Kòlòsyàns 1:6 - The New Testament in the Babanki language

⁶ Ntɨm ə jùŋ ghèn ə dyʉ̀ no shì ə tsèm a mbi, ghə̀ be vi nə̀ kwitə a viʼi a ntsìnə̀sə. Ntɨm ayi nvi li nə̀ kwitə a ghə̀ŋ ə zìtə̀ fa achʉʼ yi a ghə̀ŋ ə nzhʉ əkɨ nəmwèʼè kumə ətyɨm ə jùŋə Nyìngòŋ.

Kòlòsyàns 1:6 ပူးပေါင်းရင်းမြစ်များ

Matìyò 24:14

Və lu shə̀ʼtə̀ ntɨm jùŋə byìʼì soʼ Fòyn Nyìngòŋ a mbi ghèn no tsèm ndi viʼi təloʼ no tətsèm kɨ nəmwèʼè fa yi a bàm zhʉ mu kwʉ̀ʼ ə mbi me.

Matìyò 28:19

Ghə̀ŋ dyʉ̀ lì à viʼi no a təloʼ tətsèm shəʼtə̀ ntɨm jùŋə ghom à vəwenə ndi vəwenə byɨmə ə̀ dzɨ̀mtə̀ mò, ghə̀ŋ ku mu à vəwenə a zhiʼ Tìʼ nə̀ wàyn bènə̀ kəzhwì kə ŋwoʼkə,

Ŋwàʼlə̀ Mak 16:15

Ghə̀ mù gàʼ à vəwenə la, “Ghə̀ŋ dyʉ̀ a təshyə tə mbi no tətsèm ə̀ shə̀ʼtə̀ ntɨm jùŋə̀ à viʼi vətsèm.

Ŋwàʼlə̀ Mak 4:8

A tsenghə fəŋkə no a nse jùŋə, kuʼ ə̀ kù no a nkayn, və sə fʉ pfì. Ashɨ asaŋ nku a kətʉ kə saŋ tsenghə ghoʼo zaʼa a məwum ntaʼ; ku a kətsenkə məwum ntʉfə, be ku a kətsenkə ghɨ.”

Joyn 15:16

A ko tə tsuʼ ghə̀ŋ tsuʼ mo. A tə lù mò tsuʼ ghə̀ŋ ə tɨm la ghə̀ŋ dyʉ̀ ə kumə ashɨ, a diʼ a yi a ghə̀ zizi ghə̀ tsi faŋ. Ghə̀ŋ nè ali, Tìʼ ghom a ku no tèbe ghò yi a ghə̀ŋ bèmə fa wen chò fa mo azhiʼ.

Joyn 17:19

Ma kù wen ghomə a wù ndiʼ vəwenə be boŋ kù təwen tə vəwenə a wù nəmwèʼè.

Joyn 4:23

Əzhʉ ə kuʼ vi, alì mu ghə̀ sə diʼ mu ghə̀ kuʼ li no kwʉ̀ʼ a viʼi a və kuʼsə Nyìngòŋ nəmwèʼè, diʼ kuʼsə əwen a kəzhwì bènə̀ a nəmwèʼè. A diʼ nki viʼi a venə a Nyìngòŋ ə kəŋ la və ə kuʼsə wen.

Shwèʼ 11:18

Andìʼ ando Vəjew vəbyɨməvə nzhʉ kənyʉ̀ a Bità ngaʼà, vəwenə nko bè ghàm wen. Vəwenə sə bwomsə̀ Nyìngòŋ gàʼà la, “Nyìngòŋ be ku ji à viʼi tɨm la vəwenə kwitə tətyɨm tə vəwenə fa vəwenə a nyʉ̀ byɨvə ndi lu kiʼi bwòŋ.”

Shwèʼ 12:24

Kənyʉ̀ kə Nyìngòŋ kə sə sàykə dyʉ̀ tò nə̀ mbì.

Shwèʼ 16:14

Andìʼ a tì ki avenə a və mvì zhùŋtə̀ və sə zhʉtə̀ ando Bol gàʼà lì, wùwì tsen diʼ tsu, a zhiʼ wen ndìʼ Lydiyà mu ghə̀ lù fa ntə̀ʼ Tatiliyà. Ghə̀ nè mbaʼlə̀ nə̀ ndisə a ko yi nto no nànto, a be diʼ wùwì a ghə̀ ngumlə̀ Nyìngòŋ. Bobo bòʼtə̀ kwòʼtə̀ wen la ghə̀ ntùʼù zhʉtə̀ nyʉ̀ vyi a Bol ngàʼà lì ə̀ byɨmə nyʉ̀ a vyi.

Shwèʼ 26:18

Wù ne bòʼtə ashɨ vəwenə be shìsə vəwenə fà ti mfɨnə̀ ə kwensə a tì bayn. Wù ne nè, vəwenə fʉ fà tì soʼ Satan ə̀ dyʉ̀ à Nyìngòŋ ndi və lyesə kù nyʉ̀ byɨvə vəwenə bè nè vəwenə nkiʼ kəshi a tì nòyn viʼi vi a Nyìngòŋ tsuʼli byìʼì byɨmə yi a vəwenə kiʼ à mò.’

Lumans 1:13

Ma kəŋ la ghə̀ŋ kɨ a vəlemə vwomə la ma baʼtə̀ li ə vi ə ghàyntə ghə̀ŋ a aghayn no kədə̀ŋ, ali baʼtə̀ no zhʉ̀ko, kənyʉ̀ kə ə vi ə taʼsə to taʼsə. Ma kəŋ ə vi ə ziʼi viʼi la və ndzɨ̀mtə̀ Yesò ndə̀ŋndəŋ ando a mà ziʼi li viʼi ətɨm vətsenvə.

Lumans 15:19

Ghə̀ nè li, ma sə nè nyʉ̀ ə kaynəvə to a tənkì a tənkì cho fa kədyòʼ kə kəzhwì kə Ŋwoʼkə. Ma shə̀ʼtə̀ li ntɨm ə jùŋ kumə Yesò to shì ə tsèm, ə zìtə̀ fa Jelusalèm ə dyʉ̀ ə zàʼa a Ililikùm.

Lumans 15:28

Ma dyʉ̀ yen vəwenə ə ku əko na ghenə no zhʉ̀ ko ə sə dyʉ̀ a Sɨ̀ben ə chò ghayntə ghə̀ŋ mibu dyʉ̀.

Lumans 16:26

luwen sə ə diʼ mù ghə̀ diʼi li kənyʉ̀ na kènkə a ndayn əchò fa nyʉ̀ yi a nshə̀ʼtə̀ sə ghoʼkəsə ə nyoʼo kumə Yesò. Ghə̀ ngaʼa li la viʼi vətsèm byɨmə ə zhʉtə, a diʼ wen yi a ghə̀ fàŋ li nəmwèʼè.

2 Kolìntyàns 10:14

Yès ko kumə kədyʉ̀ʼ a kənyʉ̀ a yès ə ko tə ne to ando kə yi ndiʼ ndiʼ a zhʉ a yès ə ko tə vì zaʼa a ghə̀ŋ a ntìntìn. Yès ə ndiʼ mbìsə viʼi ə vi nə̀ ntɨm ə jùŋ byìʼì Yesò Klistò a ghə̀ŋ.

2 Kolìntyàns 6:1

A nə̀ viʼi a və shwèʼè wenə və Nyìngòŋ amuʼ, yès ə sensə ghə̀ŋ la ando Nyìngòŋ ə diʼ li ə boŋ tyɨm ə wen a ghə̀ŋ lə, kə ghə̀ŋ a nè ə boŋ tyɨm ə wen a ghenə lè to kədyàŋ.

Efisyàns 3:2

Ma kɨli la ghə̀ŋ zhʉ̀ li ando Nyìngòŋ ə ndiʼ ətyɨm ə jùŋə a mò ə ku shwèʼ a ghenə la mà ne a ghə̀ŋ, a ghə̀ŋ njùŋ.

Efisyàns 4:21

Kə diʼ to no nəmwèʼè la ghə̀ŋ ə nzhʉ li nyʉ̀ kumə Klistò, və be ziʼi ghə̀ŋ nə̀ nyʉ̀ vyi a və diʼi nəmwèʼè kumə Klistò.

Efisyàns 4:23

Və ə mbe nziʼi la ghə̀ŋ maʼa ntsìnə̀ ə mu na yì ə boŋsə kwoʼtə a ji ə fi.

Efisyàns 5:9

Ma gàʼà alə̀ byìʼì ando no fè a əbayn ə diʼ tsu, ə nyʉ̀ ə jùŋə və ə fʉ̀ kuʼu tsu, viʼi tsi ətsìnə̀sə tɨməsə be ne to ə nyʉ̀ vyi a və diʼi nəmwèʼè.

Filìbàyns 1:11

Kə sətsen ə ndiʼ alə̀ Yesò Klistò a nè, ghə̀ŋ ne ntsi ntsìnə̀ ə tɨmə, ndi viʼi yen ə ku əkuʼsə a Nyìngòŋ ə, be bwomsə wen.

Filìbàyns 4:17

Mà ko gàʼà a lə̀ la mà be kəŋə la ghə̀ŋ ku kəfo à mò, mà bòŋsə̀ kəŋə la Nyìngòŋ kwʉʼsə̀ mòʼtə̀ ə ghəŋə.

Kòlòsyàns 1:10

Kenkə a ne ghə̀ŋ əntsi ntsìnə̀ yì a Bobo kəŋ, a diʼ yi a ghə̀ ne nsaŋlə to jisə tsèm, ntsìnə̀ na ghèn ne la ghə̀ŋ ne tənki tə shwèʼè tə jùŋ tə tò tətsèm be tuʼtə kɨ wen ə dyʉ̀ nə̀ mbì.

Kòlòsyàns 1:23

Kə ne ndiʼ ali a zhʉ ghə̀ŋ tuʼtə ghaʼ əbyɨmə a yi la ghə̀ ntò to tò. Kə ghə̀ŋ moʼtə kənyʉ̀ kə nə̀ʼsə̀ kwoʼtə yi a ghə̀ŋ kiʼi byìʼì ntɨm ə jùŋ yi a ghə̀ŋ tə zhʉ li. Nò mò Bol diʼ wù ə shwèʼè Klistò, shə̀ʼtə̀ to ntɨm jùŋ na ghèn, a diʼ wen yì a və sə diʼ mù və nshə̀ʼtə̀ li no a viʼi və tsèm a mbi.

1 Tèsàlonyà 1:5

byìʼì ando yes ə ko ə ziʼi ntɨm ə jùŋ kumə Yesò Klistò a ghə̀ŋ to fa chʉ̀. Yes ə diʼi nyʉ̀ ə kaynə və vi a kəzhwì kə Ŋwoʼkə nè a ghə̀ŋ. Ghə̀ ngaʼa kənyʉ̀, kɨ to no la kə diʼ nəmwèʼè. Ghə̀ŋ kɨli ando yes ə ntsi a ghə̀ŋ a ntìntìn. Ntsìnə̀ a ghèn ndiʼ ə nè la ghə̀ŋ ziʼi kənyʉ̀.

1 Tèsàlonyà 2:13

Yes ə ku kəzòŋ a Nyìngòŋ to məzhʉ̀ ə tsèm byìʼì ando à ndiʼ ando yès nvi ə shə̀ʼtə̀ ntɨm ə yì a Nyìngòŋ ə gàʼa la yes vi shə̀ʼtə̀ a ghə̀ŋ, ghə̀ŋ zhʉ̀ ə byɨmə la à diʼi ntɨm mu ghə̀ lù to no fa Nyìngòŋ, a kodiʼ fa wìʼ. Ntɨm na ghèn ə shyèʼ a ghə̀ŋ a ntìntìn ə viʼi və byɨməvə.

2 Tèsàlonyà 2:13

Yès diʼ ku kəzòŋ a Nyìngòŋ to məzhʉ̀ ə tsèm byìʼì ghə̀ŋ ə vəlemə. Bobo kòŋ li ghə̀ŋ, ghə̀ŋ sə diʼ a nòyn ə̀ viʼi vyi a ghə̀ ə̀ ntsuʼ no fa kəzìtə̀ ə bwoŋsə chò fa əshyèʼ yi a kəzhwì kə Ŋwoʼkə ə nè ə ghʉ̀ ghə̀ŋ ə laynə ə be chò fa əbyɨmə yi a ghə̀ŋ kiʼi kùmə̀ nyʉ̀ vyi a və diʼi nəmwèʼè.

1 Bità 5:12

A gyàmtə̀ Silàs ngyàmtə̀ mò ma nyoʼtə fə ŋwàʼlə̀ na fenfə a ghə̀ŋ. Ghə̀ diʼ to no lèmə̀ ə jùŋ a əbyɨmə. Mà nyoʼtə mənyʉ̀tə a mèyn ndiʼ ghə̀ŋ lɨ̀mtə̀, ə be ə diʼi a ghə̀ŋ la Nyìngòŋ ə nshɨtə tùʼmə̀ nə̀ ghə̀ŋ. Ghə̀ŋ tɨmə ə nto a tuʼmə a ghèn.