Kəmwetə 8:10 - The New Testament in the Babanki language

¹⁰ Ntsɨ̀ŋ ngə̀ŋ ə̀ Nyìngòŋ tsen bè tòŋ əsoŋ ə wen, vəwenə ndiʼ vətaʼ, fədzɨ̀ŋ fə ghoʼo fə lù fa kàŋ ə̀ fə̀ŋ a nse baynə tò nə̀ kənkàʼtə̀. Fə fəŋ a lì ə̀ chìʼ təshyə mù mə nchomə̀ əmùʼ, fa tì təshyə tətaʼ nə̀ a kə shi a mu nfʉ.

Kəmwetə 8:10 ပူးပေါင်းရင်းမြစ်များ

Matìyò 25:1

Yesò bè mò ngàyn ə tsen gàʼà la, “Wàyn Wìʼ lu sə mbwènə̀ vì, soʼo Fòyn Nyìngòŋ ndiʼ tò nə̀ fətitì fə ngòynsə ki sətsensə ə̀ wum, a sə nlù dyʉ̀ sə kə̀ʼtə̀ wùlɨm lam a ghə̀ ndiʼi vì. Vəwenə sə ndyʉ̀ no ndò lyɨ̀ kənkàʼtə̀ kəwen.

Ŋwàʼlə̀ Luk 10:18

Yesò gàʼ à vəwenə la,“Mà tə yen ando Satan lù fa kàŋ ə fəŋ tò nə̀ ghʉ a ghə̀ mwànə̀.

Ŋwàʼlə̀ Jud 1:13

Viʼi a venə ə diʼ to nə̀ əsɨŋ a mù a mə bwìnkə̀ a ti a mù mə ghoʼo mə. To ando mu nə̀ bwìnkə̀, tenə fo ə byɨvə shisə a wen a mù. A diʼ to ndə̀ŋndəŋ to ando nyʉ̀ ə byɨvə ə və wenə fʉ̀kə̀ a ndayn. Vəwenə ə diʼ to nə̀ mədzɨ̀ŋ a mə tenə viʼi a kù, diʼ mù Nyìngòŋ ə moʼtə li kəshi kə fenə to la lèm la mə faŋ tsu to ghayn əmùʼ.

Kəmwetə 1:20

Əvenə diʼ ənyʉ̀ lyomtəvə a və diʼì byìʼì mədzɨ̀ŋ mèn sòmbo a wù yenə à mo kəvu kəkwoŋ ə toghə bènə̀ əfo venə sòmbo a və tomtə̀ ə̀ nkàʼtə̀ tsu lə̀: Mədzɨ̀ŋ mèn sòmbo dìʼi ntsɨ̀ŋsə ngə̀ŋ Nyìngòŋ a aloʼ ntsèntə̀sə viʼi və byɨməvə yi sòmbo, ə̀fo venə sòmbo a və tomtə̀ ə̀ nkàʼtə̀ tsu diʼ aloʼ ntsèntə̀sə viʼi və byɨməvə yi sòmbo.”

Kəmwetə 12:4

Əkwen ə wen ə zhès əshyə mədzɨ̀ŋ ə̀ mùʼ fa tì təshyə tə taʼ ə̀ mòʼ shìsə a nse. Nyàm ə fànsə ayì tɨmə a shɨ ə̀ wùwì yì a ghə̀ sə̀ diʼ a məbwi lì sə̀ bvʉ̀tə̀ ə pfiʼ wàyn ayì a ghə̀ a bwi lì.

Kəmwetə 14:7

Ntsɨ̀ŋ ngə̀ŋ ə̀ Nyìngòŋ ayì ə̀ nzɨmə̀ gàʼà no a gɨ̀ to la, “Ghə̀ŋ ə̀ nghoʼsə̀ Nyìngòŋ byìʼe əzhʉ kwʉʼ li ə ghə̀ soʼ viʼi. Ghə̀ŋ ghoʼsə̀ wen yì a ghə̀ ə̀ nshɨ̀tə̀ kaŋ nə̀ nse nə̀ ə̀mu mə ghoʼomə̀ bènə̀ ashɨ a mu nfʉ fa tsu.”

Kəmwetə 16:4

Kənkùmtə̀ kə ntsɨ̀ŋ ngə̀ŋ ə̀ Nyìngòŋ ə sə ndiʼ sətaʼ shʉ̀ʼ shìʼsə kəkaŋ kə wen a təfwàn tə a mù nə̀ a ashɨ lèmə̀lèmə̀, ə̀mu mi kaʼkə a mənlyuŋ.

Kəmwetə 6:13

mədzɨ̀ŋ mə̀ kàŋ fəŋkə̀ a nse to nə̀ ə fəkoʼ a zhʉ fə zàʼà ashɨ ə chʉ ə lɨ̀m wen benə ando əfwof ə chò nə̀ʼə̀,

Kəmwetə 8:7

Ntsɨ̀ŋ ngə̀ŋ ə̀ Nyìngòŋ ə̀ mbì toŋ ə̀soŋ ə wen, awoŋ nə̀ əzhiʼ zìtə̀ ə shiʼi a nse mu və fɨ̀ŋ li nə̀ mənlyuŋə. Ə̀fo a vyi shiʼi a lì ə̀ nyùʼ əshyə nse kə mùʼ fa tì ə̀ bàs ə taʼ, ə̀ bè nè tò ndə̀ŋndəŋ nə̀ nkòʼ bè nyùʼ agəŋ ə zhʉghə no a tsèm.

Kəmwetə 9:1

Ntsɨ̀ŋ ngə̀ŋ ə̀ Nyìngòŋ tsen toŋ ə̀soŋ ə wen ə və ndiʼ vətàyn, mà yen fədzɨ̀ŋ fə lù fa kàŋ ə̀ fə̀ŋ a nse ə̀ və ku kənzàs kəchʉ̀ ə nkwòŋ tsen a ghə̀ shwemə shiʼi dyʉ̀ tò dyʉ̀ à wen.

Kəmwetə 9:15

Və mù zàtə̀ ntsɨ̀ŋsə ngə̀ŋ Nyìngòŋ ashì səkàʼ byìʼàndo əzhʉ ə nkwʉʼ li, kətsi kə kwʉ̀ʼ, sàŋ nə̀ ngwʉ̀ʼ bè kwʉ̀ʼ ə və zhwi wìʼ muʼ ə̀ mùʼ fa tì viʼi vətaʼ.

Kəmwetə 9:18

Ngəʼsə fànsəsə asènsə sə̀ taʼ a ndìʼ əzhiʼ, nə̀ fələʼ nə̀ məkàyn a sə mfʉ̀ fa təchʉ̀ ə̀ təlyəŋ atì, ə zhwi wìʼ muʼ mùʼ fa tì viʼi və taʼ.