Kəmwetə 8:7 - The New Testament in the Babanki language

⁷ Ntsɨ̀ŋ ngə̀ŋ ə̀ Nyìngòŋ ə̀ mbì toŋ ə̀soŋ ə wen, awoŋ nə̀ əzhiʼ zìtə̀ ə shiʼi a nse mu və fɨ̀ŋ li nə̀ mənlyuŋə. Ə̀fo a vyi shiʼi a lì ə̀ nyùʼ əshyə nse kə mùʼ fa tì ə̀ bàs ə taʼ, ə̀ bè nè tò ndə̀ŋndəŋ nə̀ nkòʼ bè nyùʼ agəŋ ə zhʉghə no a tsèm.

Kəmwetə 8:7 ပူးပေါင်းရင်းမြစ်များ

Jems 1:11

Chwìchwì lu mbanə to, ghə̀ nyùʼù agəŋ, dzudzu vi ə zàʼa ngòyn ə yi mù lè. A diʼ tò ndə̀ŋndəŋ ando wu ghoʼo lu sə njèʼè tsuʼtə̀ nyʉ̀ wen ə bvʉ̀tə pfʉ.

1 Bità 1:24

Kə diʼ to ndə̀ŋndəŋ ando və nyòʼo li a Ŋwàʼlə̀ Nyìngòŋ la: “Viʼi vətsèm diʼ to nə̀ agəŋ ə toʼ, əboŋ ə vəwenə diʼ to nə̀ flawà kəfʉʼkə nə̀ pfʉ, flawà fəŋkə,

Kəmwetə 12:4

Əkwen ə wen ə zhès əshyə mədzɨ̀ŋ ə̀ mùʼ fa tì təshyə tə taʼ ə̀ mòʼ shìsə a nse. Nyàm ə fànsə ayì tɨmə a shɨ ə̀ wùwì yì a ghə̀ sə̀ diʼ a məbwi lì sə̀ bvʉ̀tə̀ ə pfiʼ wàyn ayì a ghə̀ a bwi lì.

Kəmwetə 16:2

Ntsɨ̀ŋ ngə̀ŋ ə̀ Nyìngòŋ mbì dyʉ̀ shʉ̀ʼ shìʼsə kəkaŋ kə wen a nse, tətsaʼa tə fànsətə ku viʼi vyi a və nkìʼ kəchwitə kə nyàm ətoʼ be ghoʼsə̀ kənshyə̀ʼsə̀ kə wen.

Kəmwetə 16:21

Awoŋ sə shiʼì a kətʉ ə viʼi fa kàŋ, əshɨ ə̀ mùʼ ə dìʼì fànsə̀ no nànto. Viʼi mù sə̀ telə̀ Nyìngòŋ byìʼì ngəʼ awoŋ aghenə byìʼàndo à ə̀ ndìʼ no ngəʼ fànsə.

Kəmwetə 6:8

Mà sə ki ə̀ yèn əlyəŋ tsenghə ghə̀ lyìʼlə̀ kə̀ʼə̀, əzhiʼ wìʼ a ghə̀ ə̀ ndìʼ à yi kətʉ ə̀ ndìʼ Əpfʉ. A ə̀ ndìʼ a lì, əloʼ vəmpfʉvə nse dzɨ̀mtə̀ vì fa bàm. Və ku kədyòʼ la ə̀fo avenə gətə nse məshyə̀ ə̀ nkàʼ, ə̀ lyɨ̀ əshyə̀ mùʼ zhwilə viʼi vyi a və diʼ tsu nə̀ nyì ngwələŋ, nə̀ jɨ̀ŋ ə byɨ, nə̀ təkwaʼa tə fansətə. Nyamsə tətoʼ be zhwilə̀ vətsenvə.

Kəmwetə 7:1

Kənyʉ̀ kə tsen a mà ə̀ mbè yen ə̀ ndìʼ ntsɨ̀ŋsə ngə̀ŋ Nyìngòŋ sə̀ kàʼ sə ti a təshyə tə mbi tèn tə kàʼ. Vəwenə nti a lì ghaʼa fwof fa təshyə tèn tə kàʼ ndi kə ghə̀ à chò fa nse, ko fa mù, ko ə nə̀ʼ fəkòʼ.

Kəmwetə 9:15

Və mù zàtə̀ ntsɨ̀ŋsə ngə̀ŋ Nyìngòŋ ashì səkàʼ byìʼàndo əzhʉ ə nkwʉʼ li, kətsi kə kwʉ̀ʼ, sàŋ nə̀ ngwʉ̀ʼ bè kwʉ̀ʼ ə və zhwi wìʼ muʼ ə̀ mùʼ fa tì viʼi vətaʼ.

Kəmwetə 9:18

Ngəʼsə fànsəsə asènsə sə̀ taʼ a ndìʼ əzhiʼ, nə̀ fələʼ nə̀ məkàyn a sə mfʉ̀ fa təchʉ̀ ə̀ təlyəŋ atì, ə zhwi wìʼ muʼ mùʼ fa tì viʼi və taʼ.

Kəmwetə 9:4

ə̀ gàʼ à səwensə la, kə sə à kùm ə̀ byɨ̀fsə agəŋ ə nse, ko tè kəfo fəzhʉfə, ko tè fəkòʼ. Və bòŋsə̀ gàʼ à səwensə la sə chələ viʼi vyi a və ko kiʼ əchwitə Nyìngòŋ à vəwenə təchʉ̀ təkə̀ʼ.