Kəmwetə 9:17 - The New Testament in the Babanki language

¹⁷ Ghèn dìʼ ji a mà ə̀ nyèn təlyəŋ tì a jòm yì a ghə̀ mfʉ à mò a kə̀ʼ lì; viʼi vyi a və̀ nyɨŋ a kwi təlyəŋ tətyɨm tə vəwenə ə nkìʼ ə nkɨ̀ŋsə ghòŋ sə bàŋə̀ tò nə̀ əzhiʼ, nyìmə̀ to nə̀ məkàyn be nyòʼlə̀ nyòʼlə. Ətʉ təlyəŋ atì ə̀ nkə̀ʼə̀ to nə̀ ətʉ ve abìkəŋ. Əzhiʼ nə̀ fələʼ nə̀ məkàyn fʉ̀ fà təwentə a təchʉ̀.

Kəmwetə 9:17 ပူးပေါင်းရင်းမြစ်များ

Kəmwetə 11:5

Wìʼ sətsèn ə̀ mwòmsə̀ ə lyomsə vəwenə, əzhiʼ à fʉ̀ fà vəwenə təchʉ̀ ə̀ byɨ̀sə viʼi kəbàyn ə̀ vəwenə a vyi, a ji aghèn ə zhwi no tè ndò a ghə̀ mwòmsə̀ ə lyomsə vəwenə.

Kəmwetə 14:10

ne be nyʉ məlyʉ̀ʼ mə ntomə̀ a və ko ə̀ fɨ̀ŋ a diʼ tin ə fwi ə̀ Nyìngòŋ. No ndò fa vəwenə ne yen ə ngəʼ a zhìʼ nə̀ məkàyn mə nyʉ̀ʼlə mə a shɨ ntsɨ̀ŋsə ngə̀ŋ ə̀ Nyìngòŋ sə ŋwoʼəsə wenə̀ wàyn bi ənjɨ̀.

Kəmwetə 19:20

Və ghaʼ nyàm ətoʼ yì wenə̀ nshə̀ʼtə̀ kənlobtə yì a ghə̀ ə̀ ndìʼì əchwitə ndzɨ̀ŋsə lobtə̀ viʼi vyi a və̀ nku əchwitə à vəwenə bènə̀ ə̀vi a və̀ nghoʼsə̀ kənshyə̀ʼsə̀ kə wen à wen ə shɨ lì. Və mòʼ ə̀ shìʼsə vəwenə venə vəbò a nkwòŋ ə̀ zhìʼ mu və we li məkàyn tsu, vəwenə bu diʼ tò vəto.

Kəmwetə 20:10

Luwen və mu maʼ Deblə̀ yi a ghə̀ lobtə vəwenə ati mo əzhiʼ be nə̀ məkàyn. Kəshi a kenkə ndiʼ kəshi a və be moʼ shiʼ sə nə̀ nyam ə toʼ yi wenə nshə̀ʼtə̀sə kənlobtə shisə. Və lu nku ngəʼ a vəwenə nə̀nchwì nə̀ nəchʉʼ zaʼa no fa ze.

Kəmwetə 21:20

A nə̀ kumtə onìs, ntʉfə diʼ kànelìyà, sòmbo diʼ kɨ̀lisolìt, fwomə diʼ belil, abʉ̀muʼ diʼ topàs, əwùm diʼ kɨ̀lisofàs, njù ə mùʼ diʼ jasìn, njʉ̀sə̀ bò diʼ ametìs.

Kəmwetə 21:8

A viʼi vyi a və əfwanə nə̀ viʼi vyi a və ko byɨmə a mò, nə̀ viʼi vyi a və nè nyʉ̀ vyi a və ko diʼ nə̀ laynə ə, nə̀ viʼi a və zhwilə viʼi nə̀ viʼi a və tsi nə̀ ki kò wenə lʉ̀mə, a kokiʼ vəwenə, nə̀ viʼi fənyoʼ nə̀ viʼi a və gumlə nshəʼsə nə̀ viʼi ə zho dzɨŋ no və tsèm, vəwenə nə̀ kiʼ kəshi kə ə vəwenə a nkwòŋ yi a əzhiʼ nə̀ bole tsu li mu və mòʼo li mɨ̀kayn tsu. Kəshi na kènkə le diʼ kənkùmtə̀ kə pfʉ.”

Kəmwetə 9:18

Ngəʼsə fànsəsə asènsə sə̀ taʼ a ndìʼ əzhiʼ, nə̀ fələʼ nə̀ məkàyn a sə mfʉ̀ fa təchʉ̀ ə̀ təlyəŋ atì, ə zhwi wìʼ muʼ mùʼ fa tì viʼi və taʼ.

Kəmwetə 9:9

Ngùməsə ashìsə ndìʼ mu sə kɨŋtə̀ li ədyʉ̀ʼ ə səwensə nə̀ ə̀fo mu və shɨ̀tə̀ nə̀ kəkas, sətànə̀ təvò tə vəwenə tə gàʼà tò nə̀ təlyəŋ no tə ghoʼo a tə gùfə̀ ə̀ mfɨŋsə dyʉ̀ a ghòŋ.