Kòlòsyàns 1:28 - The New Testament in the Babanki language

²⁸ A le kənyʉ̀ ki a yes ə shə̀ʼtə̀ ntɨm kumə wen, ku kətyiftə be ziʼi viʼi və tsèm nə̀ ətof ə tsèm ə, ndiʼ yès ne vəwenə nə̀ diʼ wenə Klistò amuʼ ə vi ashɨ Nyìngòŋ to nə̀ viʼi a və ti a kayn.

Kòlòsyàns 1:28 ပူးပေါင်းရင်းမြစ်များ

Matìyò 28:20

ghə̀ŋ nziʼì vəwenə la vəwenə nghʉ nyʉ̀ vyi no tsèm a mà tə̀ gàʼ la ghə̀ŋ nè. Ghə̀ŋ nkɨ la mà ndiʼ vəghəŋ no məzhʉ̀ ntsèm.”

Matìyò 3:7

Joyn ne yen ando viʼi Falàsi nə̀ viʼi Sadùsi mbe vì no və ghoʼo la ghə̀ ku mu à vəwenə kèn la vəwenə kwitə li tətyɨm tə vəwenə, ghə̀ mù gàʼ à vəwenə la,“Zhusə byɨ sènsə, a tofsə ndò ghə̀ŋ, ghə̀ŋ sə kəŋ nyɨŋ ngəʼ yì a Nyìngòŋ kəŋ tɨm a ghə̀ŋ a?

Matìyò 5:48

Ntsìnə̀ shəŋsə diʼ ŋwòʼə̀ ando ntsìnə̀ Tiʼi ghə̀ŋ a kàŋ ŋwòʼə̀.”

Ŋwàʼlə̀ Mak 6:34

Ghə̀ dyʉ̀ nè sə zaʼa tsu ə̀ yèn nòyn viʼi no ghoʼo, sə kiʼ kusə nshinsə à vəwenə byìʼàndo vəwenə ndìʼ tò nə̀ byisə kèn nə̀ ntsɨ̀ŋ. Ghə̀ mù sə dìʼsə vəwenə nə̀ nyʉ̀ no ghoʼo.

Ŋwàʼlə̀ Luk 21:15

byiʼàndo mà lu ku gàʼ a tof à ghə̀ŋ a wìʼ ko lə chò kò tènsə nyʉ̀ vyi a ghə̀ŋ gàʼà.

Shwèʼ 10:36

Ghə̀ŋ kɨ li kənyʉ̀ byìʼì ntɨm yi a Nyìngòŋ tɨmə̀ à viʼi Islel, adiʼ ntɨm jùŋ yì a ghə̀ vì nə̀ mbwaʼmə̀ əchò fà Yesò Klistò. Yesò aghèn dìʼ Bobo viʼi vətsèm.

Shwèʼ 11:20

Viʼi vəbyɨməvə vətsenvə fʉ̀ vì fa Saybùs nə̀ ntə̀ʼ Silen, ə dyʉ̀ a Antìyòk bè sə shə̀ʼtə̀ dyʉ̀ nə̀ ntɨm jùŋə à viʼi tɨm byìʼì Bobo Yesò.

Shwèʼ 13:38

Ghə̀ŋ nkɨ lì nəmwèʼè a vəlèmə̀ vwomə la, Nyìngòŋ lyesə li nyʉ̀ byɨvə ghə̀ŋ byìʼì kənyʉ̀ kì a Yesò ghèn nlù nè, a diʼì kənyʉ̀ kì a ma gàʼà à ghə̀ŋ luwèn.

Shwèʼ 17:18

Ndìʼsə̀ sə sətsensə ndìʼ tsu a və ə ndzàŋə̀ nə̀ ndzɨ̀mtə̀sə Ebikulyan nə̀ viʼi Stoyk yen Bol, vətsenvə mù sə bèmə̀ la, “Nki ndìʼsə̀ ghèn lè mwòmsə̀ əgàʼ la ghò, ko ndiʼ la ghə̀ kɨ no kənyʉ̀ a?” Vətsenvə gàʼ la, “Ghə̀ mwòmsə̀ əgàʼ kənyʉ̀ byìʼì vənyìngòŋ və ətɨm.” Vəwenə ngàʼà alə̀ byìʼàndo Bol nziʼi nyʉ̀ byìʼì Yesò be ziʼi la viʼi lu bwènə̀ lù fà pfʉ.

Shwèʼ 17:3

Ghə̀ nshə̀ʼtə̀ li laynsə̀ nyʉ̀ vyi a və diʼì a Ŋwàʼlə̀ Nyìngòŋ, gàʼà la, wìʼ yì a Nyìngòŋ ntsuʼ li ghʉ lì diʼi ne yenə ngəʼ ə pfʉ, və be nè ghə̀ lu fà pfʉ. Ghə̀ bè gàʼ la, “Yesò ghèn a ma gàʼà à ghə̀ŋ byìʼì wen lə̀ dìʼ wìʼ ayì.”

Shwèʼ 20:31

Ghə̀ŋ ntùʼmə̀ lì be kwòʼtə̀ ando mà tə nziʼì ghə̀ŋ nə̀nchwì bènə̀ nəntʉʼʉ a tì ngwʉ̀ʼsə sènsə sətaʼ nə̀ məshɨ à mò ashɨ la ghə̀ŋ tuʼù kɨ̀ Nyìngòŋ.

Shwèʼ 3:20

ə̀ be tɨm Klistò yì a ghə̀ nsə̀ diʼ mu ghə̀ tsuʼ li ə̀ ghʉ à ghə̀ŋ.

Shwèʼ 5:42

Vəwenə mù faŋ ə̀ sə shə̀ʼtə̀ ntɨm ə jùŋ byìʼì Yesò Klistò tò mətsi ntsèm a ngə̀ŋ Nyìngòŋ bènə̀ a aloʼ viʼi.

Shwèʼ 8:35

Filib zìtə̀ fa kəshi kə ŋwàʼlə̀ a kèn sə shə̀ʼtə̀ kuʼu nə̀ ntɨm jùŋ byìʼì Yesò à wen.

Shwèʼ 8:5

Filib ndyʉ̀ a ntə̀ʼ ghoʼo tsen a Samalìyà sə shə̀ʼtə̀ nyʉ̀ tsu byìʼì Wìʼ yì a Nyìngòŋ ntsuʼ li ə̀ ghʉ.

Shwèʼ 9:20

mù zìtə̀ lù fa tsu dyʉ̀ a aloʼ ntsèntə̀sə ə̀ shə̀ʼtə̀ ntɨm jùŋ byìʼì Yesò gàʼà la, “Ghə̀ dìʼ Wàyn Nyìngòŋ.”

Lumans 16:25

Əkuʼsə ə dyʉ̀ a Nyìngòŋ. Ghə̀ kiʼi kədyòʼ ə ne la ghə̀ŋ ə tò a ghə̀ŋ əbyɨmə to ndə̀ŋndəŋ ando ntɨm ə jùŋ yì a ma shə̀ʼtə̀ kumə Yesò Klistò ə ngàʼa. Ghə̀ nè li vəghəŋ kiʼi ntɨm ə jùŋ na ghèn, mu ghə̀ ə nlyomtə li fa viʼi vətsenvə no fa kəgaf,

1 Kolìntyàns 1:23

ali fa yès, yès boŋsə shə̀ʼtə̀ to kənyʉ̀ kumə Yesò a və mbayntə. Kənyʉ̀ na kènkə zàfə viʼi Jus, a diʼ kənyʉ̀ kə kəkoyn a viʼi ətɨm.

1 Kolìntyàns 1:30

Alì à ne Nyìngòŋ la ghə̀ŋ ə ntsi byìʼì Yesò Klistò. Ghə̀ tə ne la ghə̀ ndiʼ ətof ə vəghəŋ, ə ne la vəghəŋ ə diʼ viʼi kənyʉ̀ kətɨməkə chò fa wen, ə be nè la vəghəŋ ə̀ laynə, ə zen kətʉ kə vəghəŋ.

1 Kolìntyàns 12:8

Kəzhwì na kènkə kə mùʼ nə̀ dyʉ̀ a wu ə tsen, kə ne la ghə̀ ngàʼà nə̀ ətofə, kə dyʉ̀ a wutsen kə ne la ghə̀ nkɨ ə shə̀ʼtə̀ nyʉ̀ vyi a kə diʼi a wen.

1 Kolìntyàns 15:12

Ghə̀ŋ le ziʼi la Yesò nlù li fa pfʉ, viʼi vətsenvə fa ghə̀ŋ a ntìntìn njèʼ ale ə gàʼa la viʼi ko lu lù tebè fa pfʉ a?

1 Kolìntyàns 2:15

Wìʼ yi a ghə̀ kiʼi kəzhwì kə Ŋwoʼkə ə yenə kɨ no nyʉ̀ ə tsèm, ali ko wìʼ ə tsen zizi ghə̀ yen əkɨ kənyʉ̀ kumə wen.

1 Kolìntyàns 2:6

Nò tèbe ando ma gàʼà nyʉ̀ a venə no tsèm lə̀, yès ə ziʼi nyʉ̀ nə̀ ətof a nə̀ viʼi vyi a və kwi li a vəwenə a byɨmə. Ətof a yi ə ko diʼ ətof ə mbi ghenə kò ətof ə viʼi vyi a və soʼo mbyi ghèn, a diʼ viʼi le dyʉ̀ nə̀ kədyòʼ kə vəwenə.

1 Kolìntyàns 4:14

Ma ko nyoʼo tebè nyʉ̀ venə alə̀ ndi diʼsə kətʉ kəŋkə̀, ma boŋsə nyòʼtə̀ ə ziʼi ghə̀ŋ to nə̀ vunə əkòŋ ə mò.

2 Kolìntyàns 10:14

Yès ko kumə kədyʉ̀ʼ a kənyʉ̀ a yès ə ko tə ne to ando kə yi ndiʼ ndiʼ a zhʉ a yès ə ko tə vì zaʼa a ghə̀ŋ a ntìntìn. Yès ə ndiʼ mbìsə viʼi ə vi nə̀ ntɨm ə jùŋ byìʼì Yesò Klistò a ghə̀ŋ.

2 Kolìntyàns 11:2

Ghə̀ŋ ə̀ kɨ la ma shɨmtə ghə̀ŋ no nànto ndə̀ŋndəŋ to ando Nyìngòŋ ə shɨmtə. Mà sə diʼ mù ma fas li ə ku ghə̀ŋ a lɨm, a diʼ Yesò, kəŋ la kə ghə̀ŋ ne nkiʼ əmbyɨ no fa mpfen azhʉ̀ a ma kù ghə̀ŋ a wen.

2 Kolìntyàns 4:5

Ghə̀ŋ ə kɨ la, yès zhʉsə nshə̀ʼtə̀ ntɨm ə jùŋ a ghèn, ko yès nə nshə̀ʼtə̀ kumə təwen tyetə. Yès ə shə̀ʼtə̀ to la Yesò Klistò diʼ Bobo, yès ə be ku wenə yèsə a viʼi shyèʼ a ghə̀ŋ byìʼì wen.

Efisyàns 3:8

No tebe ando ma nko kwʉ̀ʼ ə nzaʼ a diʼ nə̀ viʼi vətsevə a ntìntìn viʼi Nyìngòŋ, Nyìngòŋ mbe kù ji a mò ə ne la mà ngàʼà a viʼi ətɨm, shə̀ʼtə̀ ə mbwaʼsə yì a Yesò Klistò ə ku a viʼi,

Efisyàns 5:27

Ghə̀ ə nè alə ndi ghə̀ sə lyɨ̀ ngə̀ŋ Nyìngòŋ a nə̀ wùwì əfi ə lam ə wen, ghə̀ ndiʼ ko və ghamə wen, laynə, ko ndiʼ la ghə̀ kiʼi kəməŋ, ko ndiʼ la ghə̀ kiʼi kəlas, ko ndiʼ la ghə̀ kiʼi əmbyɨ ə tsèn.

Kòlòsyàns 1:22

ali Nyìngòŋ ə sə diʼ luwen mu ghə̀ ne li ghə̀ŋ bwensə vi a wen, byìʼì əpfʉ̀ ə kətsoʼ kə wen yì a Wàyn wenə əpfʉ ndi ghə̀ŋ tɨmə ashɨ Nyìngòŋ laynə, ko ghə̀ŋ le kiʼ ə mbyɨ ə tsèn ko wu ki kənyʉ̀ a wìʼ zi ghə̀ gham wu tsu.

Kòlòsyàns 2:10

Ghə̀ŋ ko be gho no kənyʉ̀ kətsenkə a tyi ə Klistò. Ghə̀ diʼ kətʉ̀kə ə zhwi ə tsèm vi a və soʼo be kiʼi kədyòʼ.

Kòlòsyàns 2:3

Ətof no tsèm diʼi mu ghə̀ lyomtə li a ti Klistò. Ghə̀ bù no nànto.

Kòlòsyàns 3:16

Əgaʼa ə Yesò ndiʼ a ghə̀ŋ tətyɨm. Ghə̀ŋ lyɨ̀ ətof ə tsèm ə ziʼi be ku kətyiftə a ghə̀ŋ təwen. Ghə̀ŋ zhɨmə dzaŋsə Nyìngòŋ nə̀ dzaŋsə laynəsə shisə a kəzhwì kə Ŋwoʼkə nè la ghə̀ŋ zhɨmə. Ghə̀ŋ zhɨmə, ku kəzòŋ a Nyìngòŋ a ghə̀ŋ tətyɨm.

Kòlòsyàns 4:12

Èbafàlàs yi a ghə̀ diʼi tamə wù ənòyn ə ghə̀ŋ, be diʼ wù ə shwèʼè a Yesò Klistò gaʼa li la mà toŋtə ə ghə̀ŋ. Ghə̀ zhʉsə jɨm no zhʉ̀ko, ghə̀ sə kwoʼtə ghə̀ŋ a wen a jɨ̀m no akayn, sensə la Nyìngòŋ ə nè ghə̀ŋ faŋ to ati əbyɨmə ghə̀ŋ, ə kwi tsù, ə shɨtə kɨ be ne nyʉ̀ ə tsèm vi a ghə̀ kəŋ.

1 Tèsàlonyà 4:6

Ma gaʼa la kə wìʼ na nè kənyʉ̀ kəbyɨkə a lèmə̀ wen no faphen. Yes sə diʼ mù yesə ngaʼa li nyʉ̀ venə a ghə̀ŋ ə sə be gàʼa luwen no nə̀ kədyòʼ kə la, Bobo lu ku ngəʼ a viʼi vyi a və tsi ntsìnə̀ ə byɨ na ghèn,

1 Timotì 3:16

Kə diʼ tò no nəmwèʼè la byɨmə ə vəghəŋ ə kiʼ kənyʉ̀ kə lyomtəkə la Nyìngòŋ diʼi laynsə, kə ghoʼo nò alə: Klistò ə nlu li vi ə lyɨ̀ əwen wìʼ, kəzhwì kə Ŋwòʼəkə diʼi la ghə̀ diʼ a nkàyn ashɨ ə Nyìngòŋ, Ntsɨŋsə Nyìngòŋ yenə wen, və ziʼi ənyʉ̀ byìʼì wen a təloʼ tə tsèm, viʼi mbyi byɨmə à wen, Nyìngòŋ lyɨ̀ kuʼ nə̀ wen a kàŋ.

1 Timotì 3:2

Kətʉ a ken diʼ ndiʼ wìʼ a viʼi ko ghàmə̀ wen, ghə̀ diʼ ə nkiʼ tò wùwì ə mùʼ, kɨ ə ghaʼ wenə wen, bwaʼsə tyɨm wen, zhʉmə, tùʼmə̀ nə̀ viʼi ghayn, bè kɨ ə ziʼi viʼi və byɨməvə no a nkàyn.

Hibùlù 10:14

Ghə̀ nku ə wèn ə wen to ghàyn ə mùʼ a kəku ə shʉ laynsə viʼi, la vəwenə faŋ a viʼi Nyìngòŋ to ghaynə əmùʼ.

2 Bità 3:15

Ghə̀ŋ ə kɨ la Bobo vəghəŋ ə ghaʼa tyɨm alə̀, ku ji a ghə̀ŋ ndi ghə̀ŋ bwòŋ. Lèmə̀ vəghəŋ Bol yi a vəghəŋ ə kòŋ tə ə nyòʼ to nyʉ̀ a venə a ghə̀ŋ nə̀ ətof mu à ku Nyìngòŋ a wen.