Kòlòsyàns 2:18 - The New Testament in the Babanki language

¹⁸ Kə ghə̀ŋ moʼtə wìʼ gàʼ a ghə̀ŋ la ghə̀ŋ shiʼsə təwenə təŋtə a nse be gumlə ətsɨŋsə Nyìngòŋ, a bwen ali a ghə̀ŋ a gho əmòʼtə ə ghenə. Vəwenə nə̀ kumə gàʼa la nyʉ̀ ə venə ə fʉ a vəwenə alə to sə a tsi jòmsə, kwòʼtə̀ ə vəwenə diʼ to əkwoʼtə ə byɨghə ne vəwenə ghaŋsə əwen to kədyàŋ.

Kòlòsyàns 2:18 ပူးပေါင်းရင်းမြစ်များ

Matìyò 24:24

byìʼàndo viʼi vi a Nyìngòŋ ntsuʼ li ə̀ ghʉ və kənlobtə nə̀ nshə̀ʼtə̀sə kənlobtə lu fʉ̀ a tʉʼ ayì, ə nè chwitə fàynsə və be mwòmə̀ nyʉ̀ kaynəvə mwòmsə tò la vəwenə lè zì və lobtə viʼi vi a Nyìngòŋ sə diʼ mu ghə̀ tsuʼ li əbwòŋsə̀ lì lo.

Lumans 1:25

Vəwenə byɨmə li dzɨŋ ə boŋsə tensə kənyʉ̀ ki a kə diʼ kənyʉ̀ nəmwèʼè kumə Nyìngòŋ, ə se kuʼsə Vənyìngòŋ və ndzɨ̀ŋsə. Vəwenə moʼtə li Nyìngòŋ yi a ghə̀ diʼi nəmwèʼè ə sə boŋsə kuʼsə be gumlə əfo mu à shɨtə Nyìngòŋ ali ko və kuʼsə tebè Nyìngòŋ yi a ghə̀ shɨtə əfo a vi, a diʼ wen yi a və diʼi və nkuʼsə no to wen no məzhʉ̀ ntsèm! Amèyn.

Lumans 16:18

Tənki tə viʼi na tèntə ə ko shyèʼ a Bobo vəghəŋ Yesò. Vəwenə kəŋ to ə nə̀ nè nyʉ̀ vyi a və nfwomə a vəwenə. Vəwenə gàʼa nyʉ̀ ə fwoməvə to ə lobtə viʼi vyi a və ko shɨtə kɨ nyʉ̀.

1 Kolìntyàns 13:4

Wìʼ ə sətsen ə nkòŋ viʼi, a ghə̀ ne wensə be tuʼmə, wìʼ ə sətsen ə nkòŋ viʼi, kò ghə̀ be a ghə̀ʼə̀ vəwenə, kò ghə̀ be nà kùmə kədyʉ̀ʼ, ko ghaŋsə əwèn.

1 Kolìntyàns 3:3

Ghə̀ŋ bo tsi to nə̀ viʼi mbyi. Ghə̀ŋ kɨli la kənghə̀ʼ kə ə diʼ ghə̀ŋ a ntìntìn, ghə̀ŋ nè nyʉ̀ to nə̀ viʼi mbyi be tsi to nə̀ vəwenə.

1 Kolìntyàns 4:18

Viʼi vətsenvə a ghə̀ŋ a ntìntìn sə ghaŋsə təwen, kwòʼtə̀ la ma ko be a vì ə yen ghə̀ŋ.

1 Kolìntyàns 4:6

Ma gàʼa nyʉ̀ a venə a vəlemə vwomə kumə wenə ghomə yo Abolòs to nə̀ nchwi ndi ghə̀ŋ ziʼi, ə nè to kənyʉ̀ kì a və nyoʼ a Ŋwàʼlə̀ Nyìngòŋ. Kə wìʼ fa ghə̀ŋ ne nghaŋsə əwen kumə wìʼ ə tsen, cho ghətsen.

1 Kolìntyàns 8:1

Ma kəŋ ə gàʼa kənyʉ̀ luwen kumə əfo ə zhɨvə vyi a və moʼo a nshəʼsə. Vəghəŋ ə kɨ la vəghəŋ vətsèm ə kiʼ ətof. Ətof ə vì to nə̀ əghaŋsə ə wenə ali əkòŋ ə bwòm viʼi bwòmə.

1 Kolìntyàns 9:24

A ghə̀ŋ kɨli la və shəmə kənyɨŋ, viʼi sə nyɨŋə, to kədə̀ŋ, ali a na nyɨŋə zhɨ̀ to wìʼ ə mùʼ ə kiʼi əmoʼtə yi. Kə le diʼi la ghə̀ŋ diʼ ə nshɨtə ə nyɨ̀ŋ a ji ə zhɨ̀ ə kiʼi əmòʼtə na yi.

2 Kolìntyàns 11:3

Ma gaʼa alə̀ fwàynə̀ la viʼi zizi və vi lobtə ghə̀ŋ ko ghə̀ŋ be a nghʉ kətʉ nzhʉ fa Yesò nə̀ tyɨm ə ghə̀ŋ no tsèm ndə̀ŋndəŋ ando Satan nvi nə̀ mənàŋ mə wen ə lobtə Ivè.

2 Kolìntyàns 12:20

Ma əfwanə la ma ne vì, ko ghə̀ŋ diʼ ando ma kəŋ la ghə̀ŋ ndiʼ, ə ghə̀ŋ boŋsə yèn mo, ko ma diʼ ando ghə̀ŋ kəŋ la mà ndiʼ. Mà zizi a mà sə vi, ə yen ghə kəngùmə̀ kə diʼ a ghə̀ŋ a ntìntìn, nə̀ kəghəʼ kə, nə̀ tinə fwi, nə̀ kənywi kə, nə̀ gàʼà əbyɨghə, nə̀ kùwòŋ nə̀ əghaŋsə ə wèn, be yen ghə̀ŋ, ghə̀ŋ tsi a kəngəsə kumə tsi to tsi.

Efisyàns 4:17

Ma gaʼa a ghə̀ŋ a əzhiʼ ə Bobo be kumtə la kə ghə̀ŋ be tsì to nə̀ viʼi ətɨm. Vəwenə kiʼi to təkwòʼtə̀ tə zɨmtə.

Efisyàns 5:6

Kə wìʼ ə lu lobtə ghə̀ŋ nə̀ gàʼà ə zɨmghə. A diʼ byìʼì nyʉ̀ a venə a Nyìngòŋ ə fwisə tin a viʼi vyi a və ko zhʉ wen.

Filìbàyns 3:14

Mà shwèʼè dyʉ̀ tò nə̀ mbì ndi ə kiʼi zhùʼtə̀ yi a Nyìngòŋ ə dzàŋə̀ mò fa kaŋ ə chò fà Yesò Klistò.

Kòlòsyàns 2:23

Təsoʼ tentə kəʼə to sə tə fɨsə ətof. Tə kəʼə to sə tə ne la wu kòŋ Nyìngòŋ no nànto əbe gumlə, be kiʼi kədyòʼ a wu kwi wen. Ali ko ghə̀ le kiʼi no kənyʉ̀ kətsen ə gyamtə wìʼ la ghə̀ ə nghaʼa əwen wen kumə nyʉ̀ ə njòsə wen a Nyìngòŋ ko kòŋ.

Kòlòsyàns 2:4

Ma gaʼa nyʉ̀ venə a ghə̀ŋ, ndiʼ və ne kə no to wìʼ lù lobtə ghə̀ŋ nə̀ gaʼa ə fwomə ghə̀.

Kòlòsyàns 2:8

Ghə̀ŋ tuʼmə kə wìʼ ne lobtə ghə̀ŋ nə̀ ətof ə zɨmghə ə lyɨ̀ ghə̀ŋ a əkòs. Tənki tə ətof tèntə kiʼi kənyʉ̀ kumə to ətsìnə̀sə lòʼ viʼi di əzhwi vi a və soʼo mbi. Ətof na yi ko kiʼi kənyʉ̀ kumə Klistò.

1 Timotì 1:7

Vəwenə ə kòŋ ə ndiʼ ndìʼsə̀sə tə soʼ ə Nyìngòŋ, alì ken la vəwenə kɨ no tə ənyʉ̀ vyi a vəwenə ə gàʼa, a li vəwenə kwoʼtə la vəwenə kɨ li kənyʉ̀ a vəwenə nè.

1 Timotì 4:1

Kəzhwì kə Ŋwòʼəkə ə diʼi laynsə la, à lu ə dìʼ a mətsi mə kəmwetə, ə viʼi vətsenvə tensə ko və mbe byɨmə əziʼi yi a ghə̀ diʼ nəmwèʼè byìʼì Yesò Klistò ə nə̀ bòŋsə byɨmə əziʼi ə ndzɨŋsə yi a əzhwì ə byɨvə ə ku.

2 Bità 2:14

Vəwenə nə̀ nyʉ̀ʼ no zhʉ̀ko, kwoʼtə to ki viʼi. Vəwenə nə̀ nè mbyɨ, ko və bwaʼa, ə yèyn viʼi vi a əbyɨmə ə vəwenə ə bwaʼa, və lobtə, və kwen a mbyɨ. Vəwenə ghʉ li tə kwoʼtə tə vəwenə to ko. Nyìngòŋ ə telə li vəwenə!

1 Joyn 2:26

Mà nyòʼò kènkə à ghə̀ŋ bìʼì viʼi vyi a və lu lobtə ghə̀ŋ.

Kəmwetə 12:9

Və mòʼ shìʼsə nyàm ə fànsə ayì a nse, zhù ə mu yì a və ndzàŋə̀ nə̀ Deblə̀ bènə̀ Satan. Adiʼ wen yì a ghə̀ lobtə̀ viʼi mbyi no vətsèm. Və mòʼ shìʼsə wen a nse wenə̀ ntsɨ̀ŋsə wen tò sətsèm.

Kəmwetə 13:14

Byìʼì ənyʉ̀ kanəvə avenə a Nyìngòŋ ə nghʉsə nyàm ətoʼ aghèn sə̀ nè a shɨ nyàm ətoʼ ə̀ mbì yì lì lobtə viʼi vətsèm a və̀ ntsi a nse ə̀ gàʼ la vəwenə shɨtə kənshyə̀ʼsə̀ kə nyàm ətoʼ kì a ghə̀ ə̀ nkìʼ əlyom ə toghə mu və bvàʼ nə̀ nyì ə ngwoləŋ alì ghə̀ bu sə diʼ tò to lì.

Kəmwetə 13:8

No viʼi vətsèm vi a və̀ntsi a nse ə̀ ndiʼi nghoʼsə̀ wen, andiʼ viʼi vyi a və nko ə̀ nyòʼ təzhiʼ tə vəwenə mibu mbi sə zìtə̀, a ŋwàʼlə̀ ə̀bwòŋ ə̀ wàyn bi ənjɨ̀ yì a və̀ nshyə lì.

Kəmwetə 19:10

Mo Joyn shiʼi a nse la ma kəŋə ghoʼsə wen alì ghə̀ gàʼ à mò la, “Kə a mwòm! mà bè dìʼ wù shyèʼ ə̀ Nyìngòŋ to nə̀ wù əboʼsə nə̀ vəlèmə̀ vyə vi a və̀ nshɨ̀tə̀ ghàʼ nəmwèʼè yì a Yesò ə̀ ndiʼì. Ghoʼsə Nyìngòŋ.” Nəmwèʼè ayì a Yesò ə̀ nlù dìʼ a ndayn dìʼ kənyʉ̀ a kə gyàmtə̀ nshə̀ʼtə̀sə sə̀ghoʼkəsə la sə̀ nshə̀ʼtə̀ kənyʉ̀ kə Nyìngòŋ.

Kəmwetə 3:11

Mà sə̀ laʼtə̀ ə bwènə̀ vì, ghə̀ŋ tuʼù ə̀ ghàʼ tò əziʼi yi a ghə̀ŋ sə̀ kiʼ ndi kə wìʼ lù sòʼ əmoʼtə ghəŋə.