Kòlòsyàns 2:16 - The New Testament in the Babanki language

¹⁶ Kə le diʼi la kə ghə̀ŋ moʼtə wìʼ ə tɨmə to nə̀ wìʼ ə soʼo əku təsoʼ a ghə̀ŋ kumə kəfo kì a ghə̀ŋ zhɨ kò vi a ghə̀ŋ nyʉ̀. Kə ghə̀ŋ moʼtə wìʼ ghaʼa ghə̀ŋ la ghə̀ŋ gumlə Nyìngòŋ nəkwoŋ a mətsi mə ghoʼo mə mətsenə a ngʉ̀ʼ kò a və sàŋ və tsenəvə kò a mətsi mə chʉʼ lòʼ Vəjus mətsen.

Kòlòsyàns 2:16 ပူးပေါင်းရင်းမြစ်များ

Matìyò 15:11

A ko diʼ kəfo kì a kə kwenə à wìʼ a chʉ̀ a kə nè la kə wìʼ ndiʼ wu laynə a ashɨ Nyìngòŋ, à bòŋsə̀ dìʼ nyʉ̀ vyi a və fʉ̀ fà wen a chʉ̀.”

Ŋwàʼlə̀ Mak 7:19

Kə diʼ alə̀ byìʼàndo ghə̀ zhɨ kəfo kò kə lu ndyʉ̀ à wen a tyɨm. Ghə̀ zhɨ kə dyʉ̀ à wen a bèm, fa tsu kə chò fʉ̀ tò fʉ fà wen a wèn.” (Yesò ngàʼà a lì ədìʼ la no kəfo kəzhɨkə kə kò kə laynə a məzhɨ.)

Shwèʼ 15:20

Vəghəŋ boŋsə̀ nyòʼ ŋwàʼlə̀ ə̀ shə̀ʼtə̀ a vəwenə la kə vəwenə à zhɨ̀ kəfo a və moʼò li a nə̀ kəku à vənyìngòŋ; la kə vəwenə à ntsi nə̀ ki kò nə̀ lʉmə viʼi, ko əpfiʼ tè nyàm tsen a və sɨŋsə̀ sɨŋsə, ko nyʉ mənlyuŋ.

Lumans 14:10

Kə diʼ alə, ghə̀ŋ vətsenvə sə soʼo vəlemə vəŋə byìʼì ghò? Ghə̀ŋ sə ki chasə vəlemə vəŋə vətsenvə byìʼì ghò? A ghə̀ŋ kɨli la vəghəŋ vətsèm lu tɨmə a kəshi kə nsòʼ Nyìngòŋ a?

Gàlesìyà 4:10

Ghə̀ŋ ghʉ li la mətsi mə tsèn, nə̀ və sàŋ və tsenəvə, nə̀ ngàm sə tsensə, nə̀ ngʉ̀ʼ sə tsensə sə diʼ boŋ nəkwoŋ.

Kòlòsyàns 2:20

Ghə̀ŋ sə diʼ to sə ghə̀ŋ və Klistò pfʉ li amuʼ zhwi vi a və soʼo mbi li ko be kiʼi kədyòʼ a ghə̀ŋ kətʉ. Kə le diʼ alə̀, ghə̀ŋ sə bo ghʉ̀ to təsoʼ tə mbi to nə̀ viʼi mbyi byìʼì ghò?

Hibùlù 13:9

Kə ghə̀ŋ a moʼtə və lobtə ghə̀ŋ no tèbe nə nki əziʼi ə kò. Kə bòŋ la a ne ətyɨm ə jùŋə Nyìngòŋ ə nè tətyɨm ə təŋtə tə totə, kə a ndiʼ byìʼì təsoʼ tyitə a ghə̀ŋ ghʉ̀ kumə nyʉ̀ ə fozhɨvə. Təsoʼ na tentə ko gyàmtə̀ tebè viʼi vi və ghʉ̀ təwen tə no fa mphen.

Hibùlù 9:10

Jì əmuʼ na ghèn lə ə kiʼi kənyʉ̀ ə ne kumə to kəfo kə zhɨkə nə̀ kəfo kə nyʉkə nə̀ ji sə tsen shisə a və diʼ ə nə̀ shʉ̀ laynsə viʼi fa tsù a shɨ Nyìngòŋ. A diʼ to təsoʼ tə njòsə wen, diʼ ə mè azhʉ̀ a Nyìngòŋ ə kwitə li no tèbe ghò ə vi nə̀ ji əfi.

Jems 4:11

Kə ghə̀ŋ a ngàʼà mbyɨ byìʼì vəlèmə̀ vəŋə a vəlèmə̀ vwomə. No ndò a ghə̀ gàʼà mbyɨ byìʼì lèmə̀ wen, ko a ghə̀ soʼo lèmə̀ wen, ə gàʼà mbyɨ byìʼì soʼ be soʼo soʼ ayi. A sətsèn wù soʼò soʼ mu wù ko nè kənyʉ̀ a soʼ ayi ə gàʼà, alì bòŋsə̀ diʼ wu soʼo.