Kəmwetə 8:3 - The New Testament in the Babanki language

³ Ntsɨ̀ŋ ngə̀ŋ ə̀ Nyìngòŋ tsen vì tɨ̀mə a mbì kəchiʼ kə kəku ə̀ Nyìngòŋ, kiʼ kəkaŋ mu və shɨ̀tə̀ nə̀ gul a və nyùʼù kələŋ tsu. Və ku kələŋ à wen no kə ghoʼo la ghə̀ nyuʼ ə̀ bòsə nə̀ təjɨ̀m tə viʼi Nyìngòŋ no vətsèm, a kwi kəchiʼ kə kəku a və shɨtə̀ nə̀ gul a mbì kəfwoyn

Kəmwetə 8:3 ပူးပေါင်းရင်းမြစ်များ

Ŋwàʼlə̀ Luk 1:10

Zhʉ nè kwʉʼ və nyuʼ kələŋ a kì, nòyn viʼi ntsentə ayi ŋwʉʼ a kəbəŋ sə̀ jɨ̀mə̀.

Lumans 8:34

A zizi a be gàʼ ndo la vəwenə nè li ə byɨbsə kənyʉ̀ a? A zizi a gàʼ Yesò Klistò yi a ghə̀ ə pfʉ mu? Ghə̀ zizi ko ghə̀ lu gàʼ byìʼì ando ghə̀ ə pfʉ ə bwensə lù fa pfʉ ə sə nyʉ̀ʼ luwen a kwoŋ ətoghə Nyìngòŋ jɨ̀mə̀ a vəghəŋ.

Hibùlù 7:25

A lə kənyʉ̀ ki a Yesò diʼ no zhʉ̀ko mu ghə̀ zizi a ghə̀ bwoŋsə viʼi vyi a və vì a Nyìngòŋ chò fa wen a kəvu byìʼì ando ghə̀ tsi, jɨ̀mə̀ to jɨ̀mə̀, sensə Nyìngòŋ a vəwenə kəshi.

Hibùlù 9:4

A ndiʼ ati lùm a ghèn, kəbaŋkə kəku kə tsenkə diʼ mù və shɨtə nə̀ gul ə sə nyʉ̀ʼ kələŋ ayi kətʉ. Əkumə ə məkàyn ə ndiʼ tsu mu və lem nə̀ gul. Fəntòyn fifə a və we manà tsu ndiʼ ati əkum a ghèn nə̀ mbàŋ Alòyn mu ghə̀ shisə li ntuʼsə. Ngùʼ shisə sə bò a Nyìngòŋ ə nyoʼtə təsoʼ tsu ə ku a Mosìs ndiʼ ati əkum a ghèn.

Kəmwetə 10:1

Kənyʉ̀ kə bè fʉ̀ à mò a əkə̀ʼ a nə̀ jòm, mà yen ntsɨ̀ŋ ngə̀ŋ ə̀ Nyìngòŋ ghoʼo ə tsen ghə̀ shiʼi vì fa kàŋ mu mbòʼsə lem li wen, kəmpfembiʼ kə diʼ à wen kətʉ, əkə̀ʼ ə we baynə tò nə̀ chʉzhʉ, afwen ə wen be diʼ tò nə̀ əlwàŋ əzhiʼ.

Kəmwetə 14:18

Ntsɨ̀ŋ ngə̀ŋ ə̀ Nyìngòŋ tsen a ghə̀ kìʼ kədyòʼ a kətʉ əzhiʼ bè fʉ̀ ə̀ vì fa kəchiʼ kə kəku. Ghə̀ dzàŋ ə̀ gàʼ à no a gɨ̀ to à ntsɨ̀ŋ ngə̀ŋ ə̀ Nyìngòŋ yì a ghə̀ ə̀ nkìʼ fənyì fə sɨm fə lyɨməfə fì la, “Lyɨ fənyì fə sɨm ə̀ wù kwòŋ əchuŋsə lamsə̀ ə lwi fa əsɨm ə nse byìʼàndo lamsə̀ yi ə bàŋə̀ li.”

Kəmwetə 5:8

A ə̀ ndìʼ ando ghə̀ ə̀ nshi əbʉʼ ə ŋwàʼlə̀ ayi, ə̀fo zhwisəvə vi ə̀ kàʼ nə̀ vəchəʼ vi njʉ̀sə̀ kàʼ a məwum ə̀ mbò fəŋkə à wen ə shɨ. No ndò ə̀ nkìʼ əlyuŋ nə̀ kəkaŋ kə a və shɨtə̀ nə̀ gul mu kələŋ kə lwin li tsu à diʼ təjɨ̀m tə viʼi və byɨməvə.

Kəmwetə 6:9

Wàyn bi ənjɨ̀ bè bə̀ytə̀ mɨ̀ŋ tsen ə və ndiʼ vətàyn, mà yen ə̀ zhwì ə viʼi vyi a və̀ nzhwilə̀ byìʼàndo vəwenə nshə̀ʼtə̀ kənyʉ̀ kə Nyìngòŋ be ti a nə̀ viʼi və yenəvə a kənyʉ̀ ə̀ Nyìngòŋ. Vəwenə ndìʼ ati kəchiʼ kə kəku.

Kəmwetə 7:2

Mà bè yèn ntsɨ̀ŋ ngə̀ŋ ə̀ Nyìngòŋ ə tsen, ghə̀ kuʼ ə̀ vì fa shyə a chʉzhʉ ə saʼa fa tsu, kiʼ kəfo a Nyìngòŋ a ghə̀ ko lu pfʉ ə chwìtə̀ viʼi tsu. Ntɨ̀ŋ ayì zɨmə̀ dzàŋ ntsɨ̀ŋsə ngə̀ŋ ə̀ Nyìngòŋ shì sə̀ kàʼ a Nyìngòŋ ə̀ nku li àdyoʼ à vəwenə la vəwenə byɨsə nse bènə̀ mu no a gɨ to

Kəmwetə 8:4

Ntsɨ̀ŋ ngə̀ŋ ə̀ Nyìngòŋ ayì nyùʼ kələŋ kì ə boʼsə nə̀ təjɨ̀m tə viʼi Nyìngòŋ tì, fələʼ fi fʉ̀ fà wen ə kəvu ə̀ kùʼ a shɨ ə̀ Nyìngòŋ.

Kəmwetə 8:5

Ntsɨ̀ŋ ngə̀ŋ ə̀ Nyìngòŋ ayì mù lyɨ̀ kəkaŋ kə kələŋ kì ə̀ tsə̀f ə zhiʼ fa kəchiʼ kə kəku ə̀ lwinsə tsu ə̀ mòʼ shìʼsə a nse no a zhʉ̀ kò əghʉ sə̀ mwàntə̀, bwankə̀, gɨsə gàʼà, ə̀ nse be tsɨŋtə̀ bə̀ykə̀.

Kəmwetə 9:13

Ntsɨ̀ŋ ngə̀ŋ ə̀ Nyìngòŋ bè tòŋ ə̀soŋ ə wen ə və ndiʼ ə̀ ntʉfə, mà zhʉ gɨ̀ fʉ̀ vì fa təbʉ tə kàʼ a tə ndìʼ a kəchiʼ kə kəku kì a və nshɨ̀tə nə̀ gul a kə nti a shɨ Nyìngòŋ lì.