Kòlòsyàns 1:29 - The New Testament in the Babanki language

²⁹ A diʼ byìʼì ənyʉ̀ a venə a ma taŋkə, shwèʼè nə̀ kədyoʼkə kì a ghə̀ kù a mo.

Kòlòsyàns 1:29 ပူးပေါင်းရင်းမြစ်များ

Ŋwàʼlə̀ Luk 13:24

“Ghə̀ŋ mwòmsə no nə̀ kədyòʼ ə cho fa chʉ ngə̀ŋ a ghə̀ faʼsə ə kwen a kəshi kə fòyn Nyìngòŋ. Ghə̀ŋ kɨ la viʼi no və ghoʼo lu nkəŋ kwen fa tsu ali kə to ghoʼo vəwenə.

Lumans 15:20

Mà tuʼtə kòŋ to ə shə̀ʼtə̀ ntɨm ə jùŋ ashi a viʼi ko təmə ə zhʉ̀ kənyʉ̀ tsu kumə Yesò. Ma ko kòŋ ə bè ə shə̀ʼtə̀ a kəshi mu viʼi sə kɨ kənyʉ̀ tsu kumə Yesò, kə kə ne diʼi la ma shyèʼè a kəshi ə wù kədyàŋ.

Lumans 15:30

Ma sensə ghə̀ŋ a vəlemə vwomə la ghə̀ŋ ə jɨ̀mə̀ a mò no nə̀ kədyoʼkə. Ghə̀ŋ ə jɨ̀mə̀ byìʼì ando vəghəŋ ə kiʼi to əbyɨmə ə mùʼ a Bobo vəghəŋ Yesò Klistò, kəzhwì kə Ŋwoʼkə be nè la vəghəŋ ə̀ kòŋ təwen tə vəghəŋ.

1 Kolìntyàns 12:11

Ənyʉ̀ na venə no ətsèm a ne to Kəzhwì na kènkə kə mùʼ lə. Kə kù no tèbe nki kəku kə kò, no tèbe a ndò, to ando kə kòŋ.

1 Kolìntyàns 12:6

Jisə shwèʼ sə diʼ to kədə̀ŋ, alì Nyìngòŋ yi a ghə̀ diʼi jisə na shisə sətsèm a viʼi vətsèm diʼ to əmùʼ

1 Kolìntyàns 15:10

Alì byìʼì ətyɨm ə jùŋə Nyìngòŋ, ma sə diʼ kəfo kì a ma diʼi kəwenkə luwen. Ətyɨm ə jùŋə na ghenə ko lè kədyàŋ. Ma boŋsə li shwèʼ no nə̀ kədyoʼkə, shwèʼ chò no ndò a ntìntìn ə̀ viʼi ntɨm no tèbe ando à ko tə nlaynsə shwèʼè mò, à tə nshwèʼè ətyɨm ə jùŋə Nyìngòŋ na yi a mò a wèn.

2 Kolìntyàns 11:23

Vəwenə ngàʼa la vəwenə diʼ viʼi və shyèʼè ə Yesò. Ma bòŋə shyèʼè a Yesò, chò tèbè vəwenə. Mà sə gàʼà dyʉ̀ to sə ma bomə bomə. Ma shyèʼè li nchò vəwenə. Və shwinə̀ li mò a nfɨŋ to aghayn aghayn chò ando və shwinə̀ vəwenə. Və ghòmə li mò to aghayn a kədə̀ŋ ə be shwe ə zhwi mo to aghayn aghayn.

2 Kolìntyàns 13:3

Ma a vì ə diʼ a ghə̀ŋ la ma gàʼà no tèbe la ghò, mu à gàʼ Yesò byìʼì ando à diʼ kənyʉ̀ kì a ghə̀ŋ kəŋ ə zhʉ. Ma diʼ a ghə̀ŋ la Yesò ko bwaʼa, la ghə̀ boŋsə diʼi tò nò kədyòʼ kə wen a ghə̀ŋ a ntìntìn.

2 Kolìntyàns 5:9

A le kənyʉ̀ ki a vəghəŋ ə mwomsə no nànto ə nè nyʉ̀ vyi a və bòŋ a Bobo, kò vəghəŋ diʼ a wèn ashə̀, kò vəghəŋ kə be kiʼ ə wèn a ghenə.

2 Kolìntyàns 6:5

Və ghòmə li yès ə nshwin yès a nfɨŋ, ə tɨm ənòyn ə viʼi la və tsɨblə nə yès. Və nè li yès shyèʼ chò kədyòʼ ə kyeskə; yès tsì li mətsi mətsenə nə̀ jɨ̀ŋ, ko mbʉ̀nə ə ku əshɨ yesə.

Efisyàns 1:19

Ma be jɨ̀mə̀ a ghə̀ŋ la ghə̀ŋ yen ə kɨ kədyòʼ kə kaynə kə kì a Nyìngòŋ ə kiʼi, a diʼ kəwenkə a kə gyàmtə̀ vəghəŋ ə viʼi və byɨməvə. A diʼ to kə kədyòʼ kə ghoʼkə,

Efisyàns 3:20

Luwen əkuʼsə ə dyʉ̀ a Nyìngòŋ yi a ghə̀ kiʼi kədyòʼ ə ku fo, və ghoʼo no nànto, chò vyi a vəghəŋ loyn li a jɨ̀m, nə̀ vi a vəghəŋ zizi ko və lu kwòʼtə̀ ə loyn. A diʼ shwèʼ, nə̀ kədyoʼkə wen kì a kə diʼi a vəghəŋ a tyi wen.

Efisyàns 3:7

Ma ə nzìtə̀ shə̀ʼtə̀ ə ntɨm ə jùŋ a ghèn mu à ku Nyìngòŋ əku kədyòʼ kə wen la mà nè. Nyìngòŋ ne alə̀ byìʼì ətyɨm ə jùŋə ghə̀ ə wen.

Filìbàyns 1:27

Ko a fʉ no te ghò, ghə̀ŋ tsi ando ntɨm ə jùŋ ə Klistò ə kəŋ ndi mà sətsen vi tèbe vi ə yen ghə̀ŋ, kò zhʉ byìʼì ghə̀ŋ a zhʉ a ma ko diʼ, mà ə kɨ la ghə̀ŋ ə ko kwitə fa kiʼi kwoʼtə ə mùʼ, tsi to a kənyʉ̀ kə mùʼ, shyèʼ no nə̀ kədyoʼkə be soynə ə ghaʼa əbyɨmə yì a ntɨm ə jùŋ ə ziʼi.

Filìbàyns 1:30

Ghə̀ŋ ə̀ soynə to soynə. Ghə̀ŋ kɨli la nakèn kə diʼ əsoyn yì a ghə̀ŋ nzhʉ̀ la ma nsoynə, luwen sə diʼ ma bo soynə to soynə.

Filìbàyns 2:13

Kədiʼ a li byìʼàndo Nyìngòŋ diʼ wenə vəwenə no məzhʉ tsèm, ku kədyòʼ la ghə̀ŋ ə nkòŋ ənè nyʉ̀ a ghə̀ kəŋə la ghə̀ŋ ə nè.

Filìbàyns 2:16

Ghə̀ŋ ə ntsi ando ntɨm ə̀bwòŋ ghèn ə ziʼì la və ntsi ndi à lu ndiʼ a kətsi a Klistò ə bwènə̀ vì, mà ə nsaŋlə̀ la mà ko nshwèʼè kwàʼtə̀ əwen ə ghomə tò kədyàŋ.

Kòlòsyàns 2:1

Ma kəŋ la ghə̀ŋ kɨ ando ma ntaŋkə li ne shwèʼè no nə̀ kədyoʼkə a ghə̀ŋ viʼi və byɨməvə və, ə be ə shwèʼè a viʼi vyi a və tsi a loʼ Làdisìyà no vətsèm nə̀ vi a nkàyntə̀ vəwenə ko tɨmə yen mò.

Kòlòsyàns 2:12

A ndiʼ ndo ghə̀ŋ shi mu, və bvɨmə li ghə̀ŋ və Klistò, vye vəwenə mbwensə li lù fa pfʉ a amuʼ əcho fa byɨmə yi a ghə̀ŋ kiʼi a kədyòʼ Nyìngòŋ ki a kə nlùsə Klistò fa pfʉ.

Kòlòsyàns 4:12

Èbafàlàs yi a ghə̀ diʼi tamə wù ənòyn ə ghə̀ŋ, be diʼ wù ə shwèʼè a Yesò Klistò gaʼa li la mà toŋtə ə ghə̀ŋ. Ghə̀ zhʉsə jɨm no zhʉ̀ko, ghə̀ sə kwoʼtə ghə̀ŋ a wen a jɨ̀m no akayn, sensə la Nyìngòŋ ə nè ghə̀ŋ faŋ to ati əbyɨmə ghə̀ŋ, ə kwi tsù, ə shɨtə kɨ be ne nyʉ̀ ə tsèm vi a ghə̀ kəŋ.

1 Tèsàlonyà 2:9

Vəlemə, ghə̀ŋ kɨli ando yes ə nshyèʼ no nə̀ kədyoʼkə. Yes ə nshyèʼ nə̀nchwì shyèʼ nətʉʼ ndi kə ghə̀ŋ faŋ nlè kəfo a yes a kətʉ ando yes ə shə̀ʼtə̀ ntɨm ə jùŋ na ghèn a ghə̀ŋ a Nyìngòŋ ə ku la yes ə shə̀ʼtə̀.

2 Tèsàlonyà 3:8

Yès ə ko ə zhɨ̀ kəfo kə wìʼ faŋ kye lòʼ. Yès ə shyèʼè no nə̀ kədyoʼkə. Yès ə nshyèʼè nə̀nchwì shyèʼè nətʉʼ byìʼì ando yès ə ko ə kòŋ ə ku ngəʼ a ghə̀ŋ.

2 Timotì 2:10

A dìʼ byìʼì kənyʉ̀ a kenkə a ma kiʼi kwiʼi ətyɨm tò ənyʉ̀ ə tsèm byìʼì viʼi vyi a Nyìngòŋ tsuʼ li ndi vəwenə lu kiʼi əbwòŋ chò fa Yesò Klistò ə kiʼi əkuʼsə no məzhʉ ntsèm.

Hibùlù 12:4

Kə diʼ nəmwèʼè la ghə̀ŋ soynə mbyɨ fa ghə̀ŋ a ntsìnə̀sə ali wìʼ ə ko tɨmə ə pfʉ fa ghə̀ŋ a ntìntìn byìʼì ngəʼ na ghèn.

Kəmwetə 2:3

Mà kɨ la ghə̀ŋ kwiʼi tətyɨm mu ghə̀ŋ be yèn ə ngəʼsə byìʼì mò no sə ghoʼo, kènla ghə̀ŋ ə bwaʼkə li,