Kòlòsyàns 2:15 - The New Testament in the Babanki language

¹⁵ A ndiʼ ando Klistò mpfʉ a kəntò, Nyìngòŋ ə nè əzhwi vyi a və soʼo nə̀ vyi a və tisə la kə və be kiʼ kədyòʼ, ə diʼsə kə tʉ kə zhwi na vyi ashɨ ə mbi ə tsèm. A le ji yì a ghə̀ ə̀ nzhɨ̀ əzhwi a venə fa tsù.

Kòlòsyàns 2:15 ပူးပေါင်းရင်းမြစ်များ

Matìyò 12:29

“Ghə̀ŋ diʼi kwòʼtə̀ la, wìʼ zì ghə̀ kwen a ngə̀ŋ wù kədyòʼ ə̀ ghaʼa shi fo wen, à bwen la ghə̀ ghaʼ li wù kədyòʼ ayì ə nkwiʼ a mbì mi lo? Ghə̀ diʼi nè a lì, ə mu tsòŋ ngə̀ŋ wen.

Ŋwàʼlə̀ Luk 10:18

Yesò gàʼ à vəwenə la,“Mà tə yen ando Satan lù fa kàŋ ə fəŋ tò nə̀ ghʉ a ghə̀ mwànə̀.

Ŋwàʼlə̀ Luk 11:22

Wù kədyòʼ tsen sətsèn vì to chò wen, sòyn əzhɨ wen, ghə̀ à boŋtə fo ghòŋ wen a ghə̀ yi zhəʼtə tsu boʼsə nə̀ fo a ghə̀ a tsoŋ ghə̀ dyʉ̀ gə̀tə̀ a ngwaʼ wen.

Joyn 16:11

Ghə̀ a diʼ ji yì a Nyìngòŋ ə lu soʼo mbyi fa tsù byìʼì ando fòyn yi a ghə̀ soʼo mbyi ghèn sə diʼ mù ghə̀ fəŋ li nsòʼ.

Joyn 19:30

Yesò ə nyʉ məlʉ̀ʼ na myì ə gàʼ la, “Kə mè li.” No zhʉ̀ko, kəzhwì kə wenkə mu ku pfʉ.

1 Kolìntyàns 15:24

Yesò lu to ə chò no əzhwi byɨvə no tsèm a və soʼo mbyi boʼsə nə̀ adyòʼ no tsèm. Sə chò fa yi abàm, ə mbyi mè, ghə̀ bwensə ku əfòynə ə wen a Nyìngòŋ ə Tìʼ.

2 Kolìntyàns 2:14

Alì, ma ku kəzòŋ kə Nyìngòŋ. Ghə̀ tisə yès to məzhʉ̀ ə tsèm, yès ə ndzɨ̀mtə̀ fa bàm ə Yesò zhɨ no gho na yì a yes ə nè. Ghə̀ ne yès ə gətə ntɨm ə Yesò, viʼi kɨ wen, ntɨm ayi saykə dyʉ̀ to shì ə tsèm to nə̀ kəlemtəkə kələŋkə.

2 Kolìntyàns 4:4

Viʼi a və ko byɨmə ko zhʉ̀ kɨ kənyʉ̀ byìʼì ando Satan a ghə̀ soʼo mbyi ghèn kəŋtə li tətof tə vəwenə la kə vəwenə byɨmə. Ghə̀ nè alə̀ la kə vəwenə yen əbayn yì a ntɨm ə jùŋ Klistò a ghə̀ diʼ kənfɨsə kə Nyìngòŋ ə vi nə̀ wenə ghə̀.

Efisyàns 3:10

Nyìngòŋ ə ne alə ndi kəzhwì nə̀ adyòʼ vyi a və tàynkə̀ chò fa kaŋ ə yenə ətof ə Nyìngòŋ yì a ghə̀ diʼi to a jisə a jisə.

Efisyàns 4:8

To ando və nyoʼ li a Ŋwàʼlə̀ Nyìngòŋ la: “Andiʼ ando ghə̀ bwensə kuʼu akəshi yi a kə ŋaŋtə kwʉʼ, Ghə̀ mphwo nè viʼi a ghə̀ temə zhɨ̀ a ghòŋ, və diʼ to kədə̀ŋ, ghə̀ be gətə məku a viʼi.”

Efisyàns 6:12

Ghə̀ŋ ne alə byìʼì ando vəghəŋ ko ə soynə tebè viʼi. Vəghəŋ ə boŋsə soynə əzhwì byɨvə vi a və diʼ a akàŋ nə̀ adyòʼ vi a və soʼo mbyi ghèn no ə tsèm nə̀ Vənyìngòŋ və mbyi a vəghəŋ diʼ tsu le, a və diʼ to nə̀ kəbəŋ kə fənəkə lə.

Kòlòsyàns 1:16

Nyìngòŋ ncho fa wen ə shɨtə no tèbe ghò yi a ghə̀ diʼi akàŋ nə̀ əfo ə tsèm vi a və diʼi a nse. Nyìngòŋ ə nshɨtə əfo vi a wìʼ zi ghə̀ yenə nə̀ vi a wìʼ zi ko ghə̀ lə yenə. Ghə̀ ə nshɨtə zhwi vi a və kiʼi kədyòʼ nə̀ vi a və soʼo nə̀ vi a və tisə. Nyìngòŋ ə nshɨtə fo ə tsèm chò fa a wen. Ghə̀ nshɨtə fo na vyi a wen.

Kòlòsyàns 2:10

Ghə̀ŋ ko be gho no kənyʉ̀ kətsenkə a tyi ə Klistò. Ghə̀ diʼ kətʉ̀kə ə zhwi ə tsèm vi a və soʼo be kiʼi kədyòʼ.

Hibùlù 2:14

Vunə a venə a ghə̀ ngaʼa ə ndiʼ to no viʼi a və kiʼi njòsə wen. A le kənyʉ̀ ki a kə nè, Yesò ə bwensə ə sə diʼ wìʼ to nə̀ vəwenə ndi ghə̀ pfʉ ə byɨbsə wèn yi a ghə̀ ne la viʼi mpfʉ, à ji Deblə̀.

Kəmwetə 12:9

Və mòʼ shìʼsə nyàm ə fànsə ayì a nse, zhù ə mu yì a və ndzàŋə̀ nə̀ Deblə̀ bènə̀ Satan. Adiʼ wen yì a ghə̀ lobtə̀ viʼi mbyi no vətsèm. Və mòʼ shìʼsə wen a nse wenə̀ ntsɨ̀ŋsə wen tò sətsèm.

Kəmwetə 20:10

Luwen və mu maʼ Deblə̀ yi a ghə̀ lobtə vəwenə ati mo əzhiʼ be nə̀ məkàyn. Kəshi a kenkə ndiʼ kəshi a və be moʼ shiʼ sə nə̀ nyam ə toʼ yi wenə nshə̀ʼtə̀sə kənlobtə shisə. Və lu nku ngəʼ a vəwenə nə̀nchwì nə̀ nəchʉʼ zaʼa no fa ze.