Kòlòsyàns 1:2 - The New Testament in the Babanki language

² Ŋwàʼlə̀ ghèn diʼ a ghə̀ŋ viʼi Nyìngòŋ vi a və diʼ a loʼ Kòlosè. Ghə̀ŋ diʼ vye və Klistò a kənyʉ̀ kə mùʼ, dzɨ̀mtə̀ wen no akayn. Nyìngòŋ ə Tìʼ vəghəŋ diʼi ətyɨm ə jùŋə wen a ghə̀ŋ, ə kù mbwaʼmə a ghə̀ŋ.

Kòlòsyàns 1:2 ပူးပေါင်းရင်းမြစ်များ

Shwèʼ 9:13

Ananyàs bwènsə̀ gàʼ la, “Bobo, viʼi shə̀ʼtə̀ li nyʉ̀ à mo byìʼì wìʼ aghèn no vəghoʼo, la ghə̀ jèʼè nè viʼi vye yenə ngəʼ a Jelusalèm no nànto.

Lumans 1:7

Ma nyoʼo ŋwàʼlə̀ ghèn a ghə̀ŋ viʼi Nyìngòŋ ə kòŋ a və tsi a ntə̀ʼ Lum no və tsèm. Nyìngòŋ ə dzàŋ li shisə ghə̀ŋ la ghə̀ŋ ndiʼ viʼi wen. Nyìngòŋ ə, Tìʼ vəghəŋ wenə Bobo Yesò Klistò ə ndiʼi ətyɨm ə jùŋə a ghə̀ŋ, ə kù mbwaʼmə a ghə̀ŋ.

1 Kolìntyàns 1:2

Ma nyòʼò ŋwàʼlə̀ ghèn a ənòyn ə viʼi a və byɨmə li a Nyìngòŋ a və diʼ a ntə̀ʼ Kolìn, nə̀ viʼi a Nyìngòŋ ə tsuʼ li ə ne la vəwenə ndiʼ viʼi vəlaynəvə, diʼ mu ghə̀ lyɨ vəwenə chò fa Yesò Klistò. Ma nyòʼò a ghə̀ŋ, be nyòʼò a viʼi vətsèm no tèbe fè a vəwenə diʼ, dzàŋə zhiʼ ə Bobo vəghəŋ Yesò Klistò. Ghə̀ diʼ Bobo vəwenə be diʼ Bobo ə vəghəŋ.

1 Kolìntyàns 4:17

A le kənyʉ̀ kì a mà tɨm Timotì a ghə̀ŋ. Ghə̀ diʼ wàyn ə koŋə ə mò, ma choʼsə wen byìʼì ando ghə̀ dzɨ̀mtə̀ Bobo no akayn. Ghə̀ a ne la ghə̀ŋ kwoʼtə ntsìnə̀ yì a ma tsi to nə̀ wù ə Yesò. Ma ziʼi ntsìnə̀ a ghèn a ntsèntə̀sə viʼi və byɨməvə to ashi ə tsèm.

Gàlesìyà 1:3

Nyìngòŋ ə Tìʼ vəghəŋ wenə Bobo Yesò Klistò ə diʼi ətyɨm ə jùŋə ghə̀ a ghə̀ŋ, ə be ku mbwaʼmə a ghə̀ŋ.

Gàlesìyà 3:9

Kə le diʼi la, no ndò yi a ghə̀ byɨmə ə kiʼi mbwàʼsə̀ to ndə̀ŋndəŋ to ando Nyìngòŋ mbwàʼsə Ablaham byìʼì əbyɨmə ə wen.

Efisyàns 1:1

A nyòʼò mò Bol nyòʼò ŋwàʼlə̀ ghèn a ghə̀ŋ viʼi Nyìngòŋ vyi a ghə̀ŋ ti a ghə̀ŋ əbyɨmə a Yesò Klistò, tsi a Efesùs. Ma diʼ wù ə ntɨm ə Yesò Klistò mu à tsuʼ Nyìngòŋ fa wenə kòŋ.

Efisyàns 6:21

Ma tɨmə Tikikùs, ghə̀ a shə̀ʼtə̀ no tèbe ghò a ghə̀ŋ ando ghə̀ŋ kiʼi soʼgho kumə mò nə̀ kənyʉ̀ ki a ma ne. Yès ə kòŋ wen no akàyn. Ghə̀ diʼ to no lèmə̀ vəghəŋ a byɨmə, shwèʼè a Bobo to no nə̀ ətyɨm ə wen ə tsèm.

Filìbàyns 1:1

A nyòʼò mò Bol yo Timotì nyoʼo ŋwàʼlə̀ ghèn, yes diʼ viʼi əshwèʼ ə Yesò Klistò. Yes nyòʼò a ghə̀ŋ vyi a ghə̀ŋ kù li təwenə tyəŋtə a Nyìngòŋ a Filìbay no və tsèm ə sədiʼ ghə̀ŋ və Yesò Klistò. Yes ə nyoʼo tamə a ghə̀ŋ ə tʉtʉ ngə̀ŋ Nyìngòŋ nə̀ viʼi və shyèʼ və.

1 Bità 1:2

Nyìngòŋ, ə Tìʼ sə diʼ mù ghə̀ ghʉ̀ li ə tsuʼtə ghə̀ŋ a viʼi və laynə və wen chò fa əshyèʼ kəzhwì kə Ŋwoʼkə. Ghə̀ nè ali ndiʼ ghə̀ŋ ə zhʉ to fa Yesò Klistò, mənlyuŋ mə wen ə shʉ̀ laynsə ghə̀ŋ. Nyìngòŋ ə diʼi ətyɨm ə jùŋə ghə̀ a ghə̀ŋ no nànto ə be kù mbwaʼmə a ghə̀ŋ.

2 Bità 1:2

Nyìngòŋ ə ndiʼi ətyɨm ə jùŋə ghə̀ a ghə̀ŋ no nànto ə be kù mbwaʼmə a ghə̀ŋ byìʼì ando ghə̀ŋ kɨli wen be kɨ Bobo vəghəŋ Yesò Klistò.

Ŋwàʼlə̀ Jud 1:2

Nyìngòŋ ə nkusə nshinsə to kusə a ghə̀ŋ, be ku mbwaʼmə, be kòŋ ghə̀ŋ, no a nkàyn.

Kəmwetə 1:4

A tɨmə mò ə Joyn tɨmə̀ toŋtə à ghə̀ŋ ə ntsèntə̀sə viʼi və byɨməvə vi sòmbo a mbʉ̀ʼ Asìyà. Boŋə tyɨm bènə̀ mbwaʼmə̀ a ndiʼ à ghə̀ŋ fà Nyìngòŋ yì a ghə̀ diʼ, mu ghə̀ ndìʼ, be diʼ əlù ndiʼ, bènə̀ mbwaʼmə̀ à ghə̀ŋ fà əzhwi vi ə sòmbo a və diʼ a mbì kəfòyn kə̀ Nyìngòŋ.