Kəmwetə 9:1 - The New Testament in the Babanki language

¹ Ntsɨ̀ŋ ngə̀ŋ ə̀ Nyìngòŋ tsen toŋ ə̀soŋ ə wen ə və ndiʼ vətàyn, mà yen fədzɨ̀ŋ fə lù fa kàŋ ə̀ fə̀ŋ a nse ə̀ və ku kənzàs kəchʉ̀ ə nkwòŋ tsen a ghə̀ shwemə shiʼi dyʉ̀ tò dyʉ̀ à wen.

Kəmwetə 9:1 ပူးပေါင်းရင်းမြစ်များ

Ŋwàʼlə̀ Luk 10:18

Yesò gàʼ à vəwenə la,“Mà tə yen ando Satan lù fa kàŋ ə fəŋ tò nə̀ ghʉ a ghə̀ mwànə̀.

Ŋwàʼlə̀ Luk 8:31

Zhwì byɨvə a vyi sensə Yesò la kə ghə̀ à dzɨ̀mə̀ shìsə̀ vəwenə ə nè la vəwenə tsoʼkə a tyì nkwòŋ a ghə̀ shwemə shiʼi.

Lumans 10:7

“Kə wù bèm la, a lə shiʼi dyʉ̀ ndo alòʼ ə vəmpfʉ və nse a?” Mu wù le bèmə la, a shiʼi dyʉ̀ ndò ə lùsə Yesò fa pfʉ a?

Kəmwetə 1:18

be diʼ ə̀ wen yì a ghə̀ diʼi to (tsi). Mà ə mpfʉ li ə̀ bè lù fa pfʉ sə diʼ to ə zaʼa no fa ze. Mà kiʼi àdyoʼ a kətʉ ə pfʉ be a aloʼ viʼi və pfʉkəvə.

Kəmwetə 1:20

Əvenə diʼ ənyʉ̀ lyomtəvə a və diʼì byìʼì mədzɨ̀ŋ mèn sòmbo a wù yenə à mo kəvu kəkwoŋ ə toghə bènə̀ əfo venə sòmbo a və tomtə̀ ə̀ nkàʼtə̀ tsu lə̀: Mədzɨ̀ŋ mèn sòmbo dìʼi ntsɨ̀ŋsə ngə̀ŋ Nyìngòŋ a aloʼ ntsèntə̀sə viʼi və byɨməvə yi sòmbo, ə̀fo venə sòmbo a və tomtə̀ ə̀ nkàʼtə̀ tsu diʼ aloʼ ntsèntə̀sə viʼi və byɨməvə yi sòmbo.”

Kəmwetə 11:7

A ne ə ndiʼ a zhʉ a vəwenə shəʼtə̀ li ntɨm ayì ə mwetə nyàm ə fànsə yì ghə̀ fʉ̀ fa nkwòŋ yì a ghə̀ shwemə shiʼi dyʉ̀ tò dyʉ̀ lì ə soyn ə zhɨ vəwenə be a zhwilə vəwenə.

Kəmwetə 17:8

Nyàm ghèn a wù ə yenə lə̀ ə̀ ndìʼ to alì ghə̀ sə̀ diʼ mu ghə̀ pfʉ li. Ghə̀ diʼ ne fʉ̀ ə kuʼ fa nkwòŋ yì a ghə̀ ə shwemə shiʼi dyʉ̀ tò dyʉ̀ lì ə dyʉ̀ ə və byɨsə wen. Viʼi vi a və nko nyòʼ təzhiʼ tə vəwenə a ŋwàʼlə̀ ə̀bwòŋ mibu və sə shɨ̀tə mbi ne yen nyàm aghèn ə ndiʼ nə̀ əkaynə byìʼàndo ghə̀ tə̀ ndiʼ, ə̀ pfʉ ə be sə diʼ lu bwènə̀ vì.”

Kəmwetə 20:1

Fa bàm ənyʉ̀ venə, mà yen ntsɨ̀ŋ ngə̀ŋ ə̀ Nyìngòŋ tsen ghə̀ shiʼì vì fa kàŋ. Ghə̀ ə̀ nkìʼ kənzàs kə nkwòŋ yì a ghə̀ ə shwemə shiʼi dyʉ̀ tò dyʉ̀ lì be kiʼ mfɨŋ ghoʼo à wen kəvu.

Kəmwetə 20:10

Luwen və mu maʼ Deblə̀ yi a ghə̀ lobtə vəwenə ati mo əzhiʼ be nə̀ məkàyn. Kəshi a kenkə ndiʼ kəshi a və be moʼ shiʼ sə nə̀ nyam ə toʼ yi wenə nshə̀ʼtə̀sə kənlobtə shisə. Və lu nku ngəʼ a vəwenə nə̀nchwì nə̀ nəchʉʼ zaʼa no fa ze.

Kəmwetə 6:13

mədzɨ̀ŋ mə̀ kàŋ fəŋkə̀ a nse to nə̀ ə fəkoʼ a zhʉ fə zàʼà ashɨ ə chʉ ə lɨ̀m wen benə ando əfwof ə chò nə̀ʼə̀,

Kəmwetə 8:10

Ntsɨ̀ŋ ngə̀ŋ ə̀ Nyìngòŋ tsen bè tòŋ əsoŋ ə wen, vəwenə ndiʼ vətaʼ, fədzɨ̀ŋ fə ghoʼo fə lù fa kàŋ ə̀ fə̀ŋ a nse baynə tò nə̀ kənkàʼtə̀. Fə fəŋ a lì ə̀ chìʼ təshyə mù mə nchomə̀ əmùʼ, fa tì təshyə tətaʼ nə̀ a kə shi a mu nfʉ.

Kəmwetə 8:12

Ntsɨ̀ŋ ngə̀ŋ ə̀ Nyìngòŋ tsen toŋ ə̀soŋ ə wen à ndiʼ vəkàʼ, kəfo kə pfèn ə̀ byɨsə shyə mùʼ fa təshyə tətaʼ ə̀ chwìchwì nə̀ əsàŋ bènə̀ mədzɨ̀ŋ nè chwìchwì ko bè bayn a kətemə kə zhʉ kə mùʼ fa tì ntemə taʼ ə̀ nə̀nchwì ə̀ bè nè kèn la sàŋ wenə mədzɨ̀ŋ ə bayn li a kətemə kə zhʉ kə mùʼ fa tì ntemə taʼ ə̀ nəntʉʼʉ.

Kəmwetə 8:2

Mà mù yèn ntsɨ̀ŋsə ngə̀ŋ Nyìngòŋ shìsə sòmbo a sə nti a shɨ Nyìngòŋ lì mu və ku li təsoŋ sòmbo à vəwenə.

Kəmwetə 9:2

Fədzɨ̀ŋ a fìfə bòʼ əchʉ̀ ə nkwòŋ ayi, fələʼ fə tsenfə fʉ̀ ə̀ kùʼ fa tsu kə̀ʼə̀ tò sə fə fʉ̀ fa əchɨ əzhiʼ ghoʼoghə. Fələʼ afìfə fʉ̀ ə̀ fènsə̀ shi kènla chwìchwì bè baynə shiʼì.