အွန်လိုင်း သမ္မာကျမ်းစာ

« အရင်

နောက်တစ်ခု »

Kòlòsyàns 1:16 - The New Testament in the Babanki language

¹⁶ Nyìngòŋ ncho fa wen ə shɨtə no tèbe ghò yi a ghə̀ diʼi akàŋ nə̀ əfo ə tsèm vi a və diʼi a nse. Nyìngòŋ ə nshɨtə əfo vi a wìʼ zi ghə̀ yenə nə̀ vi a wìʼ zi ko ghə̀ lə yenə. Ghə̀ ə nshɨtə zhwi vi a və kiʼi kədyòʼ nə̀ vi a və soʼo nə̀ vi a və tisə. Nyìngòŋ ə nshɨtə fo ə tsèm chò fa a wen. Ghə̀ nshɨtə fo na vyi a wen.

အခန်းကိုကြည့်ပါ။ ကော်ပီ

« အရင်

ပြန်တက်သွားပါ။ ⬆

နောက်တစ်ခု »

Kòlòsyàns 1:16
29 ပူးပေါင်းရင်းမြစ်များ

Joyn 1:10

Ntɨm ə Nyìngòŋ ə nvi li a mbi, ali viʼi mbyi mo wen no tèbe ando mbi ayi ndiʼ mu à shɨtə wen.

အခန်းကိုကြည့်ပါ။

Joyn 1:3

Nyìngòŋ ə shɨtə ə fo ə tsèm ə chò fa wen, mu à mbwen fa wen mu və ko nshɨtə no tèbe ghò yi a və ndiʼ mù və shɨtə li.

အခန်းကိုကြည့်ပါ။

Lumans 11:36

A shɨtə Nyìngòŋ shɨtə fo ə tsèm, fo a vyi sə diʼ to byìʼì ando ghə̀ kòŋ la və ndiʼ, vì nə̀ əkuʼsə a wen. Əkuʼsə ə dyʉ̀ a Nyìngòŋ to məzhʉ̀ ə tsèm. Amèyn.

အခန်းကိုကြည့်ပါ။

Lumans 8:38

Ma kɨli nəmwèʼè a kò a diʼ tèbe əpfʉ̀ kò à diʼ tsi, kò à diʼ ətsɨŋsə Nyìngòŋ kò à diʼ kədyòʼ kì a kə soʼo viʼi, kò à diʼ nyʉ̀ vyi a və diʼ luwen kò à diʼ vi a və diʼ lù ə fù, kò à diʼ ədyoʼ ə byɨvə,

အခန်းကိုကြည့်ပါ။

Lumans 9:5

Vətiʼi və vəwenə ə ndiʼ viʼi Nyìngòŋ. Yesò no nə̀ wenə wen ə nvi a nse to nə̀ wù əloʼ vəwenə. Nyìngòŋ ə ndiʼ a kətʉ kə əfo ə tsèm, viʼi diʼ ə nkuʼsə wen to məzhʉ̀ ə tsèm. Amèyn.

အခန်းကိုကြည့်ပါ။

1 Kolìntyàns 8:6

à diʼ a vəghəŋ, vəghəŋ kɨ la, Nyìngòŋ ə diʼ to əmùʼ, a diʼ Tìʼ. A shɨtə wen ə shɨtə no fo ə tsèm ə ne la vəghəŋ ə ntsi, gumlə wen. A be diʼ to Bobo ə mùʼ, a yi Yesò Klistò, mu və ə nshɨtə fo ə tsèm chò fa wen, vəghəŋ sə tsi to byìʼì wen.

အခန်းကိုကြည့်ပါ။

Efisyàns 1:10

Nyìngòŋ ə ghʉ li la zhʉ lu kwʉ̀ʼ, ə ghə̀ tsentə əfo ə tsèm a kaŋ be boʼsə nə̀ və nse ə ghʉ to a ti əsoʼ ə Yesò.

အခန်းကိုကြည့်ပါ။

Efisyàns 6:12

Ghə̀ŋ ne alə byìʼì ando vəghəŋ ko ə soynə tebè viʼi. Vəghəŋ ə boŋsə soynə əzhwì byɨvə vi a və diʼ a akàŋ nə̀ adyòʼ vi a və soʼo mbyi ghèn no ə tsèm nə̀ Vənyìngòŋ və mbyi a vəghəŋ diʼ tsu le, a və diʼ to nə̀ kəbəŋ kə fənəkə lə.

အခန်းကိုကြည့်ပါ။

Filìbàyns 2:10

Nyìngòŋ ə nè ali ndi no tè ghò yì a ghə̀ diʼì a kàŋ ko a nse ko a loʼ vəmpfʉ və nse ə gʉtə nchiʼsə a lwi a nse ə ngumlə̀ əzhiʼ ə Yesò.

အခန်းကိုကြည့်ပါ။

Kòlòsyàns 1:15

Wìʼ zizi ko ghə̀ lu yen Nyìngòŋ. Wàyn wen diʼ kədèmdèm kə wen. Ghə̀ diʼ kənfɨsə kə Nyìngòŋ. Mibu Nyìngòŋ nsə nè no ghò mu ghə̀ nsə diʼ. Ghə̀ di Wàyn mbì ə Nyìngòŋ.

အခန်းကိုကြည့်ပါ။

Kòlòsyàns 1:20

Nyìngòŋ ə bwensə li ə vìsə̀ nə̀ əfo tsèm a kaŋ nə̀ a nse a wenə wen la wenə vəwenə ndiʼi a kənyʉ̀ kə muʼ əcho fa Wàyn wen byìʼì mənlyuŋ mì a ghə̀ nshiʼsə a kəntò. Luwen əfo venə no ətsèm ə sə diʼ nə̀ mbwaʼmə wenə və Nyìngòŋ.

အခန်းကိုကြည့်ပါ။

Kòlòsyàns 2:10

Ghə̀ŋ ko be gho no kənyʉ̀ kətsenkə a tyi ə Klistò. Ghə̀ diʼ kətʉ̀kə ə zhwi ə tsèm vi a və soʼo be kiʼi kədyòʼ.

အခန်းကိုကြည့်ပါ။

Kòlòsyàns 2:15

A ndiʼ ando Klistò mpfʉ a kəntò, Nyìngòŋ ə nè əzhwi vyi a və soʼo nə̀ vyi a və tisə la kə və be kiʼ kədyòʼ, ə diʼsə kə tʉ kə zhwi na vyi ashɨ ə mbi ə tsèm. A le ji yì a ghə̀ ə̀ nzhɨ̀ əzhwi a venə fa tsù.

အခန်းကိုကြည့်ပါ။

Hibùlù 1:2

Alì, à sə ə diʼ a mətsi mə kəmwètə mèyn ghə̀ gaʼa a vəghəŋ chò fa Wàyn wen. Nyìngòŋ ə nsə diʼ mu ghə̀ ghʉ̀ li la ghə̀ lu ku no tèbe ghò a mbyi a Wàyn wen, a ghə̀ ə shɨtə mbyi nə̀ no tèbe nə̀ ghò a ghə̀ diʼi tsu chò fa Wàyn ə wen a ghèn.

အခန်းကိုကြည့်ပါ။

Hibùlù 2:10

A nshɨtə Nyìngòŋ ə shɨtə no əfo ə tsèm, à sə ghaʼa to wen ghaʼa əfo na vènə luwen. Kə ndiʼ to no kə nyʉ̀ kə tɨmə kə la ghə̀ moʼtə Yesò yenə ngəʼ ə kwʉʼʉ to nə̀ wi, a yi wù mbì ndi ghə̀ nè viʼi bwòŋ ə kwen vi a ntìntìn əbaynə ghoʼo ghə̀ Nyìngòŋ, to kədə̀ŋ.

အခန်းကိုကြည့်ပါ။

1 Bità 3:22

Ghə̀ lù fa pfʉ ə bwenə dyʉ̀ akàŋ, luwen ə sə diʼ nyʉ̀ʼ a kwoŋ ətoghə Nyìngòŋ, soʼo ətsɨŋsə ngə̀ŋ Nyìngòŋ no sə tsèm, be soʼo ə zhwi a və kiʼi kədyòʼ no tsèm.

အခန်းကိုကြည့်ပါ။

ကြှနျုပျတို့နောကျလိုကျပါ:

ပံ့ပိုးပေးထားသော လင့်ခ်များ

ကြော်ငြာတွေ

ကြော်ငြာတွေ