼsə Nyìngòŋ yi a ghə̀ kiʼi kədyòʼ ə ghaʼ ghə̀ŋ la kə ghə̀ŋ fəŋ, kiʼi kədyòʼ ə nè la ghə̀ŋ layn ə kwʉʼ kò ghə̀ŋ lu kiʼ Mbyɨ no fa pfen, be kiʼ kədyòʼ ə ghʉ̀ ghə̀ŋ a ntìntìn əbayn ə ghoʼo ghə̀ ə Nyìngòŋ, la ə saŋlə ə ghoʼo ghə̀ ə ndiʼ a ghə̀ŋ.