Kòlòsyàns 2:12 - The New Testament in the Babanki language

¹² A ndiʼ ndo ghə̀ŋ shi mu, və bvɨmə li ghə̀ŋ və Klistò, vye vəwenə mbwensə li lù fa pfʉ a amuʼ əcho fa byɨmə yi a ghə̀ŋ kiʼi a kədyòʼ Nyìngòŋ ki a kə nlùsə Klistò fa pfʉ.

Kòlòsyàns 2:12 ပူးပေါင်းရင်းမြစ်များ

Ŋwàʼlə̀ Luk 17:5

Viʼi ntɨm vì gaʼa Bobo la, “Nè yès tuʼù kiʼi byɨmə a Nyìngòŋ!”

Shwèʼ 14:27

Vəwenə nè vì zaʼa a Antìyòk, ə̀ tsèntə̀ nòyn viʼi vəbyɨməvə no tsèm ə̀ shə̀ʼtə̀ nyʉ̀ vyi a Nyìngòŋ ə̀ gyàmtə̀, vəwenə ə̀ nè no tsèm, bè shə̀ʼtə̀ tò ando ghə̀ ku ji la viʼi tɨm byɨmə à Yesò.

Shwèʼ 2:24

alì Nyìngòŋ nè ghə̀ lù fa pfʉ ə̀ bwòŋsə̀ wen fa kədyòʼ kə pfʉ byìʼàndo ji ko ndìʼ a pfʉ nzì ghə̀ lə̀ ghaʼa wen.

Shwèʼ 2:32

Nyìngòŋ nkye li la Yesò aghèn lu fa pfʉ. Vəghəŋ vətsèm dìʼ viʼi və yenəvə a kənyʉ̀ aghèn.

Lumans 4:24

Və mbe nyòʼ a vəghəŋ vyi a və byɨmə Nyìngòŋ yi a ghə̀ nlùsə Bobo vəghəŋ Yesò fa pfʉ.

Lumans 7:4

Kə le diʼ la ghə̀ŋ luwen a vəlemə vwomə la ghə̀ŋ diʼ to ali ando ghə̀ŋ pfʉ̀kə li. Əsoʼ ə kə be ə kiʼ kənyʉ̀ ə nè a ghə̀ŋ byìʼì ando ghə̀ŋ ə pfʉ li ghə̀ŋ və Yesò ə sə diʼ əshyə əwen ə wen. Kə le diʼi la, à kiʼi wen kiʼ ghə̀ŋ luwen, a diʼi wen yi a Nyìngòŋ ə nlùsə fa pfʉ ə nè la vəghəŋ ə kumə ashɨ ə jùŋ ghə̀ a Nyìngòŋ.

1 Kolìntyàns 12:13

Vəghəŋ nkaʼkə li ə sə diʼ to əwèn ə mùʼ a tʉʼ a kəzhwì kə Ŋwoʼkə nku mu a vəghəŋ, kò a ndiʼ la, vəghəŋ diʼ viʼi Jus, kò vəghəŋ ə ndiʼ viʼi ətɨm, kò vəghəŋ ə ndiʼ əkòs a wìʼ, ko vəghəŋ ndiʼi fa vəghəŋ a ngeŋsə. Nyìngòŋ ə ku li Kəzhwì na kènkə kə mùʼ, to a vəghəŋ vətsèm.

1 Kolìntyàns 15:20

Alì kə ko diʼ ali. Kə diʼ to no nəmwèʼè la və lusə li Yesò fa pfʉ, a diʼi wen yi a ghə̀ nlù fa pfʉ a ambì ə viʼi vətsèm ə diʼ la viʼi ə lu lù fa pfʉ.

Gàlesìyà 3:27

Nò ghə̀ŋ və tsèm a ghə̀ŋ nshi mu, ə tsèntə vye və Yesò ə sə diʼ mù ghə̀ŋ lyɨ li ntsìnə̀ wen.

Efisyàns 2:8

A diʼ byìʼì ə tyɨm ə jùŋ ghə̀ ə Nyìngòŋ a ghə̀ kiʼi a ghə̀ŋ a ghə̀ ə mbwòŋsə̀ ghə̀ŋ chò fa ghə̀ŋ a əbyɨmə. Ghə̀ŋ nko ne kənyʉ̀ fa ghə̀ŋ a ngeŋsə a kə nè la ghə̀ŋ əbwòŋ. Əbwòŋ ghenə a ghə̀ŋ kiʼi lə diʼ kəku fa Nyìngòŋ. Kə lə diʼi la wìʼ ə zizi ko ghə̀ lu kùm kədyʉ̀ʼ byìʼì kəwenkə.

Efisyàns 3:17

ndi əbyɨmə ə ghəŋə nè Klistò ə nshɨtə tsi a ghə̀ŋ tətyɨm. Ma jɨ̀mə̀ la əkòŋ ghəŋə a Nyìngòŋ ne ghə̀ŋ kòŋ təwen ə təŋtə kwi ə to tò nə̀ fəkoʼ a ghaŋ yi dyʉ̀ li a nse be diʼ to nə̀ ngə̀ŋ a kəchɨ ki ə to a nse.

Efisyàns 3:7

Ma ə nzìtə̀ shə̀ʼtə̀ ə ntɨm ə jùŋ a ghèn mu à ku Nyìngòŋ əku kədyòʼ kə wen la mà nè. Nyìngòŋ ne alə̀ byìʼì ətyɨm ə jùŋə ghə̀ ə wen.

Efisyàns 4:5

Vəghəŋ kiʼi to Bobo ə mùʼ, vəghəŋ əbyɨmə to kənyʉ̀ kə mùʼ, vəghəŋ nshi mu to a kwi kənyʉ̀ kə mùʼ.

Efisyàns 5:14

Kə diʼ alə̀ byìʼì ando à nè əbayn nè ənyʉ̀ byɨvə və kə̀ʼə̀ a ndayn. A le kənyʉ̀ ki a kə ne və ə gàʼ la: “Wu bʉnə lù fa mbinsə. Lu fa pfʉ̀ ndi əbaynə Klistò əbayn a wù.”

Filìbàyns 1:29

Ma gàʼà alə̀ byìʼì ando Nyìngòŋ ə diʼi li ə tyɨmə jùŋə ghə̀ a ghə̀ŋ ə ne la ghə̀ŋ byɨmə Klistò ə be yènə ngəʼ byìʼì wen.

Kòlòsyàns 1:29

A diʼ byìʼì ənyʉ̀ a venə a ma taŋkə, shwèʼè nə̀ kədyoʼkə kì a ghə̀ kù a mo.

Kòlòsyàns 2:13

A ndiʼ fa ambì, ghə̀ŋ ndiʼ mù ghə̀ŋ phɨkə li a ghə̀ŋ a mbyɨsə, be diʼ ko andiʼ la və shisə ətyɨm ə byɨghə yi a ghə̀ŋ nkiʼi. Nyìngòŋ ə nè li ghə̀ŋ və Yesò ə bwènsə̀ lù ə sə tsi. Ghə̀ lysə li ku nyʉ̀ ə byɨvə ə vəghəŋ to ə tsèm,

Hibùlù 12:2

Vəghəŋ tom a shɨ ə vəghəŋ to wen Yesò. A diʼi wen a ghə̀ bʉ̀ʼ ji əbyɨmə ə vəghəŋ, a be diʼ to wen a ghə̀ tisə əbyɨmə na yi dyʉ̀ zàʼa a kəmwètə. Ghə̀ mbyɨmə li ə pfʉ a kəntò kò kətʉ kə wen ndiʼi byìʼì nki pfʉ na ghèn byìʼì ando ghə̀ nkɨ li la à na diʼ fa yi bàm, a ghə̀ nsaŋlə̀. Ghə̀ diʼ luwen, nyʉ̀ʼ a kwoŋ ə toghə a benə kəkɨ kə təfòyn yi a Nyìngòŋ ə nyʉ̀ʼ tsu.

Hibùlù 6:2

la viʼi diʼ ə shi mu, və diʼ ə ghʉ̀ avu a viʼi a tʉ̀ bwaʼsə vəwenə, la viʼi lu lù fa pfʉ, la Nyìngòŋ ə lù soʼ viʼi a kəmwetə kə mbyi.

1 Bità 3:21

Mu na mèyn a vəwenə ə lyeʼə fa yi akwi ə bwòŋ lə ə diʼi shi a mu yì a ghə̀ŋ shi luwen əbwòŋ chò fa Yesò Klistò ə diʼ la ghə̀ŋ maʼa li mbyɨ shəŋsə. Ma ko gàʼa kumə tèbè mu mì a ghə̀ŋ shʉ əwenə ghenə tsu, ma gàʼa kumə kənyʉ̀ a ghə̀ŋ ghʉ li la tətyɨm ə təŋtə ne laynə ashɨ Nyìngòŋ. Mu a mèyn ə bwòŋsə ghə̀ŋ chò fa məlù yi a Yesò Klistò ə lùli fa pfʉ.