Kòlòsyàns 1:19 - The New Testament in the Babanki language

¹⁹ Kə diʼ alə̀ byìʼì ando Nyìngòŋ ə nkòŋ ə ghʉ̀ wen la ghə̀ ndiʼ to nə̀ wen.

Kòlòsyàns 1:19 ပူးပေါင်းရင်းမြစ်များ

Ŋwàʼlə̀ Luk 10:21

Tò a zhʉ ayì, kəzhwì kəŋwoʼəkə nè Yesò sə saŋlə mù jɨ̀m la,“Tìʼ ghom, Bobo yì a ghə̀ soʼo kaŋ bènə̀ nse, mà ku kəzòŋ à wù byìʼàndo wù lyomtəli nyʉ̀ venə fà viʼi a və kwòʼtə̀ la vəwenə tofə ə ndìʼ à ndzɨ̀ŋtə. Nəmwèʼè a Tìʼ, à tə kòŋ tò wù ənè alə̀.”

Joyn 1:16

A diʼ fa kusə shinsə wen a ghə̀ diʼ no ghoʼ ə ghoʼ, a ghə̀ ne la vəghəŋ sə kiʼi ə mbwaʼməsə to ghayn a ghayn.

Joyn 3:34

Wìʼ a ghèn a Nyìngòŋ ə tɨmə lə̀, ə shə̀ʼtə̀ to kənyʉ̀ kə Nyìngòŋ byìʼì ando ghə̀ kù kəzhwì a wen, ku mwètə̀ to mwètə̀.

1 Kolìntyàns 1:21

Nyìngòŋ ə nyen li fa wen a tof la viʼi ko lu kɨ tebè wen nə̀ ətof ə ngəŋ ə vəwenə. Ghə̀ boŋsə ghʉ̀ la ghə̀ be lù bwòŋsə viʼi vyi a və zhʉ ntɨm yì a yès ə shə̀ʼtə̀ ə byɨmə no tèbe ando viʼi vətsenvə gàʼa la à diʼ kəkoynkə kənyʉ̀.

Efisyàns 1:23

Ngə̀ŋ Nyìngòŋ na ghèn diʼ to nə̀ əwenə Yesò. Ngə̀ŋ Nyìngòŋ a ghèn diʼ no nkàyntə̀ Yesò, a ne wen la no tèbe gho ndiʼ, no tèbe fè.

Efisyàns 1:3

Vəghəŋ ə nkuʼsə Nyìngòŋ, ə Tìʼ Bobo vəghəŋ Yesò Klistò. Ghə̀ mbwàʼsə li vəghəŋ a kəzhwì no nə̀ əfo ə juŋəvə ə tsèm vyi a və fʉ̀ fa kàŋ wenə Klistò.

Efisyàns 1:5

Nyìngòŋ ə sə diʼ mù ghə̀ nghʉ li la ghə̀ be lù lyɨ vəghəŋ a wen a vunə chò fa a Yesò Klistò, mu à kòŋ to wen nə̀ saŋlə ə ghʉ la kə ə ndiʼ a li.

Efisyàns 4:10

Wìʼ yì a ghə̀ ə nshiʼi a nse le diʼ ndə̀ŋndəŋ yi a ghə̀ ə bwensə kuʼ akəshi yi a kə ŋanŋtə kwʉ̀ʼ akàŋ ə ndiʼ to kətʉ kə əfo ə tsèm a kaŋ nə̀ a nsə.

Kòlòsyàns 2:3

Ətof no tsèm diʼi mu ghə̀ lyomtə li a ti Klistò. Ghə̀ bù no nànto.

Kòlòsyàns 2:9

Nyìngòŋ ndiʼ li wenə wen no tsèm əcho fa Klistò a wenə wìʼ.

Kòlòsyàns 3:11

Ali, ə nəkwoŋ ko diʼ ko ghə̀ lu ndiʼ a wìʼ, kò à diʼ wù ə Jus kò à diʼ wù ə Glek, kò və shɨtə li wen kò və ko shɨtə, kò à diʼ wù kətɨm. Ə nəkwoŋ kodiʼ a viʼi vi a diʼi əkos nə̀ viʼi vyi a və diʼ fa ngəŋ, ali kənyʉ̀ kə tokə diʼ to Yesò. Ghə̀ diʼ a ntìntìn viʼi wen və tsèm.